Frjáls verslun - 01.01.1964, Blaðsíða 6

AUÐUGASTA
ÆTT EVRÓPU
Fyrir um það bil tvö hundruð árum bjó í Frank-
furt í Þýzkalandi Gyðingur að nafni Meyer Am-
schel Rothschild. Hann var kaupmaður og átti fimm
sonu og fimm dætur.
í dag er Rothschild-ættin ríkasta ætt Evrópu.
Fjárhagur hennar stendur traustum fótum á meg-
inlandi Evrópu og Bretlandi og áhrifa hennar gætir
í viðskipta- og fjármálalífi um allan heim. (Hér má
til gamans skjóta því inn, að frú Piatigorsky, sem
stóð fyrir skákmóti því í Los Angelcs, sem Friðrik
Ólafsson stórmeistari tók þátt í með miklum sóma,
er af Rothschild-ættinni og er hið upphaflega nafn
hennar, Jacqueline Rothschild, systir hins franska
Guy Edouard Alphonse Paul de Rothschild.)
Synimir fimm
Meyer Rothschild efnaðist fljótt á ýmis konar
verzlun og þegar synir hans fimm komust á legg
sendi hann fjóra þeirra út af örkinni til þess að
freista gæfunnar, en sá fimmti Amschel dvaldist
um kyrrt í Frankfurt föður sínum til hjálpar.
Nathan, sem var mikill fjármálasnillingur, settist
að í Lundúnum, Jakob í París, Salómon í Vín og
Kalmann í Neapel.
Auðæfi Rothschildanna margfölduðust fljótlega
og þeir unnu sér mikið álit í æðstu röðum fjármála-
og stjórnmálamanna. Það var Rothschildfé, sem
gerði Frökkum kleift að lcggja undir sig Alsír,
Bretum að kaupa upp hlutabréf í Súez-skurðinum,
hinum fræga Cecil Rhodes að leita landa og auðs
í Afríku og svo mætti lengi telja. Meðan veldi
Rothschild-ættarinnar var sem mest gat hún fellt
ríkisstjórnir um alla Evrópu að vild. Þeir lögðu
fram fé til styrjaldarreksturs, lögðu járnbrautir um
alla Evrópu og leituðu demanta í Afríku.
ErfiS ór
En heimsstyrjöldin fyrri breytti mörgu og árin
eftir hana urðu Rothschild-ættinni erfið. Ættlið-
irnir í Þýzkalandi og Ítalíu dóu út en ný skatta-
lög sendu stórar fúlgur af Rothschild-auðæfunum
í ríkiskassana. Fyrirtæki þeirra voru þjóðnýtt og
Rothschildarnir sjálfir fylgdust ekki með tímanum.
I styrjöldinni síðari voru öll auðæfi ættarinnar í
Austurríki notuð til þess að kaupa einn fjölskyldu-
meðliminn úr fangelsi hjá nazistum. En í stríðslok-
in tekur einn af yngri kynslóðinni, Guy de Roth-
schild, við sem höfuð ættarinnar og gæfan brosir
á ný við Rothschildunum.
Tveir aimar
í dag skiptist Rothschild-æt.tin í tvennt, hinn
Framhald á bls. 16
Leiðandi menn æltarinnar á
iundi
6
FRJÁLS VBRZLUN