Frjáls verslun - 01.07.1993, Page 57

BEINLINU-BANKARAN
Úr banka hérlendis. Fyrr á þessu ári vakti það athygli þegar einhverjum
óprúttnum einstaklingi tókst að svíkja 39 þúsund sterlingspund út úr banka
í Bretlandi með því að „logga“ sig inn á tölvukerfi sem annast millifærslu
fjár og milliuppgjör á milli banka. Ekki var hægt að rekja slóðina. Svik af
þessu tagi þykja vart fréttnæm Iengur.
Það vakti verðskuldaða athygli víða
um heim þegar bresk dagblöð greindu
frá því að fyrr á þessu ári hefði ein-
hverjum óprúttnum einstaklingi tek-
ist að svílvja 39 þús. sterlingspund út
úr banka með því að logga sig inn á
tölvukerfi sem annast millifærslu fjár
og milliuppgjör á milli banka. Hann
eða hún virðist ekki hafa verið í vand-
ræðum með að millifæra féð og fá það
greitt án þess að nokkur leið sé að
rekja slóðina og hafa hendur í hári
viðkomandi.
Svik af þessu tagi, þar sem innrás
er gerð með tölvu í þjónustunet stofn-
unar, þykir varla fréttnæmt lengur.
Ástæðan fyrir því að þetta ákveðna
atvik í Bretlandi vakti svo mikla at-
hygli var að í ljós kom að þjófurinn
hafði komist í gegn um nýtt öryggis-
kerfi sem átti að vera eitt það full-
komnasta sinnar tegundar í heimin-
um. Þar er um að ræða öryggishlið
þjónustunets sem 14 breskir bankar
reka í sameiningu til að annast milli-
færslu og milliuppgjör í samtengdu
tölvukerfi. Kerfi sk. Chaps-banka
hefur fram að þessu verið talið örugg-
asta kerfi sinnar tegundar. (Chaps =
Clearing house automated payments
system).
Á sínum tíma, þegar þetta milli-
færslukerfi var tekið í notkun, þótti
það fréttnæmt að öryggisþátturinn
hefði kostað margar milljónir sterl-
ingspunda og var það m.a. réttlætt
með því að kerfið væri pottþétt (im-
penetrable). Nú hefur komið í ljós að
svo bregðast krosstré sem aðrir raft-
ar, í þessu efni sem öðru.
Á meðal þeirra banka sem nota
Chaps-kerfið eru nokkrir stærstu
bankar Bretlands svo sem Lloyds
Bank of England, Barclays, Nat-
West, Coutts og Midland Bank. Sér-
fræðingar þeirra hafa ekki getað
skýrt út hvers vegna þjófnaðurinn var
mögulegur og þeir útiloka ekki að
þjófurinn hafi komið víðar við. Eðli
málsins samkvæmt er varla við því að
búast að miklar upplýsingar komi frá
bönkum um þjófnað af þessu tagi.
Samkvæmt upplýsingum sem hafðar
voru eftir talsmönnum lögreglunnar, í
breskum blöðum, virðist þjófurinn
hafa komist framhjá gáttum þar sem
lykilorð og dulmálskóðar áttu að
stöðva óviðkomandi aðgang. Sam-
kvæmt upplýsingum lögreglunnar
mun vera hætta á að svona þjófnaðir
eigi sér stað í öllum bankakerfum sem
nota fjarvinnslu sé ítrustu reglum um
eftirlit með kerfunum ekki framfylgt.
í þessu tilviki hafi skort á að nægilegt
eftirlit hafi verið með því fólki sein tók
við útgreiddum peningum eftir milli-
færslu í Chaps-kerfinu.
Mánuði áður en þjófnaðurinn átti
sér stað hafði þjófurinn stofnað reikn-
ing í einu útibúa NatWest og notaði
nafnið Stephen Brown. Hann falsaði
nöfn tveggja framkvæmdastjóra
starfandi fyrirtækis sem var í við-
skiptum hjá Barcleys bankanum í
Devon. Með fölsuðu bréfi fyrirtækis-
ins óskaði Brown eftir því að Barcleys
bankinn millifærði 39 þús. sterlings-
pund af reikningi fyrirtækisins yfir á
reikning hans hjá NatWest á
ákveðnum degi og tíma. Þjófurinn
virðist hafa haft næga þekkingu til að
vita að í Chaps-millifærslukerfmu er
ekki beðið eftir milliuppgjöri á milli
banka áður en millifærð upphæð er
bókuð inn á reikning. Hann virðist
einnig hafa vitað að skriflegar milli-
færslubeiðnir, jafnvel fram í tímann,
væru ekki öryggisprófaðar fyrir af-
greiðslu. Brown mætti í útibúi Nat-
West 30 mínútum eftir að tölvukerfið
hafði fært á milli reikninganna og gat
því tekið upphæðina út af þeim reikn-
ingi sem hann hafði stofnað mánuði
áður án þess að starfsmenn útibúsins
könnuðu málið hjá áðurnefndu fyrir-
tæki.