Frjáls verslun - 01.11.1959, Blaðsíða 24
Höskuldur Ólafsson, sparisjóðsstjóri:
Frá Verzlunarsparisjóðnum
Um þessar mundir eru rúm þrjú ár liðin frá því
Verzlunarsparisjóðurinn hóf starfsemi sína og hefir
það orðið að samkomulagi milli mín og ritstjóra
Frjálsrar Verzlunar að ég léti lesendum ritsins í té
nokkrar upplýsingar um starfsemi sparisjóðsins
þennan tíma.
Aðdragandann að stofnun sparisjóðsins má rekja
til ársins 1953, er nefnd var skipuð af Sambandi
smásöluverzlana og Verzlunarráði íslands til þess
að undirbúa stofnun sparisjóðs. Nefndin boðaði til
stofnfundar 4. febrúar 1956 og voru stofnendur 310
einstaklingar og fyrirtæki. Sparisjóðurinn tók til
starfa hinn 28. september 1956 og varð þá þegar
vart almenns áhuga hjá stofnendum og öðrum
kaupsýslu- og verzlunarmönnum á vexti hans
og viðgangi. Skapaðist þegar hinn ákjósanlegasti
starfsgrundvöllur, þar sem gott samstarf tókst með
forráðamönnum sparisjóðsins og velunnurum hans
um að efla og styrkja starfsemina. Hefir þetta sam-
starf einkennt starfsemi sparisjóðsins öðru fremur
og tel ég það meginforsendu fyrir þeim árangri sem
náðst hefir.
Innstæður í sparisjóðnum hafa vaxið ár frá ári
og voru niðurstöðutölur innstæðna í árslok 1956,
1957 og 1958, svo sem hér segir:
Sparisj.innst. Tllr.innst. Samt.
millj. kr millj. kr. millj. kr.
Árslok 1956 16,9 6,4 23,3
— 1957 56,4 20,4 76,8
— 1958 88,2 27,5 115,7
Verzlunarsparisjóðurinn var þannig í lok síðasta
árs orðinn stærsti sparisjóður landsins og hafði þar
með náðst meiri og betri árangur en björtustu von-
ir höfðu staðið til í upphafi.
Iíagur sparisjóðsins hefir farið batnandi með
hverju starfsári. Rekstrarafgangar áranna 1957 og
1958 nam um 1,4 millj. kr. og hefir verið lagt í
varasjóð tæp hálf milljón króna en afskrifað hefir
verið af stofnkostnaði, áhöldum og fasteign um
900 þús. kr.
A aðalfundi sparisjóðsins árið 1957 var sam-
þykkt tillaga þess efnis að stjórn sparisjóðsins kann-
aði möguleika á kaupum á hentugri fasteign, þar
sem sparisjóðnum yrði búinn staður í framtíðinni.
Jafnframt var stjórn sparisjóðsins heimilað að ganga
frá kaupum, ef hentug fasteign byðist. St.jórnin
athugaði ýtarlega hvort eitthvað væri af fölum
fasteignum í miðbæ Reykjavíkur og að þeim athug-
unum loknum var eigendum fasteignarinnar nr. 2
við Vesturgötu gert tilboð í eignina. Tókust samn-
ingar um kaup eignarinnar og voru þeir undirrit-
aðir 8. marz 1958. Aðalfundur sparisjóðsins, sem
haldinn var þann dag fagnaði einróma kaupunum.
Á uppdrætti þeim, sem hér er birtur, má sjá,
hvernig framtíðarskipulag á mótum Vesturgötu-
Aðalstrætis og Hafnarstrætis hefir verið samþykkt
af Bæjarstjórn Reykjavíkur. Er gert ráð fyrir að
myndarlegt hús rísi af grunni á reit þeim, sem mót-
ast af Vesturgötu-Aðalstræti-Hafnarstræti-Naust-
unum-Tryggvagötu og Grófinni. Reitur þessi er að
Stiórn Verzlunarsparisjóðsins. Fró vinstri: Pétur Sæmundsen,
Egill Guttormsson og Þorvaldur Guðmundsson
24
FRJÁLS VEBZLtTN