Frjáls verslun - 01.12.1971, Blaðsíða 12
Island
Vangoldin meðlög 250 milljónir
IMý siofnun, innheimtustofnun sveitarfélaga,
tekur að sér innheimtu meðlaga næsta ár
Á næsta ári munu meðlög
til innheimtu vegna skilget-
inna og óskilgetinna barna á
íslandi verða um 145 milljónir
króna. Um komandi áramót
munu vangoldin eldri meðlög
nema um 250 milljónum, en
meðlagsskuldarar verða senni-
lega um 4000 á öllu landinu.
Á undanförnum árum hefur
Tryggingastofnun ríkisins verið
ætlað að annast innheimtu
meðlaga, en hún hefur þó ekki
numið nema u. þ. b. 3—5% ár-
lega af því, sem stofnunin hefur
greitt í meðlög til mæðra. Af
hálfu Tryggingastofnunar hef-
ur eitt áskorunarbréf verið
sent til barnsföður um
greiðslu meðlags og tekið við
greiðslum, ef bréfið hefur haft
tilætluð áhrif. Um aðrar inn-
heimtuaðgerðir Trygginga-
stofnunarinnar hefur ekki verið
að ræða. Ef barnsfaðir stendur
ekki í skiluin, kemur til kasta
sveitarfélaganna að innheimta
meðlög, en þá er oft um að
ræða allverulegar skuldir, sem
safnazt hafa saman og gera
innheimtuna erfiða.
í næsta mánuði mun taka til
starfa ný stofnun, Innheimtu-
stofnun sveitarfélaga. Hún
verður sameign allra sveitarfé-
laga á iandinu en staðsett í
Reykjavík. 50—60% allra með-
lagsskuldara búa á höfuðborg-
arsvæðinu. Tryggingastofnun
rikisins hættir innheimtutil-
raunum sínum um leið og Inn-
heimtustofnunin tekur til
starfa og jafnframt hætta öll
sveitarfélög sinni meðlagsinn-
heimtu. Innheimta mun fram-
vegis geta byrjað hjá barnsföð-
ur í sama mánuði og barnsmóð-
ir fær meðlag greitt í fyrsta
skipti hjá Tryggingastofnun
ríkisins. Er þetta mikilvægt
atriði, ekki einungis fyrir inn-
heimtuna sem slíka, heldur
einnig fyrir skuldara, sem
losnar auðveldar við þessar
byrðar ef hann greiðir smátt
og smátt og lætur skuldir ekki
hlaðast upp.
Framvegis verður allt landið
eitt innheimtusvæði, og er hug-
myndin að fá atvinnurekendur
almennt til að aðstoða við inn-
heimtuna. Eftir breytinguna
getur hvaða atvinnurekandi
sem er, hvar sem er á landinu,
með einni upphringingu til Inn-
heimtustofnunarinnar fengið
upplýsingar um, hvort tiltekinn
starfsmaður eða umsækjandi
um starf skuldi meðlag. Fram
til þessa hefur stundum viljað
brenna við, að atvinnurekend-
ur hafi ekki getað aflað sér
nauðsynlegra upplýsinga, þó að
gjarnan vildu. Innheimtudeild
sveitarsjóðs hefur ef til vill
engar kröfur á starfsmann, þó
að búsettur sé í viðkomandi
sveitarfélagi, en ári síðar berst
atvinnurekendum samt bréf úr
næsta sveitarfélagi, þar sem
starfsmaðurinn er sagður
skulda þar verulegar fjárupp-
hæðir.
I lögum um Innheimtustofn-
un sveitarfélaga er gert ráð
fyrir að hún geti krafið kaup-
greiðanda um að halda eftir
hluta af kaujsi eða aflahlut til
lúkingar meðlögum. Skulu slík-
ar kröfur ganga fyrir öðrum
kröfum, þar á meðal kröfum
sveitarsjóða og innheimtu-
manna ríkissjóðs. Kaupgreið-
endur skulu halda slíku inn-
heimtufé aðgreindu frá eigin
fé eða fé fyrirtækis. Vanræki
kaupgreiðandi að verða við
slíkri kröfu, ber hann ábyrgð
gagnvart Innheimtustofnun-
inni allt að þeirri fjárhæð,
sem hann hefur greitt barns-
föður eftir að krafa Inn
heimtustofnunarinnar barst
honum. Sama gildir, ef kaup
greiðandi tekur ekki tilskilda
fjárhæð af kaupi eða aflahlut,
eða ef hann skilar ekki inn-
heimtu meðlagsfé til Inn--
heimtustofnunarinnar innan
hálfs mánaðar.
Þá er það nýmæli, að gera
má lögtak hjá kaupgreiðanda
vegna vanrækslu hans í þessu
sambandi með sama hætti og
hjá meðlagsskuldara sjálfum.
Ákvæði þetta er til að undir-
strika ábyrgð kaupgreiðenda
og auðvelda innheimtuna með
því að geta gert beint lögtak í
stað þess að þurfa að stefna
í sérstöku máli.
ÖNNUMST ALLS KONAR BODDl-VIÐGERÐIR,
RÉTTINGAR, MÁLUN Á ÖLLUM TEGUNDUM
BIFREIÐA. HÖFUM FULLKOMNUSTU VERK-
FÆRI, SEM VÖL ER Á TIL ÞEIRRÁ HLUTA.
BÍLA SKÁ jLIJVJV ###.
SUÐURLANDSBRAUT 6. SÍMI 33507.
10
FV 12 1971