Lesbók Morgunblaðsins - 22.01.1978, Blaðsíða 5

Lesbók Morgunblaðsins - 22.01.1978, Blaðsíða 5
viðfangsefnum sínum og skoðunum á lífinu og samtíðinni. Gísli Sigurosson skráði spilum á sálarlif og tilfinningar fólks. Kannski er það hvergi eins augljóst og í sjónvarpinu, enda gefur kvik- myndin aukna möguleika til þess. Þulurinn sem flytur texta auglýsingar- innar þarf að hafa aðlaðandi rödd, — eða eigum við að segja sexappíl — kyntöfra — í röddinni. Því miður er oft misbrestur á þessu og rödd getur orðið svo ógeðfelld, að hún spilli fremur fyrir því sem auglýst er. En það er viðurkennd staðwsynd, að kyn- hvötin skiptir miklu máli í þessu sam- bandi og alveg sérstaklega í sjónvarp- inu. Þetta er engan veginn ný bóla og má sjá af auglýsingaplakötum frá því um aldamót, að menn voru búnir að uppgötva hlutverk kyntöfranna. Hver kannast ekki við auglýsingar á alls- konar hlutum, sem eru gersamlega órómantískir og ókvenlegir í venjuleg- um skilningi, — hlutir eins og tré- smíðavélar eða bíldekk, og aðalatriði auglýsingarinnar er mynd af fallegri og gjarnan léttklæddri konu. Stund- um hefur verið talað um ofnotkun, eða öllu heldur misnotkun á konulík- amanum í þessu sambandi. Ég er ekki sammála þvi. Það eru karlmenn, sem kaupa hluti eins og trésmiðavél- ar og bíldekk og samkvæmt kenn- ingunni ætti sá bildekkjaframleiðandi að eiga mesta möguleika til að koma sinni vöru út. sem birtir mynd af fallegasta kroppnum. Á sama hátt ætti að vera betra að hafa mynd af fallegum mönnum með þeim vörum, sem konur kaupa. Kynhvötin hefur ótrúleg áhrif á gerðir okkar og i auglýsingum er einfaldlega verið að færa sér það í nyt." „Ég er héðan úr Reykjavikinni, fædd 5. ágúst 1947, dóttir Ingólfs Sveinssonar lögregluþjóns og Klöru Halldórsdóttur konu hans. Þau áttu auk min tvo syni, Halldór, sem er flugmaður hjá Loftleiðum og Þorstein Örn, sem er látinn. Ég ólst upp i húsi fjölskyldunnar við Snorrabraut, þar sem ég bý og hef teiknistofu núna. En einnig áttum við heima i Heiðar- gerði 38, — þar byggðu foreldrar mínir í þann tíð er Smáíbúðahverfið var byggt. Að loknu námi i Breiðagerðisskóla eins og lög gerðu ráð fyrir, tók ég gagnfræðapróf frá Gagnfræðaskóla Verknáms og um það leyti fóru lín- urnar að skýrast, hvað framtíðar- áformin snerti. Haustið 1964 hóf ég nám i Myndlista- og handiðaskólan- um; fór beina leið úr forskólanum i auglýsingadeildina og útskrifaðist 1968. Ég fór i auglýsingarnar vegna þess að ég vildi læra eitthvað hagnýtt, — eitthvað sem maður gæti hugsanlega lifað af. Auglýsingateikning var þá erfiðasta námið í skóianum; mér fannst þá og finnst enn, að það krefjist alls af manni. Sem sagt, heimtufrek grein á alla manns getu. Auglýsingateiknarinn verður að ráða við módelteikningu og hann fæst við typógrafiu eða leturfræði, útlitsteikn- ingu, litafræði, formfræði og Ijós- myndun. Þetta er það tæknilega, sem hægt er að læra í skóla. En það er ekki hægt að kenna neinum að verða hugmyndarikur og við höfum minnst Ymislegt úr möppunni hjá Rðsu: Lýsing við smásögu f Lesbók, plötuumslag fyrir kvintett Karls Jónatanssonar, firmamerki fyrir flugfélag, dagblaðsauglýsing fyrir snyrtistofu og bæklingur fyrir ferðaskrifstofu. ¦ Jf Til þess er ætlast að við spilum á sálarlif fólks og í auglýsingum skipt- ir kynhvötin geysilega miklu máli. Sá sem flyt- ur auglýsingatexta í sjónvarpi, verður að hafa kyptöfra i rödd- inni. f§ Fðlk I roki <>r. rigningu — myndverk eftir Rösu. á það áður, að snjallar hugmyndir eru höfuðatriði í þessari grein. Ég var ánægð með skólann og þá þjálfun, sem við fengum þar undir leiðsögn ágætra manna eins og Gisla B. Björnssonar og Torfa Jónssonar. Og árgangurinn, sem útskrifaðist 1968 var óvenju sterkur og jafn; kennarar segja hann þann bezta, til þessa, enda erum við öll i fullu starfi við teikningar ýmiskonar og auglýsinga- gerð. Hópurinn var að vísu ekki stór; auk min voru þar Hilmar Þ. Helgason, sem starfar sjálfstætt, Sigurður Örn Brýnjólfsson hjá Auglýsingaþjónust- unni, Guðjón Eggertsson hjá Gisla B. Björnssyni og Hjálmtýr Heiðdal, einn- ig hjá Gisla. Sama árið og við útskrifuðumst, fékk skólinn alþjóðleg réttindi; var með öðrum orðum viðurkenndur sem fullgild menntastofnun á þessu sviði og hægt að komast þaðan beint i framhaldsnám erlendis, ef þess yrði óskað. Auglýsingateiknun er sú grein. sem er líklega skipuð viðlika mörgum konum sem körlum, en í hópi kvenna er ég sú fyrsta, sem hlýt réttindi hérna heima. Þær Kristin Þor- kelsdóttir, Friðrika Geirsdóttir og Helga Sveinbjörnsdóttir lærðu og hlutu sín réttindi í Danmörku." „Og siðan, — jú ég var teiknari hjá Sjónvarpinu um tveggja ára skeið að námi loknu og um árabil vann ég á Teiknistofu Myndamóta. En i júli sið- astliðnum tók ég það skref, sem alltaf var ætlunin og byrjaði sjálfstætt. Það er stórt og erfitt skref og talsvert dýrt fyrirtæki að koma öllu á laggirnar, sem með þarf. Uppá siðkastið hef ég unnið fyrir Örn & Örlyg, einnig fyrir ísafold, en allt er þetta á byrjunar- stigi. Óneitanlega er þægilegt að hafa teiknistofuna heima hjá sér og vera sinn eigin húsbóndi. Samt væri hægt að gefa sér slakt um of og fara flatt á þvi; maður verður að hafa aga á sjálfum sér. Ég reyni að skapa mér ákveðinn vinnutíma; er þá sem mest við teikniborðið fyrir hádegi, en sinni útréttingum eftir hádegi. Þá fer mað- ur til viðræðna um verkefni, sem fyrir liggja og einnig i prentsmiðjur að lita á verk, sem verið er að vinna. Það fylgir starfinu að líta eftir vinnslunni unz allt er klappað og klárt. Timinn eftir hádegi vill verða ódrjúgur eins og gengur, þegar sinna þarf ýmsum erindum, en ég hef þá reglu að láta Klöru dóttur mina ganga fyrir. Við bíium hér"saman mæðgurnar; hún er að verða sjö ára og stundar nám við ísaksskólann. Það er sjálfgefið að maður er ekki alveg frjáls ferða sinna með svo ungt barn, en ég uni mér vel heima og hvili mig á teikningunum'með þvi að sniða og sauma föt. Til dæmis sauma ég fötin á okkur mæðgur. Auk þess gæti dottið i mann að búa til eina og Framhald á næstu síðu ©

x

Lesbók Morgunblaðsins

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Lesbók Morgunblaðsins
https://timarit.is/publication/288

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.