Ársrit Ræktunarfélags Norðurlands - 01.01.1988, Blaðsíða 94

leiðbeiningaþjónustunnar á Austurlandi. í janúar hittust
ráðunautar aftur til fundar um innkaupin á rúllubaggavél-
um. Loks er þess að geta að við Guðmundur Helgi fórum
margar ferðir víðs vegar um Norðurland í apríl, maí og júní
til að kanna ástand túna og útbreiðslu kalskemmda. Fórum
við meðal annars eina ferð vestur í Strandasýslu í fylgd með
Brynjólfi Sæmundssyni héraðsráðunaut. í apríl ogmaíbrut-
um við okkur niður í gegnum snjó og svell og tókum hnausa
í ræktun til að kanna hvort grasið væri lifandi eða dautt.
Spáðum við fyrir um skemmdir en þær reyndust allmiklar
á vissum svæðum og reyndar dreiíðari um Norðurland en
oft áður. Allmiklar skemmdir voru við Hrútafjörð og vestan-
verðan Miðfjörð, einnig í Svínadal í A-Húnavatnssýslu, á
Skaga og í Fljótum, Ólafsfirði og Árskógsströnd, fremst í
Hörgárdal, Fnjóskadal og víðar í S-Pingeyjarsýslu og einnig
við Þistilfjörð. Loks má geta þess að við Guðmundur Helgi
fórum í vor og liðsinntum Skagfirðingum við töku jarð-
vegssýna.
Ritstörf hafa verið í lágmarki á árinu, eina grein birti ég
í Garðyrkjuritinu um ánamaðka og undirbjó fleiri til prent-
unar. Ársrit Ræktunarfélagsins 1988 hefur ekki komið út og
er hugmyndin að slá saman tveimur árgöngum.
Við höfum nokkuð velt fyrir okkur nýjum leiðum til að
koma þekkingu og leiðbeiningum á framfæri við bændur.
Almennir bændafundir eru nú orðnir næsta fátíðir og fremur
illa sóttir. Þess vegna hefur Ræktunarfélagið haft forgöngu
um gerð myndbanda með íslensku fræðsluefni fyrir bændur.
Er hugmyndin að bændur geti fengið þessi bönd með sér
heim og skoðað þau í ró og næði þar sem myndbandstæki
eru aðgengileg. Hafa í sumar staðið yfir myndatökur fyrir
tvö slík 45 mínútna myndbönd og er það Samver á Akureyri
sem sér um tæknilegu hliðina en sótt hefur verið um fjármagn
til Framleiðnisjóðs í þetta verkefni. Annað myndbandið sem
komið er af stöfnunum fjallar um grasrækt og hef ég stýrt
því en Ólafur G. Vagnsson stýrir öðru myndbandi sem fjallar
um kartöflurækt.
96