Ársrit Ræktunarfélags Norðurlands - 01.01.1988, Page 100

III. STARFSSKÝRSLA JÓHANNESAR SIGVALDASONAR
UM STARFSEMI TILRAUNASTÖÐVARINNAR
Á MÖÐRUVÖLLUM
Tímabil þessarar skýrslu nær á milli aðalfunda
Ræktunarfélags Norðurlands.
Búrekstur.
Hey voru nægjanleg á haustdögum 1988. Heyskapur sumar-
ið 1988 varð ekki meiri en í meðalári að vöxtum en öllu
meiri að gæðum sérstaklega hey af bökkum, að undanskyldu
heyi af Suðurengi, en af bökkunum er erfitt að ná góðu heyi
vegna graslags. Af bakkaheyi frá sumrinu 1988 þurfti um
1.8-2.0 kg/FE og telst það gott af þessu landi. Hey af heima-
túni var sem fyrr mjög gott og notað handa nýbærum í til-
raunum. Afurðir kúa hafa enn aukist og voru eftir uppgjör
nú á miðju sumri 5166 kg eftir árskú. Fóðurbætisgjöf á sama
tíma 720 kg. Við síðustu áramót voru fleiri gripir í fjósi en
verið hafa fyrr meðal annars vegna þess að óvenjumargar
kvígur báru fyrsta kálfi haustið 1988. A yfirstandandi ári
mun nautgripum eitthvað fækka aftur. Prátt fyrir að kúm
hafi ekki verið gefinn fóðurbætir sem nokkru nemur — fyrir
utan þær kýr sem voru í tilraunum — hefur mjólkurfram-
leiðsla verið mikill allt árið og síðustu daga ágústmánaðar
var verðlaus mjólk send í samlag þar sem fullvirðisréttur
var búinn.
Síðast liðið vor var kalt og spretta sein, einkum var þetta
bagalegt á bökkum en þeir voru lengi blautir og kaldir meðal
annars vegna hárrar vatnsstöðu í ánni. Heyskapur hófst þó
á heimatúni síðustu daga júnímánaðar en uppihald varð
nokkurt við slátt þegar heimatúni var lokið meðan beðið
var eftir sprettu á bökkum. Heyskapartíð hefur verið mjög
stirð nýliðinn ágústmánuð en heyskap er þó í megindráttum
lokið nú um mánaðamót.
Minkur úr sóttkvíarbúi á Möðruvöllum - í Möðruvallakoti
eins og þetta býli heitir nú - var seldur eða honum lógað
á síðasta ári. Um fráfærur í fyrra um mánaðamót júní-júlí
102