Frjáls verslun - 01.12.1977, Blaðsíða 57

ér mjÖg stór markaður og getur
veitt framleiðslunni meiri stöð-
ugleika. Þá hefur Halldór hug-
myndir um útflutning. Hann
hefur gert á þvi athuganir, sem
hann telur jákvæðar. Halldór
gerir sér grein fyrir að Róm var
ekki byggð á einum degi og ætl-
ar sér ekki að sigra alla sína
keppinauta erlendis í einu lagi.
En hann telur að einhver út-
flutningur sé forsenda fyrir því
að fyrirtækið geti staðið föst-
um fótum.
ÚTFLUTNINGUR í
ATHUGUN
Fyrsti útflutningurinn hófst
þannig að hingað kom blaklið
frá Skotlandi. Þeir urðu furðu
lostnir, þegar þeir komust að
því að hægt var að panta bún-
inga að morgni og leika í þeim
um kvöldið. Halldór segir:
„Þetta lið varð Skotlandsmeist-
ari í annarri deild og forstöðu-
maður liðsins sagði kunningj-
um frá þessu. Eftir það hafa
komið nokkrar pantanir frá
Skotlandi. Ég hef kannað mark-
aðinn í Skotlapdi frekar, með
viðræðum við eiganda stærstu
sportvöruverslunar í Glasgow.
Ég sýndi manninum sýnishorn
og skýrði fyrir honum okkar
starfsemi. Hann var til í að
byrja strax að selja, því hann
sagði að mikil þörf væri fyrir
fyrirtæki, sem gæti þjónað öll-
um þeim sérþörfum, sem um
er að ræða hjá litlum liðum,
með skikkanlegum fyrirvara,
Það er ekki tímabært að fara út
í umtalsverðan útflutning að
svo stöddu, en ég tel að hægt
sé að reka fyrirtæki, sem sér-
hæfir sig í að þjóna smáu við-
skiptavinunum, sem eiga erfitt
með að fást við stóru fyrirtæk-
in. Framleiðsla hjá stórum fyr-
irtækjum er skipulögð langt
fram í tímann og erfitt að koma
þar fyrir litlum verkefnum. Þá
má telja útilokað að skjóta þeim
inn, með skömmum fyrirvara“.
ERLEND LIÐ SELJA
EINKARÉTT A FRAM-
LEIÐSLU BÚNINGA
„Ég ætla að halda áfram út-
flutningi í smáum stíl, fyrst um
sinn. Það er fyrst og fremst til
Jóhannes Eðvaldsson kynnir
sér framleiðsluna hjá Henson.
að fá reynslu og fylgjast með
hvernig okkar vörur eru í sam-
anburði við aðrar á markaðn-
um. Ef svona tilraunaútflutn-
ingur gengur vel, er tiltölulega
auðvelt að auka hann, þegar
fyrirtækinu vex fiskur um
hrygg“.
Henson hefur framleitt peys-
ur, með merkjum erlendra liða,
en nú hefur sá háttur komist á,
að liðin selja einhverjum fram-
leiðanda einkarétt til að fram-
leiða búninga sína. Þetta þýðir
að strákur sem kaupir til dæm-
is West Ham peysu er að borga
skatt til liðsins. Þetta er mark-
aður, sem Halldór telur ekki
ástæðu til að hugsa um.
Markaðshluti fyrirtækisins
er mjög stór í félagsbúningum,
eins og fyrr segir, en getur
aldrei orðið iíkur því í almenn-
um sportklæðnaði. Kaupmenn
vilja allir hafa eitthvað sérstakt
og flytja það margir inn sjálfir.
Sú spurning vaknar hvort
ekki sé óheppilegt gagnvart
mönnum úr öðrum félögum að
Halldór hefur verið áberandi
maður í Val. Halldór segir:
„Þvert á móti. Mönnum þykir
betra að skipta við mann, sem
hefur inngrip í íþróttir“.
GARNIÐ EITT ER DÝRARA
EN EFNIÐ
Eitt af vandamálum lítilla
fyrirtækja er að kaupa hráefni.
Litlar pantanir ex-u litnar horn-
auga og taldar lítið annað en
fyrirhöfn og skriffinnska, en
litlir fjármunir á ferð. Halldór
segist verða þess var nú, að inn-
kaup hans séu orðin það mikil,
að þau skipti framleiðendur
máli. Þeir leggi nú meiri á-
herslu á að veita gott verð og
þjónustu en áður.
Henson kaupir nú efni frá
Wales, fyrir um 13 hundruð
krónur kílóið, sem er mun
minna en fyrirtækið greiddi áð-
ur fyrir sömu vöru frá Dan-
mörku. Þetta hagstæða efnis-
verð hefur þýtt að verðhækk-
anir á vörum frá Henson hafa
aðeins verið 10 til 15% á ári
undanfarin tvö ár, sem er langt
undir verðbólgunni. Halldói
hefur athugað möguleika á að
framleiða efni hér á landi ,en
eins og stendur kostar garnið
meira en prjónuð efni.
Iþróttabúningar félaga eru
framleiddir úr 10 litum og fáar
undantekningar frá því. Litirnir
eru hvítt, rautt, blátt, grænt,
svart, vínrautt, ljósgult, dökk-
gult, appelsínugult og dökk-
blátt. Ef lið sem keppa hafa
sama lit verður heimaliðið að
víkja. Þetta þýðir að hvert lið
þarf að eiga búninga í tveimur
litum.
MIKIÐ
AUGLÝSINGAGILDI
Halldór telur auglýsingagildi
á íþróttabúningum vera mikið
og því meira sem birt er af
myndum af leikmönnum í fjöl-
miðlum. Verð á þessum auglýs-
ingum fer, að sjálfsögðu, eftir
því hversu áberandi liðið er og
hversu vel því gengur. Verð er
mjög mismunandi. Halldór seg-
ir að ef til vill mætti reikna
með að greiddar hafi verið 400
þúsund kr. fyrir að auglýsa á
búningum fyrstu deildar liðs í
knattspyrnu á síðasta sumri og
meira hjá þeim liðum, sem
gekk best. Halldór bendir á að
svona upphæðir séu fljótar að
fara i auglýsingum í öði'um fjöl-
miðlum. Hann bendir á sem
dæmi hvað það hefði kostað
Sláturfélag Suðurlands, að fá
á annan hátt sömu auglýsingu
og á búningum fyrstu deildar
knattspyrnuliðs Vals í sumar.
FV 12 1977
57