Lesbók Morgunblaðsins - 11.06.1988, Page 20

IJINGVSU:
Gunnar Sveinsson framkvæmdastjóri BSÍ
„Rútan“, tákn Rútudagsins á þakinu.
Rútusöngvar sungnir á siðasta Rútudegi.
Á leið upp í Kverkfjöll — brúin
yfir Kreppu hefur orðið ófær
vegna vatnavaxta.
Landslagið eins og kvikmyndatjald — við jökullón Gigjökuls á leið
í Þórsmörk.
föl á Holtavörðuheiði fyllir oft
rútumar — 4) samkeppni við
flugið, sem á hvert metárið á
fætur öðru með fjölgun farþega.
Hágæða-rúta nútímans
Hvað gerið þið til að stand-
ast samkeppni við einkabil og
flugvél?
Svar okkar er að auka gæði
og bæta þjónustu. Við bjóðum
farþegum okkar bestu bíla, sem
finnast á Norðurlöndum. Nútíma
hágæða-rúta er með — hallandi,
dúnmjúka svefnstóla; — gott loft-
ræstikerfí; — ljós yfír hveiju
sæti; — sjónvarps- og mynd-
bandstæki; — kaffivélar og kæli-
skápa; — útvarp, segulbönd og
hátalarakerfí; — fleiri útgöngu-
dyr, sem auðveldar farþegum
inn- og útgöngu.
„Það eru breyttir tímar, Gunn-
ar minn,“ sagði fullorðinn farþegi
við mig um daginn. Hann minnt-
ist sinnar fyrstu rútuferðar upp
í Hvalijörð og sagði, að þá hefðu
ekki verið bólstruð, mjúk sæti;
heldur harður trébekkur og Hval-
fjarðarvegurinn hefði verið hálf-
gerður torfæruvegur. „Svei mér
þá, sagði hann, ég var fleiri daga
að jafna mig í rassinum!"
Stytting ferðatíma — sam-
tenging samgönguþátta
En hvernig getið þið bætt
þjónustuna?
í fyrsta lagi með því að stytta
ferðatímann — fækka stoppum —
minnka útkeyrslur frá beinni
braut. Rútuferðir hérlendis eru
famar að jafngilda hraðferðum
erlendis á lengri leiðum. Til dæm-
is hefur Reykjavík-Akureyri-leið-
Frægasta Þórsmerkurrútan,
sem Bjami í Túni ók um
1940-60 eða lengur.
in styst um tvo klukkutíma
síðustu ár. Bílfreyjur eru á nokkr-
um lengri leiðum til að auðvelda
þjónustuna. Með betri bílum og
vegum stenst áætlun betur —
höfum jafnvel dæmi um húsmóð-
ur í Strandasýslu er stillir eld-
húsklukkuna, þegar rútan fer
framhjá!
í öðru lagi með því að sam-
tengja rútuleiðir og aðra sam-
gönguþætti betur saman. Má þar
nefna beinar rútutengingar
Reykjavík-Mývatn, Reykjavík-
Húsavík, Akureyri-Egilsstaðir-
Höfn. Einnig eru komnar mjög
góðar tengingar við ferjur eins
og Baldur á Breiðafírði og Heij-
ólf, Þorlákshöfn. Allt sem heitir
flug á Austfjörðum er samtengt
við rútu. Við erum bæði í harðri
samkeppni við flugið — en líka
í náinni samvinnu við það. Nýr
ferðaþáttur, mikið notaður af
erlendum ferðamönnum, nefn-
ist„Air-Bus“ eða flug-rúta; þá er
flogið aðra leið á áfangastað, en
farið með rútu til baka eða öfugt.
Hraði — öryggi eða hvort
tveggja
Mikið er nú lagt upp úr hraða
á leiðum, en hinn þjóðsagna-
kenndi rútubílstjóri, Olafur Ket-
ilsson, lagði ekki mikið upp úr
styttingu ferðatíma — ók svo
hægt að sumum farþegum hans
þótti nóg um! Eitt sinn var Ólaf-
ur á ferð um Grímsnesið, þegar
strákur kallaði til hans, að nú
yrði hann að hraða sér — belja
væri að fara fram úr rútunni!
Ólafur lét sér hvergi bregða við
stýrið og svaraði að bragði:
„Taktu þér þá far með beljunni,
strákur!" Eftir Ólafi er líka haft:
„Hraðinn í umferðinni er okkar
bölvaldur. Ég keyri hægt — en
örugglega." En nú leggst allt á
eitt — betri bílar og betri vegir
— sem hljóta að auka hraða og
öryggi.
Kröfur ferðamannsins
Hvernig mæta rúturnar
kröfum ferðamannsins?
Ferðaskrifstofa BSÍ var stofn-
uð til að aðlaga rútuna ferða-
manninum — kynna hana sem
ferðatæki. Ótímabundni hring-
miðinn er til dæmis mjög vinsæll
meðal erlendra ferðamanna, en
ekki mikið nýttur af íslendingum.
Útlendingar hafa jafnvel haft
vetursetu á hringnum og tekið
hringmiðann upp að nýju um
sumarið. Fyrir vísitöluíjölskyldu
með þriggja og átta ára börn
kostar hringmiðinn 16.500 krón-
ur — á móti rúmlega 23.000
króna lágmarkskostnaði (sam-
kvæmt útreikningi FÍB) á bíl sem
fer hringveginn.
Hvernig ferðast útlend-
ingar út frá áfangastöðum?
Geysilega mikið hefur aukist,
að erlendir ferðamenn taki hjól
með sér í rútuferðir og hjóli á
milli þess, sem þeir hoppa upp í
rútumar. Hjólreiðamenn fá betri
tilfínningu fyrir landinu og skoða
betur hvem áfangastað. Ennþá
eru íslendingar ekki búnir að
taka upp þennan ferðamáta.
Spennandi rútuferðir
með Ieiðsögn
Við reynum að gera rútuferð-
ina eins spennandi og kostur er.
Við sköpum samt ekki vísvitandi
ófærð til að gera hana æsispenn-
andi! Ég man alltaf eftir Banda-
ríkjamanni, sem lenti í að aðstoða
við að moka rútu leið í gegnum
skafl á Holtavörðuheiði — það
reyndist mesta ævintýraferð
hans! Það er leiðarlýsing og sög-
ur er tengjast bæjum og lands-
lagi, sem gera ferðina spenn-
andi. Leiðsögn hefur til dæmis
verið á Vestfjarðaleið — land-
kynning - sem bæði stytti að mun
þessa 550 km leið og gerði hana
um leið að skemmtiferð. Við
áætlum að vera með leiðsögn á
spólum eða leiðsögumann á vissa
staði. Og hver veit nema að rútu-
söngvar verði teknir upp aftur
eins og í gamla daga, þegar allir
sungu saman af hjartans lyst!
Rútur á ævintýraleiðum
Sérleyfíshafar eru líka farnir
að bjóða upp á spennandi sérferð-
ir með leiðsögn. Má þar nefha
ferðir yfír Sprengisand og Kjöl —
Fjallabaksveg nyðri, um Klaustur
að Skaftafelli — Þórsmerkurferð-
ir — ferðir frá Egilsstöðum í
Kverkfjöll, Mjóafjörð og Borgar-
fjörð eystri — nýjar ferðir frá
Vík í Mýrdal upp í Lakagíga.
Allt eru þetta ferðir á slóðir, sem
íslendingar eiga erfítt með að
komast á með smábílum og njóta
sívaxandi vinsælda.
Ný leiðabók
Lokaorð, Gunnar.
Leiðabókin okkar er að koma
út næstu daga. Ég vil hvetja fólk
til að kynna sér þar nýjar sérferð-
ir og aukna þjónustu. Miklu ýtar-
legri upplýsingar verða í nýju
leiðabókinni, um gististaði — allt
frá tjaldsvæðum upp í hótel.
Kannski er það talandi tákn um
breytta tíma — aukna samvinnu
á milli allra ferðaþjónustuaðila.
Komið á Rútudaginn — finnið
samhug allra, sem vilja aðstoða
ykkur við að FERÐAST UM ÍS-
LAND.