Lesbók Morgunblaðsins - 26.02.2000, Blaðsíða 17

Það var alltaf ætlunin að gera safnið að mikilvægu kennileiti í borginni. Hér sést bakhlið safnsins sem snýr að ánni Nervion.
Níu af nítján sölum safnsins eru ekki hornréttir enda mótaðir af óreglulegum formum furðu-
fisksins. Myndin er tekin í stærsta salnum en verkin eru eftir Richard Serra.
einkum verið þekkt fyrir þungaiðnað og ágætt
knattspymulið. Árið -1991 höfðu borgaryfir-
völd Bilbao samband við Guggenheimstofnun-
ina að fyrra bragði og buðu henni að reisa safn
í þeirra nafni á kostnað borgarinnar, bygging-
in yrði í eigu Baska en rekin af stofnuninni.
Guggenheimstofnunin var sett á stofn stofn
árið 1937 og rekur nú söfn í þremur borgum,
tvö í New York, auk safna í Feneyjum og Bil-
bao. Mikið safn klassískra listaverka frá tutt-
ugustu öld er í eigu stofnunarinnar, þar af eru
mörg af kunnustu verkum síðustu fjörutíu ára
varðveitt í safninu í Bilbao, auk verka eftir
baskneska og spænska samtímalistamenn.
Notagildi og
póstmódernismi
Notagildishugsjónin kemur ekki alltaf heim
og saman við fagurfræði póstmódemismans.
Guggenheimsafnið í Bilbao er listaverk í sjálfu
sér en það þjónar hlutverki sínu líka af stakri
prýði. Raunar lítur það út fyrir að vera kaot-
ískara en það er í raun því einfalt er að rata um
sali þess þegar inn er komið. Stórir glerveggir
í miðrými safnsins hleypa dagsbirtunni inn í
húsið. Þaðan nær hún svo að teygja sig inn í
innstu kima með misjöfnum styrk. Salimir nít-
ján eru bæði stórir og smáir, langir og stuttir,
breiðir og mjóir. Níu þessara sala eru ekki
hornréttir enda mótaðir af óreglulegum for-
mum furðufisksins. Sýningarrýmið er ellefu
þúsund fermetrar. Salurinn sem myndar búk-
inn á fiskinum er stærstur, 30 metra breiður
og 130 metra langur, og hafður undir tíma-
bundið sýningarhald.
Það var alltaf ætlunin að gera safnið að mik-
ilvægu kennileiti í borginni. Áhersla var lögð á
að hönnunin yrði sérstæð og til merkis um
stórhug. Þetta var í anda hinna Guggenheim-
safnanna en það var Frank Lloyd Wright sem
gaf tóninn með fyrsta safninu sem stendur við
fimmtu tröð í New York.
Safnið í BObao hýsir auk gallería tónleikasal,
veitingastað, safnverslun og skrifstofuhald.
Hljóðlót myndlist i
glymjandi umhverfi?
Tiltölulega stutt er síðan safnið var opnað og
enn virðast flestir gestanna vera komnir þang-
að fyrst og fremst til þess að virða fyrir sér
bygginguna. Það segir ef til vill eitthvað um
stöðu myndlistarinnar í samtímanum, hljóð-
látrar í glymjandi umhverfinu. Sjálfsagt eiga
gestir eftir að flykkjast til Bilbao til að sjá
þetta byggingarlega furðuverk og tröllvaxinn
hvolpinn hans Jeff Koons húkandi fyrir fram-
an, skrýddan milljónum marglitra fjóla. Það
ætti heldur enginn að verða fyrir vonbrigðum
með þá heimsókn en þeir sem áhuga hafa á því
sem er að gerast í samtímamyndlist eiga líka
erindi í hús þetta. Sem stendur standa yílr
fjórar sýningar í Guggenheimsafninu í Bilbao:
„List vélhjólsins" nefnist sýning sem stend-
ur til 23. apríl og fjallar um sögu og menning-
arlega skírskotun vélhjólsins. Sýning á verk-
um bandaríska listmálarans David Salles
stendur til 7. maí. „Turninn sem lostinn er eld-
ingu“ er samsýning nokkurra spænskra sam-
tímalistamanna sem stendur einnig til 7. maí
og fjallar um takmarkanir mannsins og til-
raunir hans til að yfirvinna þær. Sýning á
verkum ítalska samtímalistamannsins
Francesco Clemente stendur svo yfir til 4.
júní.
Safnið er opið kl. 10-20 frá þriðjudegi til
sunnudags. Lokað er á mánudögum.
í) «v 11 l\l 1 .| M
'
;P»V 1 |mí
Tiltölulega stutt er síðan safnið var opnað og enn virðast flestir gestanna vera komnir fyrst og
fremst til þess að virða fyrir sér bygginguna. Myndin er tekin við anddyri hússins.
LESBÓK MORGUNBLAÐSINS - MENNING/USTIR 26. FEBRÚAR 2000 1 7