Ársrit Ræktunarfélags Norðurlands - 01.01.1988, Síða 86

túnspildum og breytingum sem orðið hafa síðan túnkortin
voru gerð hafa verið notaðar loftmyndir í mælikvarða 1:2000.
Hér hefur eingöngu verið um stærðarmælingar að ræða, en
ekki verið teiknuð ný túnkort, sem þörfværi á þar sem miklar
breytingar hafa orðið. Til að leysa þessa hluti bæði hvað
varðar túnkortin og stærðarmælingar er hugmyndin að nýta
tölvutæknina. Ég hef lítillega skoðað þennan möguleika og
vegna þessa fyrirhugaða verkefnis fórum við Þórarinn Sól-
mundarson í stutta ferð til Danmerkur í byrjun júní til að
kynna okkur þá aðferð sem Danir hafa þróað í þessu skyni
og eru byrjaðir að nota. Við kortagerðina nota þeir loftmynd-
ir í mælikvarða 1:4000 og telja sig fá næga nákvæmni með
því. Sú tækni eða tæki sem til þarf í þessu sambandi auk
tölvunnar sjálfrar er, hugbúnaður, lesborð (digitalborð) og
sérstakur teikniprentari. Ekki hefur verið tekin nein ákvörð-
un um það hvaða tæki yrðu fyrir valinu til þessa verkefnis
en miðað við að þau myndu þjóna öllu Norðurlandi.
Hér hefur verið drepið á helstu þætti í starfseminni frá
síðasta aðalfundi. Fundir á vegum Ræktunarfélagsins voru
nokkuð margir á s.l. ári, sem ég tók þátt í, en Bjarni hefur
gert grein fyrir þeim í skýrslu sinni. Ég vil að lokum þakka
starfsfólki Ræktunarfélagsins gott samstarf á liðnu ári.
III. SKÝRSLA JÓHANNESAR SIGVALDASONAR
UM STARFSEMI TILRAUNASTÖÐVARINNAR
Á MÖÐRUVÖLLUM
Búrekstur.
Tímabil það er þessi skýrsla nær yfir er á milli aðalfunda
Ræktunarfélags Norðurlands.
Á haustdögum 1987 voru næg hey, að hluta fyrningar frá
fyrri árum. Eins og fyrri ár var hluti af hánni, grænfóðrið
88