Alþýðublaðið - 10.03.1990, Blaðsíða 4

4
Laugardagur 10. mars 1990
ÍÞRÓTTAVIÐBURÐIR FYRRÍ TÍMÁ
Sigurlið Islands gegn
Finnum í Reykjavík 1948
Aftari röö frá vinstri: Ólafur
Hannesson (KR), Einar
Halldórsson (Val), Sig.
Ólafsson (Val), Ríkharöur
Jónsson (Fram), Sveinn
Helgason (Val), Ellert
Sölvason (Val).
Fremri röö: Sæm. Gíslason
(Fram), Karl Guðmundsson
(Fram), Herm. Hermannsson
(Val), Hafsteinn Guömundsson
(Val) og Gunnlaugur Lárusson
(Víking).
Mikil svartsýni fyrír
fyrsta sigurleikinn
Kjarvalsstofa í París er íbúð og vinnustofa, sem ætluð er til
dvalar fyrir íslenska listamenn. Reykjavíkurborg,
menntamálaráðuneytið og Seðlabanki íslands lögðu fram
fé til þess að koma upp slíkri starfsaðstöðu í Parísarborg
með samningi við stofnun, sem nefnist Cité Internationale
des Arts, og var samningurinn gerður á árinu 1986. Kjar-
valsstofa er í miðborg Parísar, skammt frá Notre Dame
dómkirkjunni.
Sérstök stjórnarnefnd fer með málefni Kjarvalsstofu og
gerir hún tillögu um úthlutun dvalartíma þar til stjórnar
Cité Internationale des Arts, er tekur endanlega ákvörðun
um málið. Dvalartími er skemmstur 2 mánuðir en lengst er
heimilt að veita Iistamanni afnot Kjarvalsstofu í 1 ár.
Þeir sem dvelja í Kjarvalsstofu greiða dvalargjöld, er
ákveðin eru af stjórn Cité Internationale des Arts og miðast
við kostnað af rekstri hennar og þess búnaðar, sem þeir
þarfnast. Þessi gjöld eru lægri en almenn leiga í Parísar-
borg. Dvalargestir skuldbinda sig til að hlíta reglum Cité.
lnternationale des Arts varðandi afnot af húsnæði og
vinnuaðstöðu, og jafnframt skuldbinda þeir sig til þess að
dvöl lokinni að senda stjórn Krarvalsstofu stutta greinar-
gerð um störf sín.
Hér meö er auglýst eftir umsóknum um afnot Kjarvals-
stofu, en stjórnin mun á fundi sínum í apríl fjalla um afnot
listamanna af stofunni tímabilið 1. ágúst 1990 til 31. júlí
1991. Skal stíla umsóknir til stjórnarnefndar Kjarvalsstofu.
Tekið er á móti umsóknum til stjórnarnefndarinnar í
skjalasafni borgarskrifstofanna að Austurstræti 16, en þar
liggja einnig frammi umsóknareyðublöð og afrit af þeim
reglum, sem gilda um afnot af Kjarvalsstofu.
Fyrri umsóknir þarf að endurnýja1, eigi þær að koma til
greina við þessa úthlutun.
Umsóknum skal skila í síðasta lagi 6. apríl nk.
Reykjavík, 9. mars 1990,
Stjórnarnefnd Kjarvalsstofu.
í þessum þáttum okkar um íþróttaviðburði fyrri tíma höfum við skýrt frá fyrsta lands-
leiknum í knattspyrnu, gegn frændum okkar Dönum og einnig glæsisigrinum yfir Svíum
1951, en þá voru sænskir Olympíumeistarar. í dag ætlum við að fjalla lítillega um fyrsta
landsleikssigurinn í knattspyrnu á Melavellinum 2. júlí 1948.
Örn Eiðsson
skrifar
Öldudalur i knattspyrnunni
Á þessum árum þ.e. 1946 til 1948
var knattspyrnan ekki í miklu áliti
hér á landi. Margir voru þeirrar
skoðunar, að íþróttin væri á lágu
stigi og aðsókn að leikjum var í
samræmi við það. Það voru aðeins
þeir bjartsýnustu meðal stjórn-
enda og leikmanna, sem héldu
uppi áróðri fyrir knattspyrnu-
íþróttina. í lok stríðsins voru aðdá-
endur þessarar vinsælu íþrótta-
greinar á þeirri skoðun, að íslensk
knattspyrna væri á háu stigi! Já,
skoðanir manna breytast oft á
skömmum tíma.
KSÍ gerir samning um
landsleik við Finna
Þó að gallhörðustu aðdáendur
knattspyrnuíþróttarinnar gerðu
allt til að hafa jákvæð og bætandi
áhrif á hugarfar fólksins, gagnvart
knattspyrnunni, virtist það lítil
áhrif hafa. Fjölmiðlarnir höfðu allt
á hornum sér og töldu, að íslensk
knattspyrna væri a.m.k. 10 árum á
eftir tímanum á því herrans ári
1948. — Ekki er hægt að segja, að
það hafi verið uppörvandi fyrir
hið nýstofnaða Knattspyrnusam-
band íslands að ráðast í þennan
landsleik, en teningnum var kast-
aö og leikurinn ákveðinn. Þetta
var þriðji landsleikur íslands, áður
höfðum við tapað fyrir Dönum
(0:3) 1946 og Norðmönnum (2:4)
1947. Stjórn KSÍ valdi landsliðs-
nefnd vorið 1948 og nefndin réði
síðan Skotann Joe Divine, þjálfara
Vals, sem landsliðsþjálfara.
Erfiður undirbúningur________
Landsliðsnefndin valdi 23 menn
til æfinga, 19 úr Reykjavíkurfélög-
unum og 4 frá Akranesi. Til stóð
að velja menn frá Akureyri, en
norðanmenn sáu sér ekki fært að
koma suður og því varð ekkert úr
þátttöku þeirra á æfingunum.
Ákveðið hafði verið að æft skyldi
tvisvar í viku fram að landsleikn-
um, en slíkt tókst ekki, þar sem
ekki fékkst aðstaða á Melavellin-
um, en hann var eini almennilegi
völlurinn í þá daga og upptekinn
frá morgni til kvölds. Já, margt
hefur breyst frá þessum tíma, þó
alltaf sé hægt að kvarta og kveina.
Eitt höfðu þó forystumenn og leik-
menn nóg af, en það var þolin-
mæði, bjartsýni og dugnaður.
íslenska liðið lék vel
Landsleikurinn fór síðan fram
eins og ákveðið hafði verið og hér
mættust ólík lið, það finnska hafði
öll einkenni svokallaðrar miðevr-
ópuknattspyrnu með stuttum og
hröðum sendingum frá manni til
manns, en íslenska vörnin var
sterk eins og klettur í hafinu og
hratt finnskum sóknarlotum jafn-
hraðan. Knattmeðferð finnsku
leikmannanna var þó snöggtum
betri en okkar manna, sem bættu
það upp og vel það með'miklum
baráttuvilja. Finnska sóknin
komst þó aldrei í verulega góð
marktækifæri.
Rikki skoraði bæði mörkin
Leikaðferð íslenska liðsins var
enskrar ættar, byggðist upp á löng-
um spyrnum fram völlinn. Fyrra
mark íslendinga kom, þegar 9
mínútur voru liðnar af síðari hálf-
leik og það var Ríkharður Jóns-
son, sem skoraði og hann gerði
einnig síðara markið eftir mistök
finnsku varnarinnar. 2:0 sigur ís-
lenska liðsins var fyllilega verð-
skuldaður. — Við skulum ljúka
þessari upprifjun á fyrsta lands-
leikjasigri íslendinga í knatt-
spyrnu með umsögn skoska þjálf-
arans að leik loknum.
,,Ég er fullkomlega ánægður
með drengina. Hver þeirra var all-
an tímann á sínum stað, en gætti
síns manns til fullnustu, alveg eins
og ég hafði lagt fyrir þá. Sérhver
þeirra sýndi fullkominn baráttu-
vilja og sigurvilja allt til leiksloka,
og síðustu mínúturnar voru besti
kafli leiksins af íslendinga hálfu."