Ársrit Ræktunarfélags Norðurlands - 01.01.1928, Side 43

45
þetta mál og er því í ráði, að gerð verði ný tilraun með
leirsteypubyggingar í Gróðrarstöð félagsins á komandi
vori og ef til vill verður þá komið á stuttu námskeiði í
sambandi við þá tilraun. Verður reynt að undirbúa
þessa starfsemi eftir föngum á yfirstandandi vetri. Er
ekki ástæða til að rita frekar um þetta mál, eins og
sakir standa, því réttast mun að fara varlega meðan
reynslan er lítil og í öðru lagi vantar, enn sem komið
er, fólk með verklega þekkingu til þess að rannsaka
möguleikana og veita framkvæmdunum forstöðu.
Akureyri í nóvember 1929.
ólafur Jónsson.