Lesbók Morgunblaðsins - 28.11.1987, Blaðsíða 11

Lesbók Morgunblaðsins - 28.11.1987, Blaðsíða 11
Aðeins liðlega fertugur er hann orðinn milljarðamæringur — eignir hans eru að verðmæti um 120 milljarða ísl. króna — og allt hófst það með fasteignabraski. Hann þykir nú einskonar tákn fyrir undanfarandi uppgangstíma í bandarísku viðskiptalífi og fer ekki dult með lifnaðarhætti sína og er sífellt á ferð og flugi í Trump-þotunni, Trump-þyrlunni og Trump-lystisnekkjunni. verður að gulli hjá Trump D onald John Trump — athafnamaður á sviði fasteignaviðskipta, annast fjármögnun og byggingu stórhýsa, rekur spilavíti, sýslar við hagkvæm kaup og sölu meirihluta hlutabréfa í stórfyrirtækjum víðs vegar um Bandaríkin, ; og svo kann jafhvel að fara, að hann eigi eftir að verða áhrifamaður í stjórnmálum, er fram líða stundir. Fjörutíu og eins árs að aldri er hann orð- inn eitt helzta tákn yfirstandandi uppgangs- tíma í bandarísku viðskiptalifi. Likt og hjá Mídasi Frýgíukonungi, verður allt að gulli sem Trump snertir á. Hvað sem hver segir, þá þykir það vera í stakasta lagi núna á 9. áratugnum að vera framúrskarandi metn- aðargjarn, ofboðslega auðugur og gjörsam- lega ófeiminn við að auglýsa ríkidæmi sitt. Trump er nýjasta stjarnan í hópi nýrrar tegundar auðjöfra á þessum áratug; en hann hefur öðlast öll sín gífurlegu auðævi á ótrú- lega skömmum tíma og flaggar þeim líka ótæpilega og nýtur þess mikla frægðarljóma er um hann leikur fremur flestum öðrum bandariskum auðjöfrum: „Það er enginn á mínum aldri, sem hefur afrekað meira en ég," gortar hann óhikað. NÝTUR MlKILS ÁLITS í VlÐSKIPTAHEIMINUM Donald Trump hefur skapað sér eitt arð- bærasta stórfyrirtæki í einkaeign í Banda- ríkjunum og byggt það upp á almennasta viðskiptasviðinu — kaupsýslu með fasteign- ir. Hið mikla álit, sem hann nýtur í viðskipta- heiminum, hefur reyndar orðið einn snarasti þátturinn í velgengni hans. Sá ljómi, sem stafar af nafni hans, er mikill kostur. f eyrum hinna nýríku er Trump samheiti á virðingarsessi, að sögn fasteignasala eins í New York. Trump kann líká að færa sér þetta trausta álit í nyt: Hann lætur letra nafn sitt stórum stöfum á svotil 611 stórhýsi, sem hann reisir og á spilahallirnar, sem hann rekur í mörg- um borgum. Sjálfur hefur hann aðalstjórn- setur sitt á skrifstofunni í stórhýsinu miðsvæðis á Manhattan, er ber nafn hans: „íburðarmesta stórhýsi í heimi," segir hann um þessa húseign sína. Hið risavaxna og margþætta fyrirtæki hans er álitið vera um þriggja milljarða dollara virði (120 milljarða íslenskra króna), og viðskipti hans og bygg- ingarstarfsemi teygja sig orðið víða um jarðir vestanhafs — vegur hans og auður fer enn ört vaxandi, því hann skortir sízt af öllu metnað og framtak á viðskiptasvið- inu. Lýsingar á lífsstfl auðjöfursins Trumps gætu sem bezt átt heima í „Þúsund og einni nótt": Heimili hans eru þrjú, og orðalag eins og íburðarmikið er heldur látlaust, þeg- ar það er noað um einkahúsnæði hans. Á Palm Beach $ Flórída á hann 110 herbergja hús, í skýjakljúfinum sínum, Trump Tower, við Fimmtu Tröð í New York, er hann með risastóra íbúð til einkaafnota, og við bæinn LESBÓK MORGUNBLAÐSINS 28. NÓVEMBER 1987 11

x

Lesbók Morgunblaðsins

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Lesbók Morgunblaðsins
https://timarit.is/publication/288

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.