Frjáls verslun - 01.06.1955, Blaðsíða 13

Madrid er borg mikilla andstæðna
Aætlunin okkar segir, að næsti ákvörðunar-
staður sé sjálf höfuðborgin Madrid. Þangað eru
um 450 km frá Granada, eftir því sem komizt
verður næst, eða svipuð' vægalengd og á milli
Reykjavíkur og Akureyrar. Nokkrir af ferðafé-
lögunum höfðu stungið upp á því að breyta svo-
lítið út af hinni fyrirframákveðnu ferðaáætlun
og heimsækja Sevilla, áður en 'haldið yrði til
Madrid, en það hefði þýtt það að við 'hefðum
orðið degi skemur í höfuðborginni. Voru flestall-
ir komnir á þá skoðun, að gaman væri að geta
bætt Sevilla í áætlunina, en þá kom það upp
úr dúrnum, að ógjörningur myndi reynast að
fá húsaskjól yfir okkur í borginni. Mikil hátíða-
höld fóru fram í Sevilla um þessar mundir, og
var borgin yfirfull af ferðamönnum. Franco var
þar einnig staddur um þetta leyti, svo við misst-
um þar tækifæri til að sjá einvaldinn í eigin
persónu. Urðum við að láta okkur nægja dag-
legar myndir af honum í blöðhnum, sem fluttu
nákvæmar fréttir af því, sem hann aðhafðist þá
stundina.
Við héldum okkur því við gerða áætlun og
lögðum af stað frá Granada til Madrid snemma
morguns. Þjóðvegurinn til höfuðborgarinnar er
beinn og breiður rnest alla leiðina og gengur því
ferðin vel. Hann Zesar, bílstjórinn okkar, er í
ágætis skapi, enda kannske ástæða til, þar sem
ekkert óhapp hefur hent okkur á leiðinni, og
hann er því nokkurn veginn öruggur um að halda
vinnunni áfram. Honum er það mikið metnað-
armál að fá að stjórna áfram þessum glæsilega
farkosti, sem alls staðar vekur athygli, enda er
ekki laust við, að aðrir „kollegar“ hans öfundi
hann af þessu starfi í nýja einkennisbúningnum.
Þarna blasir þá Madrid við okkur í kvöld-
skímunni, og hinn trausti leiðsögumaður okkar,
Inga greifafrú, heldur smá fyrirlestur um borg-
ina og það, sem helzt muni koma útlendingum
á óvart, sem heimsækja hana í fyrsta skipti.
Madrid er borg andstæðna. Enda þótt hún sé
nú iðandi nútíma stórborg, hefur Madrid tekizt
að varðveita mörg af einkennum lítils og kyrr-
láts sveitarþorps, svo sem þröngar, steinlagðar
götur, forna brunna, gömul hús og listaverk, sem
segja sögu löngu liðinna tíma. Borgin er í örum
vexti og ber mikið á nýjum stórhýsum í smíðum
víðsvegar um hana. Madrid er fyrir margra liluta
sakir skemmtileg borg, iðandi af fjöri eftir venju-
legan háttatíma okkar Norðurlandabúa. Skýr-
inguna á þessu næturrölti Spánverjanna má ef
til vill finna í því, að þeir taka sér daglega hvíld
milli kl. 1 og 4 um eftirmiðdaginn, og er þá
verzlunum, skrifstofum og ílestum iðnaðarfyrir-
tækjum lokað. Þetta er þeirra hvfldartími eða
„siesta“, sem orðin er erfðavenja í spænsku
þjóðlífi. Þeir bæta þetta síðdegisfrí þó upp með
því að vinna lengur á kvöldin en almennt gerist
hjá okkur eða fram til kl. 7 og 8.
Við dvöldum fimm daga í Madrid, skoðuðum
söfn og ýmsar rnerkar byggingar og léttum á
pyngjunni með því að heimsækja verzlanir, en
þar er margt hægt að kaupa fyrir tiltölulega lágt
verð. M. a.. komum við í Museo del Prado, sem
er talið eitt af fremstu listasöínum í heimi. Þar
gefur að líta um 3000 málverk eftir marga af
hinum gömlu meisturum, svo sem Leonardo de
Vinci, E1 Greco, Goya, Velázques og Rubens.
Væri hægt að eyða rnörgum dögum í þessu
merkilega listasafni, en því miður urðum við að
fara fljótt yfir, því ekki var viðlit að skoða nema
það' merkasta, sem talið var að vera myndi inn-
an veggja.
Þann 1. maí vorum við stödd í Madrid, en
lítið varð maður var við kröfugöngur á þessum
slóðum í tilefni dagsins. Einu rauðu flöggin, sem
ég gat séð í borginni voru við vegatálmun, þar
sem grafið hafði verið út í eitt af strætunum
vegna viðgerðar á skolpræsi, Annars voru há-
tíðahöld í Madrid 2. maí, daginn áður en við
héldum heim, en þau voru haldin í tilefni af
1‘relsisbaráttu Spánverja við Frakka.
Ljósm.: N. S.
Myndastytta aj Don Quixote prýðir eitt af hinum föyru torgum
í miðhluta Madrid-borgar.
FRJÁLS VER7LUN
101