Ársrit Ræktunarfélags Norðurlands - 01.01.1988, Blaðsíða 99

NJF á Laugarvatni, þar sem ræddar voru ýmsar efnagrein-
ingar tengdar landbúnaði. Síðla vetrar og í vor fór nokkur
tími í töku sýna (hnausa) úr túnum á Norðurlandi undan
svellum vegna væntanlegra kalskemmda, en Bjarni gerir
nánari grein fyrir þeim athugunum í sinni skýrslu. í júní
var varið nokkrum tíma í að meta kalskemmdir og skoðaði
ég tún með Benedikt Björgvinssyni á flestum bæjum í Þistil-
firði og með Víkingi Gunnarssyni á all mörgum bæjum í
Fljótum. í sambandi við leiðbeiningar má nefna að ég hef
að mestu leyti séð um gerð áburðaráætlana hjá Búnaðar-
sambandi Eyjafjarðar út frá niðurstöðum jarðvegssýna og
einnig tölvuvinnslu á áburðarpöntunum sem gerðar eru fyrir
bændur á haustin. Fyrir þetta hefur verið greitt sérstaklega
afhálfu Búnaðarsambands Eyjafjarðar.
Á síðasta aðalfundi gerði ég lítillega grein fyrir tölvu-
vinnslu á túnkortum og á fundi 22. nóvember 1988 var ráðu-
nautum á svæði Ræktunarfélagsins kynnt þessi aðferð frekar.
í vetur var gerð kostnaðaráætlun vegna tækjakaupa til þessa
verkefnis og hljóðaði hún upp á eina milljón króna. Sótt
hefur verið um styrk til Framleiðnisjóðs og Landverndar til
að fjármagna þessi kaup, en svör hafa ekki borist ennþá (þ.e.
5. sept. 1989).
I sambandi við tilraunir þá hef ég séð um prófanir á kart-
öfluafbrigðum og síðustu tvö árin einnig prófanir á byggaf-
brigðum. Tíðarfar seinni hluta sumars 1988 var óhagstætt
fyrir kornþroska, en sum afbrigðin náðu þó nokkuð góðum
þroska og álíka og best gerðist á Suðurlandi. Hér hefur verið
drepið á það helsta í starfseminni frá síðasta aðalfundi, og
vil ég hér að lokum þakka bændum, ráðunautum og stjórn
Ræktunarfélagsins fyrir samskiptin og samstarf á liðnu
starfsári.
101