Skólavarðan - 01.11.1990, Qupperneq 12

GÓÐ HUGMYND
Lestrarrall (lesrall. lestrarþeysa) er mjög hvetjaadi
fyrir skólanemendur og skilar sér í aukinni færni í
lestri. Sérstaklega er það æskilegt í 4. bekk þar sem
ekki er lengur lögð eins mikil áhersla á hina hefðbundnu
lestrarkennslu. Nemendum hættir þá til að draga úr
bókalestri en hafa þó mörg hver ekki öðlast þá lestrar-
færni sem þarf til þess að lesa sér til ánægju.
Fyrsta lestrarrallið á íslandi var haldið í Mosfellssveit
vorið 1983. Rallið hófst með því að öll tíu ára börn í
Varmárskóla hlupu númeruð yfir í Gagnfræðaskólann, en þar
var Héraðsbókasafnið þá til húsa. Þar fengu allir lánaða
bók og afhent eyðublað með spurningum um efni bókarinnar.
1 þessu ralli og því næsta árið eftir áttu börnin að lesa
20 bækur á 10 vikum.
1 þriðja rallinu 1989 var bókunum fækkað í 10 og vikunum
í 5. Gaf það góða raun og mun fleiri luku rallinu en
áður. Auk viðurkenningarskjalsins voru dregin út fern
bókaverðlaun frá Héraðsbókasafninu, eða ein í hverjum
bekk.
Góð samvinna tókst milli bókavarða og bekkjarkennara og
sáu bekkjarkennarar um stærstan hluta undirbúningsins og
yfirferð svarblaða. Nemendur höfðu sérstök spjöld sem
bækurnar voru skráðar á og voru þau í þremur litum eftir
lestrargetu viðkomandi. Var það gert til að auðvelda
bókavörðum að aðstoða við bókaval.
12