Lesbók Morgunblaðsins - 02.06.1963, Blaðsíða 10

Hver er
uppáhaídsmaiur
eiginmannsins
Spurningunni svarar í dag
frú Herdís Biering, eiginkona
Gunnars Bierings barna-
læknis. Hún segir:
„Eiginmaður minn er mat
lystugur og þykir flestur
matur góður, svo erfitt er
að nefna einhvern ákveðinn
eftirlætisrétt hans, því þeir
eru svo margir. Chicken a
la King er til dæmis vin-
sæll réttur, og mikill kostur
er, að hægt er að matreiða
hann að morgni og fram-
reiða að kveldi, en kvöld-
máltíðin er einmitt aðalmál-
tíð dagsins hjá okkur.
„Chicken a la King“:
1 hæna, 4—5 pund. Hreins-
uð, tekin í sundur, látin í
pott með nægilegu vatni svo
fljóti yfir, saltað eftir smekk,
einn heiil laukur, Vs teskeið
pipar, Vz teskeið salvie er
látin út í og soðið unz kjöt-
ið er laust frá beinunum, eða
í 2—3 klukkutíma.
Sósan er bökuð upp með
ca. 6 matskeiðum af smjöri,
6 matskeiðum hveiti, og
hæsnasoðinu, síðan er lát-
inn út i hálfur bolli af rjóma
2 matsk. cherry og 1 dós
(Campell) sveppasúpa. í
stað súpunnar mætti nota 1
bolla af steiktum ísl. svepp
um, en þá verður að baka
upp meiri jafning. Út í sós-
una er siðan látinn 1 grænn
pipar niðurskorinn og kjöt-
ið brytjað smátt og látið
í sósuna. — Ef þetta er mat-
reitt löngu áður en borða á,
er allt látið í eldfast mót og
hitað í ofni í ca 45 mín. við
ca 350°F. — Með þessu borð-
um við soðin hrísgrjón, og
blandað grænmeti, mér
finnst þetta hraðfrysta lang-
bezt, eða hraðfrystar græn-
ar baunir, einnig heita brauð
snúða með smjöri.
Hvað ábætisrétti snertir
er ís alltaf efstur á lista, hjá
börnum a.m.k. og hér er ís-
uppskrift sem fljótlegt er
að grípa til.
2 egg eru þeytt vel, ásamt
% bolla af sykri. 1 peli af
rjóma þeyttur og blandað
saman við ásamt 1 tsk. af
vanillu, og síðan fryst. Til-
reiða að kvöldi, en kvöld-
vaiið er síðan að bæta út í
þetta t.d. 1 skeið af kaffi-
dufti eða hverju þvi öðru
sem maður vill bragðbæta
ísinn með.“
------- SiMAVIÐTALIÐ _______
Viljum vera sanngjarnir
— 19677.
— Bifreiðaeftirlit ríkisins.
— Er Gestur Ólafsson við?
•—Já, það er hann.
— Morgunblaðið hér, góðan
daginn. Mikið að gera?
— Já, nú er nóg að gera.
Það er víst óhætt að segja það.
— Skoðunin í fullum gangi?
— Já, miklu meira að gera
en nóg gæti talizt. f rauninni
önnum við þessu ekki. Aðstað-
an er ekki nógu góð, því bíla-
mergðin er orðin svo mikil. Og
þó að við höfum bætt við mann
skap, þá er þetta enn ekki orð-
ið gott.
— Hve mörg eru númerin
orðin í Reykjavík?
— Þau eru komin yfir 14600,
að vísu ekki öll í gangi. Og
við gerum líka fleira en skoða
þessa bíla. Við skráum alla
nýja bíla, sem til landsins
koma, hvert svo sem þeir fara,
og skoðum þá.
— Og svo prófið þið?
— Já, þegar jafnmikið er
flutt inn af bílum og raun ber
vitni, þá liggur það í hlutarins
eðli, að margir læra á bíl. Það
eru margir nýliðar í akstrinum.
Við verðum að hafa fræðilegu
prófin á kvöldin, getum ekki
annað þeim á daginn.
— En eru horfur á að þetta
komist í betra lag?
— Ja, ég hef fullan hug á að
fá breytingum framgengt,
þeirra er vissulega þörf, því að
stæðurnar hafa breytzt mikið
síðustu mánuðina. En hlutum
sem þessum verður ekki breytt
á andartaki. Það þarf að und-
•irbúa þetta vel. Heppilegast
væri fyrir oklcur að flytjast í
úthverfi þar sem landrými væri
enn ekki ráðstafað. Við þurf-
um stóraukið athafnasvæði.
Þyrftum helzt hringaksturs-
braut til þess að þurfa ekki
að fara út í umferðina við okk-
ar prófanir á bílum. Nú, er-
lendis eru þeir farnir að byggja
yfir bíiaskoðunina.
— Þið eruð fjári strangir í
skoðuninni nú orðið, er það
ekki?
—Strangir og strangir ekki,
það fer eftir því hvernig litið
er á málið. Við viljum vera
sanngjarnir og erum það, en
við berum að vissu leyti ábyrgð
á öryggi í umferðinni — og er
öryggið nokkurn tíma of mik-
ið?
— Hvað gerið þið, ef þið get-
ið ekki veitt farartækjunum
blessun ykkar?
— Við látum þau hafa rauð-
an miða á rúðuna, skrifum upp
það, sem lagfæra þarf og gef-
um svo eigendunum 3-4 daga
frest ef öryggistækjum er á-
bótavant. Ef um minniháttar
aðgerðir er að ræða veitum
við 8-12 daga frest. En að þeim
tíma liðnum ber mönnum líka
að koma aftur með bíla sína.
— Vill verða misbrestur á
að þeir komi?
— Já, því er nú ver. Og þá
verðum við að setja lögregluna
í spilið, en okkar menn eru
líka á ferli með henni til þess
að veita mönnum nauðsynlegt
aðhald. En svo er líka annar
vandi, sem bílaeigendur ráða
ekki við, og það er að fá nauð-
synlega viðgerð framkvæmda.
Það eru ekki allir sem geta
dyttað að bílum sínum sjálfir.
og þá kemur stóra vandamálið:
Að koma bílunum á verkstæði.
Flestir þurfa á aðstoð að halda
Nú eru allir svo önnum kafnir,
það er sama hvert litið er, og
verkstæðin eru ekki beztu að-
ilarnir að leita til hvað það
snertir. Sums staðar eru lang-
ar biðraðir og menn verða að
bíða svo og svo lengi eftir að
komast að. Við þessu er auð-
vitað ekkert að gera. En við-
- SIGGI SIXPENSARI -
Hann verður hvimleiður, strax þegar hanu er húinn að
drekka nokkra!
komandi bíleigendur verða
samt að hafa samband við okk-
ur, þegar fresturinn er úti.
Annars verðum við að láta
málið ganga áfram og fá lög-
reglunni það í hendur.
— En kemur ekki fyrir, að
bílar eru svo lélegir, að þið
stöðvið þá með öllu?
— Jú, stöku sinnum klippum
við af þeim númerin á staðn-
um. En það er nú sjaldnast.
Annars vildi ég gjarnan láta
það koma fram í sambandi við
skoðunina, að það er fyrst og
fremst erfitt að taka bílana
alla í einni runu yfir sumar-
mánuðina. Heppilegra væri að
dreifa þessu yfir allt árið og
við vildum geta kallað bílana
hingað með misjafnlega löngu
millibili. Til dæmis væri ó«
þarfi undir flestum kringum-
stæðum að nýlegir einkabílar
væru skoðaðir nema einu sinni
á ári. En strætisvagna, leigu-
bifreiðir og gamla bíla vildum
við gjaran líta á nokkrum
sinnum á ári, með jöfnu milli-
bili. En þá þyrftum við líka að
hafa aðstöðu til þess að skoða
þá undir þaki. Að vetrinum er
ekki alltaf gott að eiga við
þetta undir berum himnL
m yr | á ®
Cliff Richard: Summer
Holiday / Dancing Shoes.
Hér eru á ferðinni tvö lög
úr kvikmyndinni „Summer
Holiday“, sem verið er að
sýna hér á landi um þessar
mundir.
Bæði eru lögin eftir með-
limi hljómsveitarinnar „The
Shadows“, sem jafnan ann-
ast undirleik fyrir Cliff.
Fyrra lagið er viðkunnan-
legt og líklegt að það verði
vinsælt meðal unglinganna á
Islandi, enda halda þeir upp
á Cliff. Síðara lagið er í
rokkstíl, en textinn saman-
settur úr þremur enskum
barnaþulum „Little Bo
Peep“, „Hupmty Dupmty“
og „Jack and Jill.“ Ekki er
þetta lag eins skemmtilegt
og hrð fyrra, þó vera megi
að það nái einhverjum vin-
sældum. Annars munu vera
16 lög í kvikmyndinni
„Summer Holiday' og mörg
eftir meðlimi „The Shad-
ows“. Sem hljómsveit eru
þeir orðnir jafnstór stjarna
og Ciiff Richard sjálfur.
Cliff Richard hefur ekki
mikla rödd, en eins og í ljós
kemur á þessari plötur, þá
beitir hann henni smekk-
lega, og söngur hans er geð-
þekkur.
10 LESBOK MORGUNBLAÐSINS
18. tölublað 1963