Lesbók Morgunblaðsins - 22.01.2000, Blaðsíða 19

Vatnslitamyndir frá Is-
landi sýndar í London
%
1**
Kvöld við Öskju. Ein vatnslitamynda Keightleys.
Breski listmálarinn Moy
Keightley málaði íslenskt
landslag. DAGUR
GUNNARSSON skoðaði
sýningu á verkum
hennar í London en Moy
lést fyrir rúmu ári.
MOY Keightley málaði
litlar og óvenjulegar
landslagsmyndir sem
gleðja augað og verma
hjarta íslendingsins í
útlöndum því lang-
flestar þeirra eru af ís-
lensku landslagi. Sýn-
ingin er í hinum virta Central Saint Martins
College of Art & Design í hjarta borgarinnar
skammt frá Covent Garden. Sýningunni lýkur
nú um helgina.
Sýningin er haldin til minningar um Moy
sem lést fyrir rúmu ári, hún hafði starfað sem
listmálari og kennari við nokkra helstu lista-
skólana í London m.a. Saint Martins og Chels-
ea School of Art.
1977 lagði Moy
upp í sína fyrstu
Islandsför á litlum
Austin Mini-skut-
bíl ásamt ferðafé-
laganum Bnid
Ellis og sigldu þær
frá Scrabster með
gamla Smyrli. En-
id segir að þær
hafi haft efasemdir
um ferðalagið þeg-
ar þær sáu ís-
lensku malarveg-
ina en þær komust
þó rúmlega 700 km
án þess að það svo
mikið sem spryngi
dekk eða aðrir
mikilvægir hlutar bílsins biluðu.
Upp frá því fór Moy nánast á hverju sumri
til íslands, ferðaðist um hálendið og má segja
að hún hafi gert íslenskt landslag að ævistarfi
sínu. Stundum ferðaðist hún með breskum
jarðfræðinemum því þá komst hún á spenn-
andi staði sem hún hefði ekki haft jafn greiðan
aðgang að á sínum litla bíl.
Hún hélt reglulega einkasýningar í London
og tvisvar á Islandi í Listmunahúsinu í
Reykjavík 1980 og ári síðar á Akureyri.
Myndirnar eru flestar mældar í millimetr-
um og orka á áhorfandann líkt og fínlega unn-
ið og smágert skart og um leið er myndbygg-
ingin sterk og viðfangsefnið kraftmikið og
þannig vinna andstæðurnar saman til að
skapa mjög óvenjulegar myndir. Margar
myndanna, þó smáar séu, bera óneitanlega
keim af Kjarval, hún beitti vatnslitunum á
mjög óvenjulegan máta með aðferð sem hún
ljóstraði aldrei upp, hún var líkt og töframað-
ur sem skýrir aldrei frá sjónhverfingum sín-
um. Faðir hennar var einmitt sjónhverfinga-
maður og meðlimur í félaginu The Magic
Circle, en meginreglan í þeim félagsskap er að
skýra aldrei frá brellunum. En Moy mun hafa
lært eitt og annað af föður sínum og átti hún
til að beita fyrir sig töfrabrögðum við kennsl-
una.
Skissur á ógnarhraða
Ian Wilton, breskur landslagsljósmyndari
og ferðafrömuður, fór tvisvar með Moy hring-
inn í kringum landið og sagði að hún hefði
unnið ótrálegt magn af skissum á ógnarhraða,
skissurnar voru gerðar með blýanti eða bleki
og lýsingar á litunum voru gjarnan skrifaðir
inn á viðeigandi staði. Ian sagðist vera sér-
staklega hrifinn af steinvölumyndunum henn-
ar: „Vegna þess að ég fór með hana í Öskju
þar sem ég spændi upp filmurnar í fallegu
veðri, á meðan Moy teiknaði steinvölurnar við
tærnar á sér.“
Þeir sem þekktu Moy sögðu hana vera ákaf-
lega hlédræga og lítið fyrir að trana sér fram,
hún var mikill vinur lands og þjóðar og hún
hefur með verkum sínum skapað mikinn fjár-
sjóð fyrir okkur Islendinga, við höfum bara
ekki fengið að uppgötva hann. Þeir sem hafa
áhuga ó að fræðast nánar um Moy Keightley
og verk hennar geta snúið sér til Harriet
Green hjá Central Saint Martins College of
Art & Design, Southampton Row, London
WCIB 4AP.
Moy Keightley
Myndlist
á Húsavík
1930-
Húsavík. Morgunblaðið.
EINN liður í 50 ára afmælisfagnaði Húsavík-
ur er sýning sem opnuð hefur verið í Safna-
húsinu á Húsavík, „Myndlist á Húsavik í 70
ár“ og stendur hún til næstu mánaðamóta.
I sýningarskrá segir Guðni Halldórsson,
safnvörður: „Það féll í minn hlut að velja verk
til sýningar sem gæfi nokkurt yfirlit yfir
myndlistarsköpun sem tengja mætti við
Húsavík á 20. öld eða öllu heldur síðustu sjö
áratugina. Ákveð ég að binda mig við 15 ein-
staklinga sem allir tengjast staðnum á ein-
hvern hátt og unnið hafa að listsköpun á
Húsavík, ýmist stigið sín fyrstu spor hér eða
starfað um lengri eða skemmri tíma á þessum
vettvangi.
Vafasamt er að tala um „húsvíska myndlist"
■2000
með tilliti til heimilisfestu, því þegar einstakl-
ingar hafa aflað sér menntunar í listinni er
erfitt að fullyrða hvaðan áhrif koma. Sjaldnast
eru þau sjálfsprottin og þar með heimafengin.
Slíkir sjálfsprottnir einstaklingar nefnast „na-
ivistar" og verk slíkra er ekki að finna á þess-
ari sýningu.“
Þeir sem eiga verk á þessari sýningu eru:
Sveinn Þórarinsson og kona hans Karen Agn-
eta Þórarinsson, Jakob B. Hafstein, Benedikt
Jónsson, Jóhann Björnsson, Sigurður Hall-
marsson, Auður Helgadóttir, Kári Sigurðs-
son, Ingvar Þoi’valdsson, Sigurpáll A. Isfjörð,
Jón Kristinsson, Gígja Þórarinsdóttir, Trausti
Ólafsson, Gunnar J. Straumland og Oddný E.
Magnúsdóttir.
Morgunblaðið/Silli
Guðni Halldórsson, Reinholt Reynisson, María Axfjöró og Erla Sigurðardóttir skoða
mynd Karenar af fyrsta fundi SÍS á Ystafelli 1902.
LESBÓK MORGUNBLAÐSINS - MENNING/LISTIR 22. JANÚAR 2000 1 9*