Ársrit Ræktunarfélags Norðurlands - 01.01.1988, Side 88

Tilraunir.
Tilraunir eru með minnsta móti. A fjárlagafrumvarpi sem
lagt var fyrir Alþingi síðast liðið haust var Tilraunastöðin
á Möðruvöllum þurrkuð út - hennar að engu getið í því
plaggi. Undirritaður hafði þó eigi þegið uppsagnarbréf og
því ljóst að nokkru yrði ríkið að kosta í laun á þessu ári
hvernig sem það var hugsað á þeim tíma. Eftir japl og jaml
og fuður var á fjárlög sett upphæð kr. 8 milljónir sem átti
að skiftast á allar tilraunastöðvarnar (að Sámstöðum undan-
skildum). Petta nægir þó ekki til launagreiðslna handa þeim
sem eru í föstu starfl á tilraunastöðvunum og því eru á þessu
ári engir peningar og raunar minna en ekkert til tilrauna.
Þrátt fyrir þetta var ögn reynt að vinna að tilraunum. í
fyrrahaust voru þær kýr sem báru teknar í svokallaða „svelti-
tilraun“. Fengu þær fast 3 kg af fóðurbæti á dag en hey
eins og þær gátu étið. Með þessu fengu kýrnar ekki orku
í fóðri nema um það bil til að framleiða 20 lítra af mjólk.
Þær 5 kýr sem í athuguninni voru mjólkuðu allar um 5 lítrum
meira á dag fyrstu tvo mánuðina en þær fengu orku til úr
fóðrinu. Þær héldu þó allgóðri heilsu, mjólkuðu af sér öll
hold og fitumagn mjólkur lækkaði verulega. Virðist á þennan
hátt hægt að fá verulega nyt úr haustbærum á tiltölulega
litlum fóðurbæti. Augljóst er að kýr sem bera síðla vetrar
með þessari fóðrun myndu komast af með enn minni fóður-
bæti þar sem hægt er að halda hærri nyt á beit en heyi.
Að hluta til var þessi athugun endurtekin eftir áramót á
kúm sem báru í febrúar og mars. Uppgjör þessara athugana
hefur ekki verið gert. Tilraun með heyköggla af sama tagi
og gerð var í fyrra og hitteðfyrra var enn hleypt af stokkunum
í janúar en var hætt þegar sýnt þótti að hey voru ekki næg
til maíloka. Endanlegt uppgjör þessara kögglatilrauna er enn
ógert.
Jarðræktartilaunir voru þær helstar að enn er haldið áfram
að bera á og uppskera tvær gamlar tilraunir í túni Gróðrar-
stöðvarinnar á Akureyri. Onnur þeirra er meira að segja
fimmtug á þessu ári og var haldið upp á afmælið með viðhöfn
nú síðsumars. Stofnatilraun með túnvingul var uppskorin
90