Ársrit Ræktunarfélags Norðurlands - 01.01.1988, Síða 76

STARFSSKÝRSLUR 1987-1988
til aðalfundar Ræktunarfélags Norðurlands
að Hólum í Hjaltadal 6. september 1988
I. SKÝRSLA BJARNA E. GUÐLEIFSSONAR
lnngangur.
Ég starfa sem fyrr við Ræktunarfélag Norðurlands og Til-
raunastöðina á Möðruvöllum, vinn ég við leiðbeiningastörf
hjá Ræktunarfélaginu en rannsóknastörf hjá Tilraunastöð-
inni. Störf mín hjá Ræktunarfélaginu hafa einkum verið
framkvæmdastjórn, ritstjórn ársrits auk daglegra íhlaupa við
efnagreiningar eftir því sem þörf hefur verið á. Við Tilrauna-
stöðina hef ég einkum sinnt kalrannsóknum auk vinnu við
jarðræktartilraunir með tilraunastjóranum. Ég hef lengst af
verið í 75% staríi hjá Ræktunarfélaginu, en frá síðustu ára-
mótum hef ég verið í 50% stöðu þar. Guðmundur Helgi
Gunnarsson sem var í 50% starfi hjá Ræktunarfélaginu kom
hins vegar að fullu til starfa frá fyrsta september á síðasta
ári. Frá sama tíma tók einnig Pórður Stefánsson að sér bók-
hald og daglegar fjárreiður félagsins, en hann er annars
starfsmaður Búnaðarsambands Eyjafjarðar. Matthildur
Egilsdóttir vann á rannsóknastofu í fullu starfi en Gunnfríður
Hreiðarsdóttir í hálfu starfi og auk þess Þóra Björg Eiríks-
dóttir frá 20. ágúst út árið. Frá 1. október hafa Matthildur
Egilsdóttir og Sigrún Arngrímsdóttir séð um ræstingu. Öllu
þessu samstarfsfólki mínu vil ég þakka gott samstarf og vel
unnin störf. Þá vil ég einnig færa héraðsráðunautum þakkir
78