Lesbók Morgunblaðsins - 05.08.1989, Blaðsíða 16
Saab 900i 16
Ibílaiðnaðinum gerist það æði oft,
að tæknilegar breytingar og end-
urbætur séu gerðar án þess að
mikið beri á því. í fljótu bragði
verður til dæmis ekki betur séð
en að Saab 900i 16 sé ofur venju-
legur Saab 900, sem landsmenn
þekkja vel og hefur þá sérstöðu
að falla ekki saman við fjöldann. Enda þótt
grundvallarteikningin eigi nú áratug að
baki, sjást fráleitt á henni nokkur öldruna-
rmerki; enn er Saab 900 nútímalegur bíll í
útliti og hefur algerlega sitt „andlit“ þótt
hvergi hafi verið gripið til sérvizkulegra
bragða til að ná því. Hitt er svo annað
mál, að næstum alltaf er skipt um útlit eft-
ir áratug, því þá fer markaðurinn að greina
þreytumerki í sölunni. Samkvæmt nýjustu
fregnum úr Svíaríki, sjá menn nú einhver
slík merki og er nýtt útlit boðað 1992.
Sá ásetningur er greinilega í fyrirrúmi
hjá Saab, að þessi endist lengur en gengur
og gerist um bíla, - og einnig hitt, að örygg-
ið sé svo sem framast má verða, ef eitthvað
alvarlegt ber útaf. Það hefur og gengið eft-
ir, að samkvæmt niðurstöðum athugana frá
Bandaríkjunum, sleppa menn best frá alvar-
legum umferðarslysum, ef þeir aka á Saab.
Ef ég þyrfti að fara eina eða tvær veltur
utan vegar, mundi ég fyrir mitt leyti velja
Saab 900 til þess. Hitt er svo annað mál,
að enginn ætlar nokkru sinni að lenda í
bílveltu.
Þetta ásamt góðri endingu eru þó um-
hugsunarverð atriði og það má segja, að
menn séu að hluta til að kaupa sér raun-
hæfa líftryggingu, þegar þessi bíll verður
fyrir valinu, því hann er vissulega dýr mið-
að við stærð og rými að innan: Saab 900i
16 kostar um 14oo þúsund. Menn verða
vissulega að hafa þó nokkra trú á sænska
stálinu, þegar viðlíka stór en miklu aflmeiri
bíll eins og Mitshubishi Galant 2000 GTi-
16v kostar 1291 þús og Honda Accord, sem
einnig er töluvert sprækari, kostar 1230
þúsund. Einnig er BMW 318 á þessu samá
verði og ugglaust eru þar fleiri álitlegir
kostir. Hér skal ekki lagður nokkur dómur
á það í hveiju þessara tilfella maður fengi
mest fyrir peningana; trúlega hefur hver til
síns ágætis nokkuð.
Tilefni þess að Saab 900 var tekinn til
reynsluaksturs er þetta meinleysislega auð-
kenni, 16, sem komið er aftan við nafnið.
Það táknar, að vélin hefur nú fengið fjóra’
ventla á hvern'strokk. Áhrifín eru betri
„öndun“, sem leiðir af sér aukinn kraft.
Munurinn er sá, að hestaflatalan verður 133
í stað 100; viðbragðið frá 0-100 km hraða
á klst. verður 11,5 sek í stað 14.0 og hám-
arkshraðinn verður 180 í stað 165. Samt
er bensíneyðslan ekki nema um 10 1 á hundr-
aðið, þegar tekið er meðaltal af borgar- og
þjóðvegaakstri.
Saab 900 er vel teiknaður bíll að utan
og ekki síður að innan, en rúmgóður getur
hann naumast talizt, þótt lengdin sé 4.69 m
og breiddin 169 sm. Þótt ekki muni nema
8 sm á breiddinni á Saab 9000, virðist sá
munur vera mun meiri. En þótt Saab 900
sýnist mjór yfir um mælaborðið, er eitthvað
þar sem platar augað; hann er alls ekki svo
mjór - og á sama hátt platar það augað,
hvað hann er langur. Það er til dæmis ótrú-
legt, að hann er 7 sm lengri en Saab 9000
og aðeins 10 sm styttri en Volvo 740.
Mælaborðið hefur alveg sinn eigin svip
og sætin einnig. Þau eru ágætlega stór og
nokkuð vel formuð, en spurning hvort hliðar-
stuðningur mætti vera betri. Utfærslan inn-
an á framhurðunum er það eina sem varla
verður sagt um, að sé vel hannað, en allt
er það að sjálfsögðu smekksatriði. Eins og
áður heldur Saab í þá venju, að kveikjulás-
inn er í stokknum á milli framsætanna.
Allt annað er með hefðbundnu sniði. Eins
og nærri má geta er hægt að búa til sam-
fellt rými aftan við framsætin og ótvíræður
kostur er það, að hlerinn á afturendanum
opnast alveg niður að gólfinu, sem þannig
myndast. Það er bæði til þæginda fyrir
skíðamann eða golfara, sem geta tyllt sér
þarna á meðan þeir fara í skóna, en einnig
og ekki síður þegar þarf að lyfta einhveiju
þungu uppí bílinn að aftan.
Með samlíkingu við hesta má segja, að
Saab 900i 16 sé góður brúkunarhestur eins
og sagt var á tímaskeiði hestaverkfæranna.
Það mætti einnig og ekki síður líkja honum
við duglegan smalahest. Þesskonar gripum
var hvergi hlíft, og maður hefur heldur
ekki á tilfinningunni, að nauðsynlegt sé að
hlífa Saabinum. Hann er alls ekki mjúkur
í holum - svona áiíka þýður og smalahestarn-
ir voru - en það hvarflar aldrei að manni,
að hann þoli ekki hnjaskið, hvað þá að
maður fari að vorkenna honum alvarlega
líkt og þegar sumum japönskum smábílum
er beitt á holóttum vegi.
Nú fæst Saab 900 sem blæjubíll - í þeirri útfærslu hefiir hann átt nýju fylgi að fagna erlendis.
Stýri og mælaborð. I flestum atriðum er
Saab 900 mjög vel hannaður bíll.
Þess hefur nokkuð gætt, að ökumenn
fyllist oftrú á framdrifna bila og telji að
þeir muni seint eða ekki missa fótanna,
þótt ógætilega sé ekið. Málið er ekki svona
einfalt og það fer greinilega ekki eftir þessu,
hvernig bílar haga sér á malarvegum til
dæmis. Venjulega er Saab 900 ágætur
malarvegabíll, en það sem úrslitum ræður,
eru dekkin. Nú er í vaxandi tízku að sæmi-
lega kraftmiklir bílar séu búnir „low prof-
i!e“ dekkjum, sem hafa mjög gott „bit“
þegar malbik eða steinsteypa er annarsveg-
ar. í lausamöl ofan á hörðu undirlagi verður
þetta „bit“ að engu og vegna þess að dekk-
in eru nokkuð breið og hörð, hættir bílnum
til að skrika illilega og sé ógætilega farið,
verða þessi dekk beinlínis hættuleg og ber
að vara við þeim. Þurfi að aka þessum bíl
eitthvað að ráði á malarvegum er sjálfsagt
að fá undir hann belgmeiri dekk og mýkri.
Það er hinsvegar í langakstri á malbikuð-
um vegum, að kostir Saab 900i 16 koma
bezt í Ijós. Þá fer hann vel með farþega og
ökumann. Fyrir bíl i þessum verðflokki er
vélin að vísu full hávær og hljóðið í henni
er heldur í grófari kantinum. Þetta snar-
breytist, þegar komið er í 5. gír; þá murrar
vélin aðeins þægilega og á 2500-3000 snún-
ingum í 5. gír verður aksturinn bæði þægi-
legur og ánægjulegur. Sá sem hér var reynd-
ur, fær væntanlega sérstakt hlutverk sem
lögreglubíll. Saab býr til ýmislegt aukreytis
í bíla af því tagi og lögreglumönnum hefur
líkað þessi farkostur vel við dagleg eftirlits-
störf. Þar nýtast kostir hans vel og ekki
er það sízt vegna styrkleika og góðrar end-
ingar, að Saab þykir henta vel fyrir svo
mikið álag. Gísh Sigurðsson
Nokkrar stad-
reyndir
Lengd: 4,69m
Breidd: l,69m
Hæð: 142 sm
Vél: 4ra strokka, 133 ha. 1985 rúmsm.
Hemlar: Diskar að framan og aftan.
Fjöðrun: Gormar að framan og aftan.
Þyngd: 1125 kg.
Verð kr.: Um 1400 þús.
Umboð á Islandi:
Globus h/f.
16