Ársrit Ræktunarfélags Norðurlands - 01.01.1988, Qupperneq 82

og halli af íbúðarhúsi á Möðruvöllum. Ef skoðaðar eru breyt-
ingar á tekjustofnunum þremur síðustu fimm árin kemur
í ljós að verðlagning á sýnum hefur tæplega haldið í við
vísitöluhækkun, framlög búnaðarsambandanna hafa dregist
mest saman og launahlutur ríkisins einnig talsvert. A þessum
fundi þurfum við að finna lausnir á þessum málum.
Landbúnaðurinn hefur verið á tímamótum, leiðbeininga-
þjónustan stendur á tímamótum, Ræktunarfélag Norður-
lands er á tímamótum. A þessum fundi ræðum við skipulag
þessara mála. Umræður og einkum aðlögun að breyttum
aðstæðum eru einkenni á lifandi starfsemi. Starfsemi Rækt-
unarfélagsins þarf sífellt að vera í endurskoðun ef hún á að
verða norðlenskum bændum til hagsbóta svo sem stofnendur
félagsins ætluðust til. Við skulum láta það sannast að leið-
beiningaþjónustan á Norðurlandi sé lifandi og takist á við
breyttar aðstæður, auknar kröfur og harðnandi samkeppni.
II. SKÝRSLA GUÐMUNDAR H. GUNNARSSONAR
Heyefnagreiningar.
Á meðfylgjandi töflu eru sýndar niðurstöður efnagreininga
á heysýnum frá hausti 1987 fram á vor 1988. Þjónustuhey-
sýnin frá bændum urðu alls 1324 og er það um 260 sýnum
færra en árið á undan. Færri sýni bárust frá öllum búnaðar-
samböndunum nema Skagafirði, en þaðan urðu þau álíka
mörg og árið á undan. Fækkun sýna var hlutfallslega mest
hjá Húnvetningum og búnaðarsambandi A- Skaftfellinga og
frá búnaðarsambandi Austurlands bárust engin heysýni síð-
astliðið haust.
Af heyjunum þurfti að meðaltali 1.92 kg í hverja fóðurein-
ingu, sem var heldur lakara en menn höfðu gert ráð fyrir.
Fóðurgildið var að meðaltali best í V-Húnavatnssýslu 1.85
84