Helgarpósturinn - 16.01.1995, Blaðsíða 29

MÁNUDAGUR 16. JANÚAR \Ú9%'
MORGUNPÓSTURINN SPORT
.29.
NBA körfuboltinn
Engin eftirmál verða af sögulegum landsleik íslands og Englands í körfuknattleik á
milli jóla og nýárs. Þrátt fyrir að Laszlo Nemeth og hans menn hafi gengið af velli
áður en leik lauk í mótmælaskyni, telja forsvarsmenn beggja sambanda samskiptin
enn góð og best sé að gleyma öllu saman
Utah stöðvaði
sigurgöngu
New York
Þetta var ekki á
neinum vinanótum
segir Laszlo Nemeth, landsliðsþjáifari Englendinga, og vill sem minnst úr málinu gera.
Utah Jazz heldur áfram sigur-
göngu sinni á útivelli. Liðið heim-
sótti New York Knicks og sigraði
8i:86, og batt þar með enda á sigur-
göngu New York, sem hafði unnið
síðustu átta leiki
þar á undan. Karl
Malone var allt í
öllu hjá Utah,
skoraði 21 stig og
hirti 12 fráköst.
Patrick Ewing
skoraði 22 stig og
hirti 14 fráköst fyr-
ir New York.
Shaquille O’Neal
skoraði 31 stig í
sigri Orlando á
Philadelphia og
var þetta áttundi
ósigur Philadelp-
hia í röð. Houston
tapaði fyrir Den-
ver. Mahmoud
Abdul-Rauf skor-
aði 36 stig fyrir
Denver en Hake-
em Olajuwon var
með 41 stig fyrir
Houston. Golden
State tapaði heima
fyrir Cleveland og
var þetta 18. ósigur
liðsins í síðustu 19
leikjum. Tyrone shaquille °'Neal
Hill var stigahæstur hjá Cleveland
með 20 stig en Latrell Sprewell
skoraði 22 stig fyrir Golden State.
Urslit
New Jersey - Minnesota 93:84
Indiana - Milwaukee 95:97
New York - Utah 81:86
Charlotte - Chicago 96:85
Orlando - Philadelphia 91:70
Dallas - Miami 77:84
Denver - Houston 118:104
Golden State - Cleveland 97:103
LA Cllppers - Phoenix 108:134
Staðan
Atlantshafsdeild
Orlando 29 7 .806
New York 20 13 .606
Boston 14 20 .412
New Jersey 15 23 .395
Miami 11 23 .324
Philadelphia 10 24 .294
Washington 7 26 .212
Miðdeild
Cleveland 23 11 .676
Charlotte 22 12 .647
Indiana 20 14 .588
Chicago 18 17 .514
Atlanta 15 20 .429
Milwaukee 12 23 .343
Detroit 10 22 .313
Miðvesturdeild
Utah 25 10 .714
Houston 22 11 .667
San Antonio 20 11 .645
Denver 18 16 .529
Dallas 15 17 .469
Minnesota 7 27 .206
Kyrrahafsdeild
Phoenix 27 8 .771
Seattle 23 9 .719
LA Lakers 21 11 .656
Sacramento 19 14 .576
Portland 18 14 .563
LA Clippers 5 30 .143
Nú bendir allt til þess að eftirmál
af sögulegum viðureignum íslands
og Englands í körfunni verði engin.
Leikirnir, sem fóru fram á milli jóla
og nýárs, voru allir leiknir af mikilli
hörku og tók steininn úr í þeim síð-
asta, sem fram fór í Hveragerði, en
þar gekk enska liðið af velli undir
lokin í mótmælaskyni.
Englendingar voru afar ósáttir
við frammistöðu dómaranna í
leiknum og sagði landsliðsþjálfari
þeirra, Laszlo Nemeth, að þeir
hefðu misst stjórnina. Alls voru
dæmdar 90 villur í leiknum, sem
hlýtur að teljast mikið í vináttu-
landsleik og þurftu nokkrir leik-
menn að fara útaf vegna þess, m.a.
Grindvíkingurinn Nökkvi Sveins-
son sem fyrstur fauk útaf.
Englendingar
biöjast afsókunar
Sú spurning hlýtur að vakna
hvort einhver eftirmál verði af
uppákomu sem þessari. Afar fátítt
er í alþjóðakeppni í íþróttum að lið
gangi af velli áður en formlegri
keppni er lokið og í raun þykir slík
framkoma í hæsta máta dónaleg.
Brian Coleman hjá enska
körfuknattleikssambandinu sagði í
sambandi við MORGUNPÓSTINN að
málinu væri lokið af þeirra hálfu.
„Ég hef ekki hugmynd um af hverju
svona fór,“ segir hann. „Ég var ekki
á staðnum og get því lítið sagt ann-
að en það að Englendingar biðjast
innilega afsökunar á því sem að
þarna átti sér stað.“
Coleman segir að málin hafi ver-
ið rædd á milli sambandanna og
hann viti ekki betur en að þeim sé
lokið. „Ég á ekki von á því að um-
rætt atvik hafi nein áhrif á sam-
skipti þjóðanna. Þau eru og hafa
alltaf verið góð og til marks um það
höfum við boðið íslenska liðinu að
koma hingað og leika seinna á
þessu ári. Eg veit ekki betur en að
þessu boði hafi verið tekið og það
finnst mér ekki benda til neinna
sárinda.“
„Viltu að ég
missi vinnuna?"
Laszlo Nemeth, landsliðsþjálf-
ari Englendinga, er íslendingum að
góðu kunnur. Hann hefur búið hér
í fjölda ára og þjálfað íslenska
landsliðið auk þess sem hann
stjórnaði lengi liði KR í körfubolt-
anum.
Hann segir að umrætt atvik hafi
verið mjög óheppilegt. „Þetta var
vináttuleikur, sem af einhverjum
orsökum var leikinn á öllu öðru en
vinalegum nótum,“ segir hann.
„Auðvitað biðst ég afsökunar á at-
vikinu og vona að með því sé mál-
inu lokið.“
Nemeth var allt annað en ánægð-
ur með að blaðamaður væri að
velta þessu máli fyrir sér og spurði
hreint út hvort tilgangurinn væri sá
að láta hann missa vinnuna. Eftir
það sagði hann: „En þú ert auðvit-
að að sinna þinni vinnu sem blaða-
maður. Ég get ekki bannað þér eitt
eða neitt og ég geri mér grein fyrir
því að málið er áhugavert, en bið
þig samt að hugsa málið.“
Aðspurður um hvort hann hefði
verið fúll yfir því að tapa fyrir litla
íslandi sagði hann að þjálfarar væru
aldrei ánægðir með að tapa. „Ég
viðurkenni það alveg að Islending-
ar voru betri,“ segir hann. „Þess
vegna töpuðum við leikjunum
tveimur. Ég sagði mínum leik-
mönnum að svona baráttuvilji væri
nauðsynlegur og gerði leikmönn-
um kleift að leika yfir eðlilegri getu.
Ég var meira að segja svolítið stolt-
ur af íslenska liðinu.“
„Eins og
hvert annað slys“
Kolbeinn Pálsson, formaður
KKÍ, segir að málinu sé lokið af
þeirra hálfu. „Þetta var bara eins og
hvert annað slys og gerðist í hita
leiksins,“ segir hann. „Ég tel að
málið hafi verið leyst farsællega og
vona að það sé þar með tekið út af
Herbert Arnarsson og Guðmundur Bragason lentu heldur betur í
hörðum slag við enska landsliðið á dögunum. Upp úr sauð á endanum
og gestirnir strunsuðu af velli.
Laszlo Nemeth „Viltu að ég missi vinnuna?"
dagskrá."
Aðspurður um væntanlega æf-
ingalandsleiki, sem Coleman
minntist á, sagði hann þau mál
skýrast á allra næstu dögum. „Það
hefur ekki verið ákveðið ennþá, en
við erum búnir að gefa þeim upp
dagsetningu, sem hentar okkur.
Við verðum að hafa aðra leiki í
huga og passa að álagið verði ekki
of mikið á leikmennina.“
Bæði liðin eru að fara í Evrópu-
keppni í maí og væntanlegur leikur
yrði því hluti af undirbúningi
beggja. íslenska liðið leikur sex leiki
í byjun maí við Dani og Hollend-
inga og síðan tekur við mikil törn,
þ.e. Evrópumótið og Smáþjóða-
leikar. „Éf Torfi Magnússon
landsliðsþjálfari hefur áhuga á þess-
um leik inn í sitt prógramm þá
verður hann,“ sagði Kolbeinn. -Bih
Kolbeinn Pálsson, formaður KKÍ
„Þetta var bara eins og hvert ann-
að slys og gerðist í hita leiksins."
Arsenal
Tekur David O’Leary 1rið af Graham?
Töluverðar líkur eru nú taldar á
því að George Graham, fram-
kvæmdastjóri enska knattspyrnu-
liðsins Arsenal, verði rekinn á allra
næstu dögum. Ástæðurnar eru þær
að gengi liðsins hefur verið afar
dapurlegt og ekki hefur bætt úr
skák að hvert hneykslið hefur rekið
annað.
Á dögunum kom knattspyrnu-
maðurinn Paul Merson fram í
viðtali og viðurkenndi að hann
hefði neytt kókaíns í nokkurn tíma.
Merson hefur verið einn af betri
leikmönnum Arsenal í nokkur ár
og þetta þótti mikið áfall fyrir
ímynd liðsins. Ekki skánaði ástand-
ið síðan þegar upp komst að Gra-
ham sjálfur hafi ef til vill þegið pen-
inga fyrir að kaupa danska leik-
manninn John Jensen til liðsins.
Enska knattspyrnusambandið
kannar nú það mál og ef Graham
verður fundinn sekur er talið ör-
uggt að hann verði látinn taka pok-
ann sinn.
Þegar eru farnar af stað spekúla-
sjónir um hver hugsanlegur eftir-
maður Grahams gæti orðið. Hann
þyrfti að vera góð ímynd út á við,
sérstaklega eftir öll hneykslin, og
hann þyrfti að þekkja mikið til inn-
viða risafélags eins og Arsenal.
Eftir umhugsun telja menn að
aðeins einn komi til greina. Davið
O’Leary var leikmaður liðsins í
tuttugu ár og hefur lengi verið einn
ástsælasti leikmaður félagsins. Þessi
36 ára gamli leikmaður lék
720 leiki með liðinu áður
en hann fékk frjálsa sölu
til Leeds fyrir rúmu ári.
Töluverðar líkur eru
taldar á því að O’Leary
verði ráðinn. Þær gagn-
rýnisraddir, sem hafa sagt
hann reynslulausan í
þjálfun, eru þagnaðar eftir
góðan árangur Brian
Robson hjá Middlesboro.
Ekki er hægt að segja að
hann sé reynslulaus í bolt-
anum sjálfum og aldrei
hefur fallið á hann svo
mikið sem grunur um
ósiðleg athæfi af neinu tagi.
O’Leary hefur sjálfur lítið viljað
David O’Leary
lék með Arsenal í
tuttugu ár.
árum.
bita.“l
gefa út á þessar sögusagnir,
en segist þó vera ósáttur
við það hversu lítið hefur
verið keypt af nýjum leik-
mönnum til liðsins. Hann
segist vera þeirrar skoðun-
ar að menn eins og Chris
Sutton og Andy Cole
ættu að vera hjá Arsenal
fremur en hjá Blackburn
og Manchester United. „1
fótbolta er nauðsynlegt að
hafa hraða endurnýjun,"
segir hann. „Það er hræði-
legt til þess að vita að Andy
Cole hafi ekki komist í lið-
ið hjá okkur fyrir þremur
Þar misstum við feitan
Rio de Janeiro
Romario
hyUtur
Það var svo sannarlega vel tekið á
móti brasilíska knattspyrnugoðinu
Romario við komuna til Rio de Ja-
neiro á laugardag, en sem kunnugt
er var hann seldur frá Barcelona til
Flamengo fyrlr um 330 milljónir
króna. Um þrjú þúsund aestir knatt-
spyrnuáhugamenn þöktu götur
borgarinnar, dönsuðu og skutu upp
flugeldum í tilefni af heimkomu Ro-
marios. Þá flaug þyrla yfir borgina og
dreifði rauðum rósum á mannfjöld-
ann. „Romario er fótbolti, hann er
ástrfða þjóðarinnar, hann er kóngur-
inn,“ sagði áhangandi Flamengo um
goðið. Aöspurður um ástæður heim-
komunnar sagði Romario: „Hvað
fékk mig til að koma aftur? Því þarf
vart að svara, horfðu bara á fólkið
hér í kring." Flamengo ætlar ekki að
láta þar við sitja heldur hyggst einnig
krækja 1 brasillsku landsliðsmennina
Dunga og Branca ■