Frjáls verslun - 01.01.1964, Blaðsíða 7
(( Athafnamenn og frjálst framtak
Guómundur Jörundsson
útgerðarmaður
Guðmundur Jörundsson útgerðarmaður er fæddur
3. nóvember 1912 í Þorgeirsfirði, fluttist þriggja
ára gamall með foreldrum sínum til Hríseyjar og
ólst þar upp. Foreldrar hans voru Jörundur útgerð-
armaður Jörundsson og kona lians María Sigurðar-
dóttir. Guðmundur naut barna- og unglingafræðslu
heima í Hrísey. Þrettán ára gamall byrjaði hann
sjósókn á vélbátum föður síns, og átján ára gam-
all varð hann fyrst formaður á vélbátnum íslandi,
og eftir það fór hann með flciri báta föður síns, unz
hann réðst á togara til að ná tilskyldum siglinga-
tíma vegna stýrimannanáms. Hann settist í Stýri-
mannaskólann 1935 og brautskráðist þaðan 23 ára
vorið 1936.
Að loknu námi eignaðist hann, í íélagi við föður
sinn, línuveiðarann Sæborgu, sem var gerður út frá
Hrísey, bæði á síld og aðrar veiðar, og var Guð-
mundur sjálfur skipstjóri unz hann umbyggði skipið
og setti í það dieselvél árið 1940 ,en það fórst í
stríðinu með allri áhöfn sama ár. Þá varð Guð-
mundur skipstjóri á ms. Kristjáni frá Akureyri á
síldveiðum og sigldi mikið til Englands utan síld-
veiðanna þetta ár. En 1941 lét hann umsmíða
gömlu seglskonnortuna Ida, setti í hana diesel-
vél og gaf nafnið Narfi, en hann varð gott og far-
sælt fiskiskip, sem Guðmundur var lengst af skip-
stjóri á til 1949. Árið 1948 réðst hann í að láta
smíða togarann Jörund í Englandi og fór sjálfur
fyrst með hann á síld fyrir norðan sumarið 1951.
Það skip rak hann til 1957. En árin 1958—9 á hann
í smíðum í Þýzkalandi mesta skip sitt til þessa, en
það er togarinn Narfi, er hann lét svo umbyggja
sem heilfrystiskip á árinu sem leið. Tvö skip sín
hefur Guðmundur skírt Narfa-nafninu og er það
cftir Narfa Þrándarsyni, sem og var kallaður Ilrís-
eyjar-Narfi.) Guðmundur er einn aðalcigandi í út-
gerðarfélaginu Jörundi hf., sem hefur látið smiða
tvö síldveiðiskip í Englandi, Jörund II. og Jörund
III., sem eru systurskip, 267 tonn að stærð. Eru
Jörundarnir báðir nýkomnir til landsins og í gagnið.
Meðan Guðmundur var enn búsettur í Hrísey,
rak hann þar söltunarstöð mcð föður sínum. Þar
sat hann og í hreppsnefnd síðustu fjögur árin, en
eftir að hann fluttist til Akureyrar 1943, átti hann
sæti í bæjarstjórn þar í átta ár. Hann var og í
stjórn Krossanesverksmiðjunnar í mörg ár, í Síld-
arútvegsnefnd og samtökum útvegsmanna. Hann
var brezkur vararæðismaður á Akureyri siðustu
fjögur ár sín þar. Fyrir störf sín að sjávarútvegs-
málum var Guðmundur sæmdur riddarakrossi
Fálkaorðunnar 1959. Hann fluttist það ár búferl-
Framhald á bls. 9
Guðmundur Jörundsson ílytur ávarp og
veitir viðtöku mesta skipi sínu, togar-
anum Narfa sem smíðaður var í Þýzka-
landi, um leið og íslenzki iáninn er
undinn að hún.
FRJÁLS VEKZLUN
7