Helgarpósturinn - 30.01.1995, Blaðsíða 29

f'MÁNUDAGUR 30. JANÚAR'tSfðö
MORGUNPÓSTURINN SPORT
2a
Frábær úrslitaleikur
Grindvíkingar
meistarar í
fýrstasinn
Guðmundur Bragason og Anna María Sveinsdóttir fyrirliðar sigur-
liðanna í bikarkeppni karla og kvenna. Bæði áttu þau mjög góðan leik
á laugardaginn eins og oft áður. Anna María var kosin körfuknattleiks-
maður ársins og Guðmundur var valinn besti leikmaður íslandsmóts-
ins í fyrra. Guðmundur hefur leikið með meistaraflokki Grindavíkur í
tólf ár og var þetta því langþráður titill.
Stemmningin íyrir úrslitaleikinn
í bikarkeppni meistaraflokks karla
var ólýsanleg. Leikmennirnir voru
kynntir fyrir 2500 öskrandi áhorf-
endum með ljósasýningu og NBA-
tilþrifum. Grindvíkingar mættu til
leiks í fyrsta sinn en Njarðvíkingar
léku til úrslita í tíunda skiptið.
Leikurinn sjálfur var bráðfjörugúr
og hörkuspennandi. Hann bauð
upp á alit sem góður körfubolta-
leikur getur mögulega boðið upp á.
Mörg falleg þriggja stiga skot, góða
vörn á köflum, vel útfærð hraða-
upphlaup og hasar.
Fyrir ieikinn hölluðust flestir að
því að Njarðvíkingar myndu
hampa bikarnum í leikslok enda
hafa þeir leikið allra best það sem af
er tímabilsins. Það skipti þó engu
máli á laugardaginn. Bæði lið
komu með frábæru hugarfari til
leiksins, full sjálfstrausts og vel
undirbúin. En eins og alltaf stóð
aðeins annað liðið uppi sem sigur-
vegari og áttu Grindvíkingar það
fyllilega skilið.
Grindvíkingar skoruðu fyrstu
sex stig leiksins og létu Njarðvík-
inga ekki fá neitt ráðrúm til að at-
hafha sig í sókninni. Hreyfanleik-
inn í vörninni var frábær og kom-
ust Grindvíkingar í 12-2 áður en Is-
landsmeistararnir komust í gang.
Þá var haldin þriggja stiga skotsýn-
ing. Guðjón Skúlason hitti úr
nokkrum stórkostlegum skotum og
Teitur Örlygsson sýndi líka hvað
Crindavík-Njarðvík
105-93 (47-41)
Stigaskor: Grindavík: Franc Booker
28, Guöjón Skúlason 24, Guömundur
Bragason 15, Helgi Jónas Guöfinnsson
11, Nökkvi Már Jónsson 10, Marel Öm
Guðlaugsson 8. Pétur Guðmuridsson 7,
Bergur Hinriksson 2. Niaróvik: Ro'dey
ison 31, Teitur Örlyg:
Skot innan
Franc Booker,
hann gat. Grindvíkingar voru eitil-
harðir í sóknarfráköstum og var
hungrið allsráðandi hjá þeim. Pét-
ur Guðmundsson lék mjög vel
þrátt fyrir að skora ekki mikið. Pét-
ur telur það ekki eftir sér að fleygja
sér inn í teiginn og berjast um frá-
köstin við stóru karlana. Njarðvík-
ingar náðu að saxa verulega á for-
skot Grindvíkinga og var áberandi
hve Rúnar Árnason hafði jákvæð
áhrif á félaga sínu þegar hann var
inni á. Baráttan var allt önnur og
betri.
Staðan í hálfleik var 47-41
Grindavík í vil og leikurinn svo að
segja í járnum.
í byrjun síðari hálfleiks leit út
fyrir að Njarðvíkingar ætluðu að
stela sigrinum. Valur Ingimundar-
son skoraði tvær þriggja stiga kör-
fur með stuttu millibili. Grindvík-
ingar byrjuðu síðari hálfleikinn
með svæðisvörn nema hvað Guð-
mundur límdi sig á Rondey sem
fyrr.
Þegar fjórar mínútur voru liðnar
af seinni hálfleik kom Teitur Ör-
lygsson Njarðvíkingum yfir, 56-55,
en það var í eina skiptið sem Njarð-
víkingar voru yfir. Þeir náðu að
jafna 60-60 en þá skoraði Grinda-
vík tólf stig gegn þremur. Það var
Franc Booker, maður leiksins,
sem fór þá hamförum. Munurinn
var lengi vel fímm stig en svo sigldu
Grindvíkingar aftur fram úr. Eftir
að Booker hafði komist í gang var
Teitur settur til höfuðs honum.
Teitur gætti Guðjóns Skúlasonar
stærstan hluta leiksins og gerði það
mjög vel. Það er alveg ótrúlegt hvað
Teiti tekst að halda mönnum niðri,
þeir sjá ekki sólarskimu og fá varla
boltann. Guðjón Skúlason nýtti sér
frelsið og skoraði nokkur stig þang-
að til Teitur var aftur settur á hann.
Undir lok leiksins spiluðu
Grindvíkingar mjög skynsamlega.
Sóknir þeirra undir lokin voru
langar og hnitmiðaðar og þar að
auki náðu þeir fjölda sóknarfrák-
asta og má segja að með því að leyfa
þeim það hafi Njarðvíkingar kastað
frá sér síðustu voninni.
Franc Booker lék best allra á
laugardaginn. Skoraði hverja mikil-
vægu körfuna á fætur annarri.
Guðjón Skúlason var einnig drjúg-
ur og sama má segja um Guðmund
Bragason. Annars var það liðsheild-
in sem skóp þennan sigur eins og
svo oft áður hjá Grindvíkingum.
I liði Njarðvíkur var Ronday Ro-
Bikarmeistararnir úr Grindavík
eiga seint eftir að gleyma laugar-
deginum. Þetta var fyrsti meist-
aratitill Grindvíkinga í meistara-
flokki karla og hafa sumir beðið
lengi eftir honum.
binson mjög góður að vanda. Hann
er alveg ótrúlega sterkur og nýtir
krafta sína mjög vel í baráttunni
undir körfunum. Teitur átti góða
spretti í sókninni og lék eins og áð-
ur sagði alveg stórkostlega vörn.
Hann lenti í villuvandræðum og
hvíldi því lengur en efni stóðu til.
Valur Ingimundarson lék einnig
prýðilega. Það má kannski segja að
Njarðvíkingar hafi látið skapið fara
illa með sig því þeir eyddu tölu-
verðu púðri í dómarana og hvern
annan í stað þess að einbeita sér að
leiknum. Leikmenn liðsins fengu
eina tæknivillu og þrjár óíþrótta-
mannslegar villur (það sem áður
kallaðist ásetningsvilla).
Grindvíkingar stigu trylltan
dans að leik loknum eins og tíðkast
þegar stórir sigrar hafa unnist.
Njarðvíkingar voru hins vegar sárir
og augljóslega bíða þeir færis á að
sanna sig á ný. Njarðvíkingar
þekkja varla tap og eru ekki á þeim
buxunum að fara að læra þá list.
Því eins og „Magic" Johnson11
sagði eitt sinn: „Þegar maður lærir
að tapa þá er kominn tími til að
hætta.“ -ÞK-eþa
Hingað og ekki lengra! Nökkvi Már Jónsson (nr 15) ætlar greinilega
ekki að hleypa Ástþóri Ingasyni, fyrirliða Njarðvíkur, framhjá sér.
Grindvíkingar léku afbragðsgóða vörn á laugardaginn og lögðu með
henni grunninn að sigrí sínum.
Yfirburðir Keflavíkurstúlkna
Unnu bikarinn þriðja árið í röð
Á undanförnum árum hefur
Keflavík státað af yfirburðarliði í
meistaraflokki kvenna og engin
breyting virðist vera í augsýn. Þær
hafa unnið bikarinn þrjú ár í röð og
íslandsmeistaratitilinn sex sinnum
á síðustu sjö árum.
Stúlkurnar úr Keflavík sýndu
það strax í byrjun að þær eru ekki
orðnar saddar á meistaratitlum.
Þær voru mjög ákveðnar og náðu
strax góðri forystu. Það hjálpaði
ekki málstað KR-inga að Guðbjörg
Norðfjörð fékk þrjár villur á fýrstu
fimm mínútum leiksins. Guðbjörg
var mjög ákveðin og grimmdin var
mun meiri hjá KR-stelpum þegar
hennar naut við. Keflvíkingar spil-
uðu sterka vörn og náðu oft að
plata KR-inga í gildrur við hliðar-
línuna. Erla Reynisdóttir, sem átti
stórleik, spilaði afbragðsvörn á
Helgu Þorvaldsdóttur, besta leik-
mann KR. Þessi frábæri varnarleik-
ur Keflvíkinga orsakaði það að KR-
ingar náðu sér aldrei á strik í sókn-
inni og sóknaraðgerðirnar ein-
kenndust af fáti. Vörn KR-inga var
á tíðum alveg skelfilega kæruleysis-
leg og virtust KR-stúlkur ekki vita
nógu vel af andstæðingum sínum
þegar þær læddust undir körfuna
og fengu auðveld sniðskot. Erla
Þorsteinsdóttir raðaði niður þriggja
stiga körfum í fyrri hálfleik og
Anna María Sveinsdóttir var
einnig iðin við kolann af millilöng-
um færum. KR-ingar virtust vera
að ná sér, rétt eftir miðjan hálfleik-
inn, á strik og settu í gang svæðis-
pressu í nokkrar mínútur. Það virt-
ist gefast vel en þær héldu ekki
áfram í þeirri vörn í síðari hálfleik.
I hálfleik var staðan 32-20 Kefla-
vík í vil svo enn gat allt gerst. Bæði
lið komu inn í seinni hálfleik stað-
ráðin í því að tryggja sér sigur en
Keflavíkurstúlkur fengu óskabyrj-
un og breyttu stöðunni í 45-22 á
fimm mínútum. Anna María
Sveinsdóttir fór algjörlega á kostum
og sýndi ótrúlega hittni. Hún er al-
veg örugglega ein besta skytta
landsins og skiptir þá ekki hvort
talað er um karla eða konur. Eftir
þetta afhroð í byrjun hálfleiksins
skoraði Helga Þorvaldsdóttir
þriggja stiga körfu og var það byrj-
unin mjög góðum leikkafla KR-
inga sem skoruðu þá tólf stig í röð.
Keflavíkurstúlkur létu ekki bugast
og svöruðu með að skora sjö stig í
röð og leikurinn var þá svo að segja
búinn.
Fögnuður Keflvíkinga var að
vonum mikill í leikslok og gremja
KR-inga að sama skapi mikil. KR-
ingar hafa lengi beðið eftir titli en
alltaf þurff að lúta í lægra haldi fyr-
ir Keflvíkingum þegar ögurstund
rennur upp.
Keflvíkingar eru sannarlega vel
að sigrinum komnir. Stelpurnar
spiluðu alveg stórkostlegan leik og
það er óhætt að segja að ekkert lið á
landinu ráði við þær í þessum ham.
Það var leiðinlegt að sjá hversu illa
var mætt á þennan stærsta leik árs-
ins í kvennakörfunni. Áhorfendur
hafa greinilega ekki enn gert sér
grein fyrir því að stelpurnar sem við
eigum í dag eru frábærir körfu-
boltamenn sem fyllilega er vert að
fylgjast vel með.
-ÞK-eþa
Kvennaleikurinn
Erla Reynisdóttir, ÍBK: „Við spiluðum
okkar leik. Líkt og þær komum við tví-
efldar til leiks I byrjun síðari hálfleiks. Nú
hugsum við um lslandsmótið.“
Helga Þorvaldsdóttir, KR: „Það er eins
og við höfum ekki fattað að leikurinn væri
í dag. Vörnin klikkaði hjá okkur enda
fengu þær að skjóta 3-ja stiga skotum
óáreittar."
Sigurður Ingimundarson, þjálfari ÍBK:
„Það var fyrst og fremst það að okkur
tókst að gera þeim erfitt fyrir í öllum
sóknaraðgerðum. Allt gekk upp, það er
ekki oft sem lið hitta á svona leiki, sér-
staklega hér í Höllinni. Þess vegna er
ekki gaman að leika gegn svona liði. Það
er voða gaman að vinna alltaf hérna, mér
finnst bara verst að fá ekki að vinna hinn
bikarinn líka.“
Karlaleikurinn
Franc, Booker, Grinda-
vík: „Ég mun sennilega
ekki ranka við mér fyrr en
seinna i kvöld. Við vorum
ekkert hræddir þegar þeir
nálguðust okkur og ég
ákvað að sjá til þess að
við myndum ekki tapa
leiknum. Guðjón sagði við
mig: „Franc, láttu boltann ganga og
sjáðu til þess að þeir nái okkur ekki." Við
munum leggja hart að okkur til að vinna
líka Islandsmótið í vor.“
Valur Ingimundarson, þjálfari og leik-
maður Njarðvíkur: „Það var byrjunin sem
klikkaði hjá okkur. Menn höfðu ekki hug-
mynd um að leikurinn væri byrjaður."
Friðrik Rúnarsson: „Það kom þeim
smá á óvart að við breyttum yfir í svæðis-
vörn í byrjun seinni hálfleiks. Við höfum
unnið vel síðan á sunnudaginn síðasta
þegar við töpuðum fyrir þeim í deildar-
keppninni svo ég var alveg pottþéttur á
því að við myndum hafa þetta. Komum
vel undirbúnir til leiks - þetta átti ekki að
fara frá okkur."
Guðjón Skúlason.
Grindavik: „Við ætluðum
að keyra vel á þá til að fá
opin skot og það gekk al-
veg 100 prósent. Ég og
Booker þurftum að hafa
mikið fyrir okkar skotum
því Teitur spiiaði mjög
góða vörn á okkur."
Ástþór Ingason, fyrirliði Njarðvíkur: „-
Þetta var hrikalega sárt - það er alltaf
leiðinlegt að tapa titli. Allt fór úrskeiðis.“
Guðmundur Bragason, fyrirliði Grinda-
víkur: „Það hafði enginn trú á að við
myndum vinna þetta. Við byrjuðum á
krafti og þeir komust þar með aldrei inn í
þetta."
Sigmar Þröstur Ósk-
arsson, markvörður KA í
handbolta: „Það var gam-
an að þessu, sáttur við
þessi úrslit. Njarðvíkingar
hefðu mátt vera grimmari í
síðari hálfleik. Mér fannst
Helgi góður og sömuleiðis
Booker.“
John Rhodes, leikmaður
og þjálfari ÍR i körfubolta:
„Þetta var mjög Sþenn-
andi leikur. Góðar varnir,
góður sóknarleikur, allt
sem góður körfubolti
snýst um. Það er ekki
annað hægt en að gefa
Grindvikingum kredit, þeir
voru virkilega hungraðir f sigur. Booker
stjórnaði sínu liði alveg snilldarlega og
það var glæsilegt herbragð hjá Friðriki
Rúnarssyni að skipta yfir í svæðisvörn í
byrjun síðari hálfleiks.“
Kristján Pálsson, tilvon-
andi alþingismaður:
„Leikurinn var hraður og
skemmtilegur og tel ég
sigur Grindvikinga vera
sanngjarnan. Þessi leikur
er mjög góð auglýsing fyr-
ir körfuboltann og bæjar-
félögin enda er Mekka
körfuböltans á Suðurnesjum."
Ellert B. Schram, forseti
(Sl og ritstjóri DV: „Leikur-
inn var mjög skemmtileg-
ur og vel leikinn. Það er
meiriháttar að svona lítið
bæjarfélag geti státað að
jafnöflugu iþróttalífi ög
raun er. Umgjörðin i kring-
um leikinn var frábær.“B
Keflavík