Helgarpósturinn - 30.01.1995, Síða 10

10
MORGUNPÓSTURINN FRÉTTIR
MÁNUDAGUR 30. JANÚAR 1995
Grafgotur
Bjórframleið-
endur1994
Lang stærstu bjórframleiðendurnir eru
Ölgerðin Egill Skallagrímsson og Víking
brugg á Akureyri með þriðjungshlutdeild í
framleiðslunni hvor. Þriðjungurinn skipt-
ist milli innflytjendanna og er Beck's þar
með stærsta hlutdeild, eða um níu af
hundraði. Ölgerðin bætir mest við sig frá
fyrra ári eða um 6 prósentustig og Beck's
um 3 prósent. Samdrátturinn er hins veg-
ar mestur hjá Heineken og Holsten.
Bjórtegundir
1994
Egils Gull ber höfuð og herðar yfir aðrar
bjórtegundir hvað sölu varðar með fjórð-
ungsmarkaðshlutdeild. Löwenbrau er
næst mest seldi bjórinn með 16 prósent
hlutdeild og Viking með 12,3 prósent. Þá
komaTuborg, Beck’s, Holsten, Heineken
og Pripps.
Bjórsala__________________
8 milljónir iítra
Bjórsala jókst um nærri 25 prósent á milli
áranna 1993 og 1994. Á fyrra árinu seldi
ÁTVR 5,9 milljónir lítra en í fyrra var salan
nærri 7,3 milljónir lítra.
Ágúst Einarsson var harðánægður eftir landsþing Þjóðvaka þrátt fyrir
talsverðan ágreining í sjávarútvegsmálum þar sem hann var meðal annarra sakaður
um valdníðslu og nokkur hluti fundargesta gekk út. Hann segir flokkinn hafa
skýlausa sérstöðu:
„Hvorki óðagotsstefna
AlþýðuHokks né afturhalds-
hyggja Sjátfstæðisfk>kks“
Sigurðardóttur og Svanfríði Jónasdóttur. „Útlendingar megi eiga allt að 20 prósent í íslenskum sjávarút-
vegsfyrirtækjum að uppfylltum tilteknum skilyrðum."
Blaðamaður fann forystumenn
Þjóðvaka úrvinda í Skrúði á Hótel
Sögu í gærkvöldi skömmu eftir að
landsfundinum lauk en ströng
fundarhöld hafa staðið nú um helg-
ina. Það tókst að draga Ágúst Ein-
arsson úr hópnum í viðtal.
Stærsta spurningin hlýtur að vera:
í hverju er sérstaða Þjóðvaka fólgin?
„Við höfum sérstöðu í sjávarút-
vegsmálunum, við höfum sérstöðu
í tillögugerð okkar í skattamálum,
hvernig á að taka á þeim og hvernig
eigi að létta skattbyrðina hjá fólki
með lágar og miðlungstekjur. Við
höfum algjöra sérstöðu í nákvæm-
um tillögum varðandi siðvæðingar-
mál að þau mál verði tekin mjög
föstum tökum og setjum það ofar-
lega á okkar stefnuskrá. Við erum
með margs konar hugmyndir varð-
andi nýsköpun í atvinnumálum og
efnahagsstefnu sem gengur upp,
ekki neina verðbólgustefnu, heldur
fyrst og fremst stöðugleikastefnu og
bætta framleiðni í íslenskum fyrir-
tækjum sem mun leiða til aukins
hagvaxtar og aukins kaupmátts
fólks. Þessi stefna okkar gengur
upp. I öðrum málaflokkum höfum
við einnig gert ráð fyrir greiðsluað-
lögun fyrir þá sem hafa lent í þvílík-
um greiðsluörðugleikum að ekkert
blasir við annað en gjaldþrot. Við
tökum á því með nákvæmri tillögu-
gerð og nákvæmari en hjá öðrum
stjórnmálaflokkum."
Það setti talsverðan svip á þing-
hald í gær að stór hópur gelck út af
fundi vegna þess að ákveðnir þættir
í sjávarútvegsmálum voru ekki
teknir til atkvæða. Ágúst Einarsson
var meðal annars sakaður um vald-
níðslu.
Út á hvað gekk þessi ágreiningur?
„Eins og í öllum stjórnmála-
hreyfingum er tekist á um ýmis mál
og þar bar sjávarútvegsmálin hæst.
Það var hins vegar rætt mjög ítar-
lega í undirnefnd og þar var tekist á
í atkvæðagreiðslu og samþykkt til-
laga sem síðar var samþykkt sem
stefna Þjóðvaka. Öðrum tillögum
var vísað til stjórnar eins og reyndar
öllum breytingartillögum sem
komu fram síðari dag landsfundar-
ins. Ágreiningurinn gekk út á það
að sumir vildu leggja til breytingar
á fiskveiðistjórnarkerfmu með út-
færðum hætti sem aðrir töldu að
ekki væri hægt að gera nógu ljóst og
nógu nákvæmt á þessum stutta
fundi. Þeir töldu rétt að þau mál
yrðu nánar skoðuð innan stjórnar.
Það varð niðurstaða hópsins og síð-
an kom þessi tillaga aftur upp. Hins
vegar var naumt í atkvæðagreiðslu
og það er tilfmningahiti í mönnum
varðandi þessi mál og sumir tóku
það óstinnt upp. Það breytir því
ekki að þarna var afgreidd mjög
skýr sjávarútvegsstefna með grund-
vallarbreytingum á fiskveiðistjórn-
unarkerfinu og viðvíkjandi ráðstöf-
un þess. Að allur afli landaður hér-
lendis fari á fiskmarkaði og að út-
lendingar megi eiga allt að 20 pró-
sent í íslenskum sjávarútvegsfyrir-
tækjum að gefnurn tilteknum skil-
yrðum. Þetta síðarnefnda eru ný-
mæli og enginn stjórnmálaflokkur
með í sinni stefnu. Hins vegar vildu
sumir aðra útfærslu á tilteknum at-
riðum og það verður þá áfram til
umræðu innan stjórnar Þjóðvaka.“
Hvað um utanríkismálin?
„Við teljum að það þurfí að laga
EES-samninginn að breyttum að-
stæðum, við viljum að það séu
kannaðir ítarlega kostir og gallar á
aðild að ESB og við bendum líka á
það að flest ríki í Evrópu hafa valið
sér ESB sem starfsvettvang og það
verði ríkjaráðstefna ESB á næsta ári
og við verðum að fylgjast mjög vel
með þeirri þróun og taka afstöðu
með tilliti til breyttra aðstæðna.
Þarna er ekki lokað á neitt og held-
ur ekki tekin fljótfærnisleg afstaða
heldur má segja að þarna sé lagt
upp með jákvæða utanríkisstefnu
varðandi unrheiminum. Þarna er
hvorki þessi óðagotsstefna Alþýðu-
flokks né afturhaldshyggja Sjálf-
stæðisflokks.“
Landbúnaðarmálin hljóta að
skipta miklu máli í þessu samhengi
og eftir umræður var sem stefnan
hafi hnikast nær miðju ogflokkurinn
átt erfitt tneð að gera upp við sig
hvort hann vildi vera þéttbýlis- eða
dreifbýlisflokkur?
„Nei, tillagan sem var unnin í
undirbúningshóp í málefnavinnu
fyrir þingið var samþykkt nær
óbreytt. Hún tekur til beggja í
þessu. Það á að leggja sérstaka
áherslu á varðandi breytingu
GATT-samningsins að þar sé tekið
á jöfnunargjöldunum á sanngjarn-
an hátt fyrir bændur og neytendur,
enda fara hagsmunir þeirra sanran
til lengri tíma. Þarna er byggð brú
milli neytenda og bænda. Sumir
myndu segja að við hefðum átt að
taka afdráttarlausari afstöðu með
þéttbýlisneytendum og einhverjir
með bændastéttinni en þarna er
farið bil beggja og lögð áhersla á að
þarna sé um sameiginlega hags-
muni að ræða. Þarna voru tillögur
sem gengu lengra í hvora áttina og
þeim var vísað til stjórnarinnar og
við verðum með þau mál áfram í
umræðunni.“
Það er þá ekki hægt að segja að
ykkar stefna brjóti í bága við stefnu
annarra flokka?
„Nei, sérstaða okkar í landbún-
aðarmálum er kannski falin í þess-
ari miklu áherslu á samstillta stefnu
og aðrir flokkar hafa það kannski
ekki með jafn ótvíræðum hætti sem
við erum með.“
Ágúst segir að ekki sé búið að
raða niður á lista ennþá og nægur
tími sé til stefnu. Allur tími hafi far-
ið í að undirbúa landsfundinn og
nú fari menn að vinda sér í það að
kanna þau mál. Það eru komnar
hreyfingar alls staðar úti á landi og
starf langt komið í öðrurn kjör-
dæmurn. Hann vildi ekkert segja
urn það hvort hann sjálfur myndi
leiða listann í Reykjaneskjördæmi.
„Það eru aðallega fjölmiðlarnir
sem hafa gaman af því að velta upp
nöfnurn en við höldum ró okkar.“
-JBG
1 Osmo Vanska
fimmtudaginn 2. febrúar, kl. 20.00
Hljómsveitarstjóri:
Einleikari:
Osmo Vanska
Elmar Oliveira
Efnisskrá
Ludvig van Beethoven:
Igor Stravinskíj:
Fiðlukonsert
Vorblót
Elmar Oliveira
á/amús, BBSS
Miðasala á skrifstofutíma og við innganginn við upphaf tónleika. Greiðslukortaþjónusta.
Samtök þeirra sem hafa orðið íyrir læknamistökum stofnuð
Ætlumaðláta
verkintala
Amheiður Vala Magnúsdóttir varkjörin formaðursamtakanna.
í síðustu viku fór fram á Hótel Lind fjölmennur
stofnfundur samtaka fólks sem á það sameiginlegt
að hafa orðið fyrir læknamistökum. Arnheiður
Vala Magnúsdóttir var kjörin formaður samtak-
anna sem hafa hlotið nafnið Lffsvog. Að sögn Arn-
heiðar voru stofnfélagar Lífsvogar vel á annað
hundrað og segir hún að mikill hugur hafi verið í
fólki. Samtökin hafa fengið aðstöðu hjá Neytenda-
samtökunum að Skúlagötu 26 og hyggjast þegar
hefja kröftuga starfsemi.
„Skrifstofan verðuropin fólki sem vill leita beint
til okkar en einnig verður hægt að hafa samaband í
símatíma. Við ætlurn að halda annan fund fljótlega
þar sem verður farið yfir þær kröfur sem við förum
fram á. Við ætluni strax að láta verkin tala," segir
Arnheiður og bendir á að samtökin muni hafa lög-
menn á sínum snærum.
Meðal þess sem Lífsvog setur á oddinn er að
komið verði á laggirnar nokkurs konar ábyrgðar-
tryggingarsjóði sem fórnarlömb læknamistaka geti
leitað til um bætur. Arnheiður segir að auk þess að
gæta hagsmuna þeirra sem hafa orðið fyrir lækna-
mistökum sé hlutverk samtakanna ekki síður að
veita félagsmönnum sínum stuðning og ráðgjöf í
þessum erfiðu málum.
„Fólk kom með mjög jákvæðu hugarfari á fund-
inn og allir voru yfir sig hamingjusamir með að
búið væri að stofna sanitökin svo nú væri hægt að
fara að vinna að þessum málum. Umræðan um
þessa hluti átti að vera komin upp á yfirborðið fyr-
ir Iöngu.“
-jk