Lesbók Morgunblaðsins - 17.10.1998, Blaðsíða 20

HVERNIG ER EROTIKIN A LITINN?
Erótíka er yfirskrift samsýn-
ingar átta myndlistarmanna
sem nú stendur yfir í Lista-
skálanum í Hveragerði.
MARGRÉT
SVEINBJÖRNSDÓTTIR og
RAGNAR AXELSSON gengu
um sýningarsalinn ásamt Ein-
ari Hákonarsyni, sem þar
ræður ríkjum, og veltu fyrir
sér hverslags tík hún eigin-
lega væri, þessi erótík.
ER erótíkin rauð? Eða er hún fjólublá?
Er erótíkina að finna inni í gægju-
boxi? Eða í hvítu baðherbergisblönd-
unartæki sem vatnsbuna rennur úr
viðstöðulaust? Er eitthvað erótískt við
plasthjálpartæki ástarlífsins? Eða
rauð, bleik og blá efnislítil blúnduundirfót sem
slengt er á grind uppi á vegg? Hvað með blóð-
' uga skurði á mannslíkama, samansaumaða eða
flakandi? Eða stúlkumynd með titlinum Mon-
ica L.? Á sú skrýtna tík erótík lögheimili i
Hveragerði? Kannast hlustendur við orðið
Hverótík?
Svörin eru margvísleg og mörg hver einstak-
lingsbundin. Og langt frá því að vera endanleg,
enda kannski ekki markmið í sjálfu sér að ganga
út af sýningunni með allt á hreinu. Þegar Einar
Hákonarson er spurður hvort hann hafi gefið
listamönnunum einhverja ramma að vinna eftir
þegar hann bauð þeim að taka þátt í erótískri
sýningu neitar hann. „Það var alveg opið, ég get
ekki farið að setja forskrift fyrir fólk og segja að
svona finnist mér að erótík eigi að vera. Það
verður náttúrulega hver og einn að skila því frá
sér eins og hann upplifir það. En þetta er feiki-
vandmeðfarið vegna þess að það er svo stutt að
slá yfir í að vera pomó,“ segir Einar og vill sem
sagt alls ekki skilgreina hugtakið erótík.
Hugmyndin að því að halda erótíska sýningu
kviknaði hjá Einari fyrir mörgum árum. „Þá
vorum við Bragi Ásgeirsson í Evrópuferð. Hann
hafði verið í Rostock í Austur-Þýskalandi og ég í
Svíþjóð og svo voram við búnir að ákveða að
hittast í Kaupmannahöfn, sem við og gerðum, og
halda þaðan áfram niður Evrópu en svo fréttum
við af mikilli erótískri sýningu í Lundi og fórum
þangað. Þá var þar safn verka sem hjón höfðu
safnað saman alls staðar að úr heiminum, bæði
eftir svokallaða atvinnulistamenn og frá fram-
stæðum þjóðum, alveg feikilega skemmtileg sýn-
ing. Síðan kom þessi hugmynd upp í kollinum á
mér aftur þegar ég var eitthvað að tala um
FORLEIKUR í skóginum eftir Einar Hákonarson.
Morgunblaðið/RAX
HORFT inn í sýningarsal Listaskálans. í forgrunni á gólfinu er
verk Ragnhildar Stefánsdóttur, „...á heilanum".
BOBGARFJABÐABOÍS Guiwars ftrnar.
hvaða sýningar yrðu hér á þessu ári, og ég hugs-
aði með mér að það gæti verið gaman að halda
svona sýningu hérna. Reyndar var þetta gert í
Gallerí Borg fyrir nokkrum árum en það var
mjög lítil sýning og lftil verk,“ segir hann.
Einar segist fyrst hafa viðrað hugmyndina
við þá Hauk Dór og Gunnar Örn. „Við erum
allir komnir um fimmtugt og því datt það upp
úr Hauki Dór að láta sýninguna heita Grái fiðr-
ingurinn en ég sá strax að þá myndi ég ekki fá
yngra fólk til þess að taka þátt í henni! Svo það
var auðvitað út í hött. Síðan skrifaði ég bara
listamönnunum bréf og spurði þá hvort þeir
hefðu áhuga á að vinna verk fyrir svona sýn-
ingu - og þetta er árangurinn,“ segir Einar og
bendir inn í salinn.
Á sýningunni eru alls 52 verk en auk Einars
sjálfs sýna þar listamennirnfr Gunnar Örn,
Bragi Ásgeirsson, Haukur Dór, Eva Benja-
mínsdóttir, Harpa Björnsdóttir, Stefán Boulter
og Ragnhildur Stefánsdóttir, sem vinna úr eró-
tíkinni hvert á sinn hátt, hvort heldur er í hefð-
bundnu málverki, abstrakt skúlptúr, innsetn-
ingu eða einhverju allt öðru.
I Listaskálanum hefur nú verið skipt yfir í
vetrartíma og þar er því opið frá fimmtudegi til
og með sunnudags frá kl. 11.30 til 22.00. Sýn-
ingin Erótíka stendur fram til 25. október nk.
i 20 LESBÓK MORGUNBLAÐSINS ~ MENNING/LISTIR 17. OKTÓBER 1998