Alþýðublaðið - 15.11.1984, Blaðsíða 3

Fimmtudagur 15. nóvember 1984
3
Hver verða höfuðmál
flokksþings
Alþýðuflokksins?
Nokkrir þingfulltrúar teknir tali
Jón Scemundur Sigurjónsson, Norðurlrvesíra:
Spenningur út
af formannskjöri
„Það sem kemur fyrst í huga og
menn eru vafalaust spenntastir fyr-
ir nú er komandi formannskjör og
þær breytingar sem það getur haft
í för með sér“,sagöi Jón Sæmundur
Sigurjónsson frá Norðurlandi
vestra i samtali við Alþýðublaðið
um höfuðmál þingsins.
Jón Sæmundur sagði það sitt
mat að breytinga væri að vænta hjá
flokknum þar sem báðir frambjóð-
endurnir hygðu á breytingar. Af
öðrum málum sagði Jón að sér
sýndist ekkert eitt þeirra skara áber-
andi upp úr.
„Ég hygg að staða flokksins í
hinu pólitíska litrófj verði mjög til
umræðu, skerping á stöðu flokks-
ins í stjórnarandstöðunni og fleira.
Ég á von á því að þetta verði gott
þing, því mér virðist það koma á
þeim tíma, þar sem við erum ekki í
allt of góðri stöðu, en flestir
straumar þó í rétta átt. Þingið ætti
þannig að verða til að styrkja flokk-
inn, hleypa nýju blóði í hann.
Ég vil einnig minnast á þá merki-
legu nýjung okkar Alþýðuflokks-
manna, að við bjóðum nú Ásmundi
Stefánssyni, forseta ASÍ til að
ávarpa þingið. Þetta er nýjung til
eftirbreytni, að gefa þannig forystu-
mönnum verkalýðshreyfingarinnar
tækifæri til að ávarpa samkomuna
og um leið staðfestir þetta rætur og
skyldleika flokksins við verkalýðs-
hreyfinguna“, sagði Jón Sæmund-
ur.
Jón Sœmundur Sigurjónsson
í Puffins er ekkert að óttast.
Guðríur Þorsteinsdóttir
„Ég held að á flokksþinginu
hljóti framtíð flokksins að vera eitt
af stærstu umræðuefnunum, því
miðað við skoðanakannanir stend-
Guðríður Þorsteinsdóttir, Reykjavík:
Framtíð flokksins
verður mikið rædd
ur hann heldur illa um þessar
mundir. Menn munu vafalaust
ræða þau mál öll og reyna að kryfja
til mergjar hvernig standi á þessu og
hvað gera skuli til að bæta þar úr,“
sagði Guðríður Þorsteinsdóttir frá
Reykjavík um höfuðmál þingsins.
Guðríður sagði að kosningar í
embætti kæmu örugglega til með
að setja svip á þingið, en vonaðist til
þess að önnur mál myndu ekki líða
fyrir það.
„Það þarf auðvitað að ræða ítar-
legastefnu ogstarf flokksins. Hvers
vegna íslenskir jafnaðarmenn hafa
ekki náð svipuðum styrkleika og
jafnaðarmenn á hinum Norður-
löndunum, í ljósi þess að í raun nýt-
ur jafnaðarstefnan mikils fylgis á
íslandi, þó það fylgi sé dreift.
Annars eru fjölmörg stórmál sem
tekin verða fyrir og erfitt að benda
á einn málaflokk fremur en annan.
Þó er nokkuð ljóst að kjaramálin
eru ofarlega í huga hjá mörgum.
Allt bendir nú til þess að sá kaup-
máttarauki sem náðist fram í kjara-
samningunum nú verði fljótt aftur
tekinn. í sömu andrá vil ég nefna
jafnréttismálin: það hefur komið í
ljós hversu miklu lægri laun konur
hafa, einnig þó tekið sé tillit til
vinnutímans. Störf kvenna eru al-
mennt lágt metin og nægir að
benda á konur í kennarastéttinni í
þessu sambandi af málum sem of-
arlega hafa verið upp á síðkastið.
Hins vegar er ég mjög ánægð með
þann baráttukraft sem konur í
BSRB sýndu í verkfallinu, þær létu
karlana ekkert vaða yfir sig.
Velferðarmál, menntamál og al-
mennt félagsmál eru mál sem efa-
laust verða rædd ítarlega í ljósi
árása ríkisstjórnarinnar á þau.
Þetta eru mál sem jafnaðarmenn
hafa verið mjög framarlega við að
byggja upp og nú er brýnt að standa
vörð utn það kerfi velferðarþjón-
ustu sem þó hefur tekist að koma
á“ sagði Guðríður.
Hallsteinn Friðþjófsson, Seyðisfirði:
Efla verður flokkinn
til nýrrar sóknar
„Ég vonast eindregið til þess að
þetta flokksþing megi verða til þess
að efla flokkinn til nýrra átaka og
sóknar gegn þeirri ríkisstjórn hægri
aflanna, sem nú er við lýði í land-
inu,“ sagði Hallsteinn Friðþjófsson
frá Seyðisfirði i samtali við Alþýðu-
blaðið, er hann var spurður um
höfuðmál þings Alþýðuflokksins
um næstu helgi.
Hallsteinn sagði það skoðun
sína, að á þessu flokksþingi yrði að
ræða kjaramálin mjög itarlega.
„Efnahagsstefn'a ríkisstjórnarinn-
ar hefur leitt ófremdarástand yfir
heimilin í landinu. Verkafólk fær
ekki mannsæmandi laun fyrir
vinnu sína og atvinnuástand, eins
og hér á Seyðisfirði er einkar bág-
borið. Alþýðuflokkurinn þarf að
bjóða upp á skýra og afdráttarlausa
valkosti um breytingar til betrum-
bóta í þessum efnum. Þingið um
helgina gegnir veigamiklu hlutverki
hvað varðar þá stefnumótun“
Hallsteinn Friðþjófsson sagði
einnig að á flokksþinginu yrði að
gera rækilega úttekt á flokksstarf-
inu og leita leiða til að efla það og
bæta.
„Jafnaðarmenn verða að styrkja
sína innviði og sinn málatilbúnað
með öllum mögulegum hætti.
íhaldsstjórnin í landinu er á góðri
leið með að setja ákveðin byggðar-
lög á kaldan klaka. Ástandið hér á
Seyðisfirði er t.a.m. dökkt. Hér eru
50 manns á atvinnuleysisskrá, þrátt
Hallsteinn Friðþjófsson
fyrir síldina og loðnuna. Frystihús-
ið hefur verið stopp frá í sumar og
öðrum togaranum lagt, en hinn er í
siglingum. Ástandið í atvinnumál-
um hefur ekki verið jafn svart og nú
á þessum árstíma. um langt árabil"
sagði Hallsteinn Friðþjófsson að
lokum.
ÖLL HJÓLBARÐAÞJÓNUSTA
FYRIR FÓLKSBÍLA OC SENDIBÍLA
GOOD'fYEAR
GEFUR ^RÉTTA GRIPIÐ
^ IhIHEKLAHF
Laugavegi 170-172 Sími 21240
GOTT VEGGRIP
GÓÐ ENDING
IH fflBDP
# Fastara grip
$ öruggari hemlun
$ Hljóölátarí akstur
$ Meirí endina
STEFNULJÓS skal jafna gefa
í tæka tíð.
RAÐ