Lesbók Morgunblaðsins - 06.03.1982, Blaðsíða 8
Það munu flestir á einu máli
um, að íslensk kvikmyndagerö
hefur vaxið og dafnað ótrúlega
skjótt á undanförnum árum — og
því varla að ástæðulausu, að tai-
að er um „vorið“ í íslenskri
kvikmyndagerð.
Elja og áhugi kvikmyndagerð-
armanna er með eindæmum, og
það fer ekki á milli mála, að þeir
hafa sýnt það og sannað, þegar á
allt er litið, að íslendingum er
vissulega kleift að halda uppi
ágætri kvikmyndagerö.
Meðal þess, sem hefur verið
gert er ein lítil klukkustundar
löng kvikmynd, byggð á einþátt-
ungum Kona eftir Agnar Þórðar-
son, og sýndur var á Litla sviði
Þjóöleikhússíns fyrir nokkrum
árum. Myndin sú heitir Sesselja;
framleiöendur myndarinnar eru
þeir Ernst Kettler og Páll
Steingrímsson í Kvik, Helga
Bachmann og Þorsteinn Gunn-
arsson leika og Helgi Skúlason
leikstýrir.
Og sögusviðiö: Hús á bjarg-
brún, fyrir neðan fjaran, sem
enginn kemst úr nema fuglinn
fljúgandi og selurinn syndandi.
Þarna hafa dularfullir atburðir
gerst: listamaðurinn, sem í hús-
inu býr hefur misst konu sína
eða .. ? Og systir hennar kemur í
heimsókn, þau taka tal saman.
Eða er það ekki systirin? Er þaö
einhver óraunveruleg persóna?
Er eigínkonan komin aftur?
Þjóðsagan um selakonuna sem
á sér fleiri en einn ham fléttast
inn í atburðarásina; uppgjör á sér
stað.
— Upphafið var það að við sáum tvo
einþáttunga eftir Agnar Þórðarson á Litla
sviði Þjóðleikhússins, og mér fannst strax
annar þeirra eins og sniöinn fyrir stutta
kvikmynd. Það var síðan úr, að ég skrifaói
mjög fljótlega handrit, byggt á leikritinu.
Það er Páll Steingrímsson, kvikmynda-
gerðarmaður, sem talar og hann og Ernst
Kettler tóku því vel, þegar blaðamaöur fór
þess á leit við þá að mega spjalla um til-
orðningu „Sesselju" og sitthvaö fleira er
varðar kvikmyndagerö.
— Sjálfsagt heföum við aldrei hreyft við
er byggð á ein-
þáttungi eftir
Agnar Þóróarson
þessu verki, nema af því við fengum styrk
úr kvikmyndasjóði í upphafi, þótt hann hafi
að vísu ekki numið nema broti af þeirri
upphæð, sem myndin kostar fullbúin. Við
gerðum okkor einnig vonir um, að sjón-
varpið tæki myndina þegar þar aö kæmi,
og það er nú kominn nokkur skriður á það
mál, og líklega kaupir sjónvarpið myndina
til sýningar.
— Hvaö kostar svo aö gera mynd af
þessari lengd?
— Heildarkostnaðurinn nemur nálægt
750.000.00 nýkrónum, og styrkveitingin úr
Kvikmyndasjóði á sínum tíma nam
80.000.00 krónum. En viö höfðum reyndar
þá von, að okkur myndi takast þaö vel upp,
að einhverjir fleiri en viö heföu áhuga á
myndinni, og þá fyrst og fremst sjónvarpið.
Og ábyrgir aðilar þar sýndu áhuga og það
var grundvöllur fyrir því að viö mættum
sýna myndina um leiö og við værum tilbún-
ir með hana.
Vegna kvikmyndarinnar var byggt hús við Festarfjall, austan við Grindavík og frá
húsinu lá stigi niður t' fjöruna. Hér eru þeir Sesselju-menn viö undirbúning verksins.
8