Lesbók Morgunblaðsins - 01.10.1961, Blaðsíða 7

LESBÓK MORGUNBLAÐSINS
427
kartöfluakrana svo að myglusýk-
in ey&ileggi ekki uppskeru.
Leitun mun á þeirri sveit hér á
landi, þar sem vélvæðing sé kom-
in á hærra stig heldur en í
Þykkvabæ. Þeir eiga nú 49 drátt-
arvélar og álíka margar sláttu-
vélar, rakstrarvélar, heylyftur og
skóflur, 3 úðunarvélar, 8 stórar
upptökuvélar og 2 minni. Sáning-
arvélar jafn margar og dráttar-
vélar, 13 jeppabíla, 2 hálfkassa-
bíla, 2 vöruflutningabíla. Og svo
er jarðýta og stór skurðgrafa,
sem þeir vinna með til fram-
ræslu og áveitu.
Auk þess hafa þeir reist stein-
steypta kartöflugeymslu, þar sem
hægt er að geyma 6000 tunnur af
kartöflum, og ennfremur frysti-
hús, en þar hefir hvert býli sitt
eigið geymsluhólf fyrir matvæli.
Þetta hús á hreppurinn.
Vegna hins mikla vélakosts hef-
ir nú verið reist þarna vélasmiðja
til þess að annast viðgerðir og er
hún í einstaklingseign. Sömuleiðis
hefir einstaklingur reist þar
vinnufataverksmiðju, til þess að
hagnýta vinnuaflið á vetrum, þeg-
ar minnst er að gera. Enn fremur
er þarna stórt sláturhús.
Annars má það um Þykkbæinga
segja, að þeir sé sívinnandi frá
morgni til kvölds. Þeir eru hraust-
ir menn og gjörfulegir. Þetta á
jafnt við um karla og konur.
Vegna einangrunar og erfiðJeika
af völdum vatnanna, drógust þeir
nokkuð aftur úr þegar viðreisnin
hófst hér á landi. Mætti jafnvel
segja að um 1930 hafi þeir verið
aldarfjórðungi á eftir öðrum. En
með dugnaði sínum, samstarfi og
fyrirhyggju, tókst þeim brátt að
ná öðrum og hafa nú farið fram
úr á mörgum sviðum.
Sóknarkirkjan var áður í Háfi
og hafði staðið þar frá því er
kristni kom til íslands. Langmest-
ur hluti safnaðarins var þó í
Þykkvabæ. Þegar vötnin veittu
sem mestan ágang og runnu fram
milli Þykkvabæar og Háfs, var
það oft lífsháski að sækja kirkju
að Háfi. Þess vegna fekkst því
framgengt 1914, að kirkjuna
mætti flytja til Þykkvabæar. Og
svo Var reist þar steinsteypt
kirkja, sem stendur enn og er nú
upphituð með rafmagni.
Skóla og samkomuhús hafa
Þykkbæingar einnig reist úr
steini.
Yfirleitt er mikill menningar-
bragur á þessari byggð. Það er
sama hvert litið er. Allt ber vott
um áhuga og framkvæmdir og
vaxandi velmegun.
Saga Þykkvabæar er eins og
ævintýrið um öskubusku, sem
varð drottning.
Á. Ó.
A----------------------------<»
SÖNGSINS MÁL
Mér innst í hjarta ómar
þitt unaðsrika mál,
sú fegurð lífsins ijómar
og lýsir mannsins sál.
Til hæstu himinsala
vorn huga leiða kann,
þín orð þar tungum tala
um tign og kærleikann.
Þeir ljúfu tignu tónar
er tilfinninga mál
um gleði rósir grónar
í garði er heitir sál.
Á svanavængjum svífur
um sviðin himinblá,
þú æsku og elli hrífur
þig allir tigna og þrá.
Það ómar innst i barmi
frá elskendanna sál,
það huggun er í harmi
að heyra söngsins mál.
Það gleði æðsta gefur
að geta sungið lag,
i myrkri hugans hefur
það húml breytt í dag.
s. s.
Í------ ' M —
Fljúgandi
bíll
LOKIÐ hefir verið í Bandaríkj-
unum undirbúningi að smíði fljúg-
andi bíls, sem nefnist Aerocar
(loftreið). Segir í amerísku tíma-
riti að framleiðsla þeirra muni
hefjast þegar í haust, ef nógu
margar pantanir berist.
Þetta er tveggja manna bíll á
fjórum hjólum og er með 143
hestafla Lycoming flugvélahreyf-
il, sem knýr hann bæði á vegi og
í lofti. Aftur af bílnum er stéi
með stýri, og vængina má leggja
ofan á það, þegar ekið er, og þá
er eins og bíllinn sé með áheng-
isvagn í eftirdragi. Það á að vera
mjög auðvelt og fljótlegtað breyta
bílnum í flugvél, og öfugt. Er til
þess sjálfvirkur útbúnaður og
þarf ekki nema eitt handbragð við
hann.
Á vegum getur bíllinn komizt
upp í 90 km. hraða á klukkustund,
en í lofti getur hann farið allt
að 150 km. á klukkustund. Hann
er útbúinn með stýrum bæði fyrir
flug og akstur. Til þess að ná sér
á flug þarf hann um 650 feta til-
hlaup, en hann getur sezt á braut,
sem ekki er lengri en 300 fet,
enda þótt hann setjist með 75 km.
hrað'a.