Alþýðublaðið - 14.09.1990, Qupperneq 3
Föstudagur 14. sept. 1990
iNNLENDAR FRÉTTIR
3
FRÉTTIR
í HNOTSKURN
STEFAN ÞJOÐLEIK-
HÚSSTJÓRI: Eins og
flesta mun hafa grunað,
skipaði mennamálaráð-
herra Stefán Baldursson,
Þjóðleikhússtjóra frá og
með næstu áramótum.
Stefán er ráðinn til fjögurra
ára. Lögum samkvæmt
starfar nýr Þjóðleikhús-
stjóri ásamt fráfarandi
Þjóðleikhússtjóra fyrstu 8
mánuðina, en þann 1. sept.
1991 tekur Stefán við starf-
inu að fullu. Stefán starfaði um árabil sem leikhússtjóri
Leikfélags Reykjavíkur. Eiginkona hans er Þórunn Sig-
urðardóttir leikkona.
KRÆKTI í 7 MILLJÓNIR: Yfirlyfjafræðingur sem starf-
aði við Landakotsspítala og St. Jósefsspítala reyndist að
sögn Rannsóknarlögreglu ríkisins hafa náð sér í 7 milljónir
króna með hætti — sem lyfjafræðingurinn telur eðlilegan,
en Ríkisendurskoðun vildi frá rannsókn á. Maður þessi af-
greiddi lyf af birgðum sjúkrahúsanna til sjúklinga sem af-
hentu honum lyfseðla. Ýmist skilaði hann aftur lyfjunum
í birgðir spítalanna og fékk þá afslátt hjá heildsölum, eða
hann innti af hendi greiðslu í peningum og greiddi heild-
söluverð. Lyfjafræðingurinn hefur skilað hluta pening-
anna. Hann telur þó viðtöku á fjármunum þessum ekki
ólögmætt atferli af sinni hálfu.
KENNARAR ERU EKKI RUKKARAR: Kennarar í
hinu íslenska kennarafélagi minna að að þeir eru ekki
rukkarar hins opinbera. Félagið krefst þess að nú þegar
verði farið eftir álitsgerð umboðsmanns alþingis og ríkis-
sjóður og sveitarfélög beri kostnað af námsgögnum nem-
enda í skyldunámi eins og lög segja fyrir um.
FLUGLEIÐIR VILJA HÆKKA: Eldsneytisverð hefur
hækkað að undanförnu um 70% til Flugleiða. Af þessum
sökum hefur félagið óskað eftir hækkun á flugfargjöldum
um 4,85% frá landinu og um 5% til landsins. Telur félagið
að þörf fyrir fargjaldahækkun í N-Atlantshafsfluginu sé 7%
enda þótt það sætti sig við minni hækkun. Reynt hefur ver-
ið að stilla hækkunum mjög í hóf með hliðsjón af þeirri
sáttastöðu sem nú er á vinnumarkaðnum. Nýju þoturnar
í flota Flugleiða, sem er hinn yngsti í Evrópu, kemur sér
vel. Eldsneytiskostnaður nú er rúm 10% af rekstrarkostn-
aði, en hefði verið 14—18% með gömlu rellunum.
EIMSKIP EYKUR HLUTAFÉÐ: Eimskip eykur hlutafé
sitt um 86 milljónir króna — helmingur hlutafjárútboðsins
fer á almennan markað. Munu því áreiðanlega bætast við
allmargir nýir hluthafar á næstunni, en augljóst þykir að
kapphlauþ verði um þessi hlutabréf. Helmingur hlutabréf-
anna verður boðinn núverandi hluthöfum til kaups.
ÁSTIN 0G STJÖRNU-
MERKIN: Hvernig eiga
þau saman, nautskona og
vogarkari? Jú, ætla mætti
að þau yrðu fyrirmynd
allra elskenda, en . . .
„Daðurgirni Vogarinnar ýt-
ir aðeins undir það versta í
afbrýðisemi Nautsins." Já,
áhugi fólks á stjörnumerkj-
um hefur trúlega aldrei ver-
ið meiri en nú. Ofangreinar upplýsingar fengum við í bráð-
skemmtilegri bók, sem okkur barst, Ástin og stjörnu-
merkin. Við spáum því að sú bók verði á hraðbergi víða,
margir hafa sótt í hana hér á blaðinu. Hörpuútgáfan gaf út.
LÁGMARKSVERÐ Á HÖRPUDISKI: á fundi verð-
lagsráðs sjávarútvegsins í gær var gert samkomulag um
lágmarksverð á hörpudiski, sem gildir frá 16. september til
ársloka. Hörpudiskur 7 sm á hæð 29 krónur, 6—7 sm á 22
krónur. Ekki náðist samkomulag um verð á rækju og var
málinu vísað til yfirnefndar.
Verdkönnun Alþýöublaösins:
Engin gúrkutíð
Eitt kíló af gúrkum
kostar í septemberbyrj-
un 1990 299 krónur í
Reykjavík en 61,50 krón-
ur á vesturströnd Jót-
lands. Hverju sætir sá
verðmunur?
Hollustan er miklu dýrari
á Islandi en hjá frændum
okkar í Danmörku. Sveppir
eru þó á svipuðu róli, en
miklar framfarir hafa verið
í svepparæktinni á íslandi
og mikil samkeppni ríkir
um þessar mundir. Sam-
keppnin virðist skila sér í
skaplegu verði til neyt-
enda. Grænmetið sem við
könnuðum og selt er hér er
allt íslenskt nema laukur-
inn. Hann er innfluttur úr
Suður-Evrópu. Það er
vonlítið að skilja þann
verðmun sem er á öðru en
sveppunum. Hvernig
stendur til dæmis á því að
gulrætur eru næstum því
fjórum sinnum dýrari í
stórri hverfaverslun í
Reykjavík en í Esbjerg á
Jótlandi?
Ýmislegt má eflaust tína
til sem afsakar hærra verð
á fslandi en erlendis. Sum-
ur eru sem kunnugt er stutt
og rysjótt á íslandi og það
kemur niður á útifram-
leiðslu á grænmeti. Þá hafa
yfirvöld ekki hér ekki sama
skilning á gildi íslenskrar
framieiðslu og menn hafa
erlendis á þarlendri fram-
leiðslu. Fyrir bragðið nýtur
innlend framleiðsla hér
ekki neinna hlunninda eins
og þekkjast erlendis. í Hol-
Verðsamanburður REYKJAVIK - ESBJERG:
Kartöflur (1 kg) Reykjavík 95,50 kr. Esbjerg 47,00 kr. Mismunur 103,2%
Tómatar (1 kg) 295,00 kr. 188,50 kr. 56,5%
Blómkálshaus 280,00 kr. 94,00 kr. 197,9%
Sveppir (250 gr) 127,00 kr. 113,00 kr. 12,4%
Gulrætur (1 kg) 299,00 kr. 61,50 kr. 386,2%
Laukur (1 kg) 79,00 kr. 56,00 kr. 41,1%
VerdvarkannadíEsbjergúJótlandi 1. september sl. og iúmóta hverfa- verslun í Reykjauík þremur dögum síöar.
Sveppaúrvalið í matvörubúðum er glæsilegt — falleg
vara, bragðgóð og ódýr. Sveppir seljast því margfalt
meira nú en áður. A-mynd: E.ÓI.
landi fæst gas til framleið-
enda t.d. á verði sem heim-
ildir telja að sé undir kostn-
aðarverði.
Þrátt fyrir þennan að-
stöðumun er verðmunur á
innlendu og erlendu græn-
meti endaleysa. Menn
hljóta að spyrja sig hverju
það sæti að munurinn sé
allt að því fjórfaldur. Að-
stöðumunur er alls ekki
fjórfaldur.
Heiftarleg gagnrýni á ,,menntada“ í tónlistardeild útvarps:
Hef gamcm
af eldhugum
— segir Guðmundur Emilsson tónlistarstjóri og vísar á bug
gagnrýni Högna Jónssonar, stjórnanda harmonikkuþáttar-
ins
„Ég er reyndar heilmik-
ill unnandi dragspilsins,
enda vanur því að heyra
það í foreldrahúsum. Faðir
minn, séra Emil Björns-
son, lék á hljóðfærið á góð-
um stundum. Ég hef m.a.s.
haldið uppi vörnum fyrir
harmonikkuna bæði í
ræðu og riti og kynntist
hér af góðu ítalska harm-
onikkusnillingnum Gesu-
aldo þegar hann kom hing-
að um árið,“ sagði Guð-
mundur Emilsson, tónlist-
arstjóri Ríkisútvarpsins í
gær í tilefni af talsvert
heiftarlegri ádeilu Högna
Jónssonar í harmonikku-
þætti í útvarpinu í gær.
Högni viðhafði mörg orð
um tónlistardeild útvarpsins
og það „lærða fólk“ sem þar
starfaði. Var Högna greini-
lega þungt niðri fyrir og dró
ekki úr gagnrýni sinni eftir
því sem á reiðipistilinn leið,
en jók fremur við. Sagði hann
að greinilegt væri að mennt-
aða tónlistarfólkið vildi
ganga af harmonikkutónlist í
útvarpinu dauðri. Þáttur sinn
á laugardagskvöldum hefði
þannig verið færður til á
slæman tíma um miðjan dag
í miðri viku, þrátt fyrir að
skoðanakannanir hafi sann-
að að þátturinn hefði mikla
hlustun á laugardagskvöld-
um. Nú væri þátturinn strik-
aður út úr dagskránni með
öllu.
Guðmundur Emilsson
sagði það ekki rétt að verið
væri að úthýsa harmonik-
kunni úr útvarpinu. Sagði
hann að Högni vissi reyndar
ekki hvernig vetrardagskrá
útvarpsins liti út, hún hefði
hvorki verið kynnt, utanhúss
né innanhúss. Fullvissa mætti
fólk um það að harmonikkan
fengi sinn sess þar sem fyrr,
enda vinsæl.
„Stjórnandi þáttarins óð
því í myrkri og fullyrti um of.
Þessi ummæli Högna voru
borin undir mig á þriðjudag-
inn. Mér fannst sjálfsagt að
þeim yrði útvarpað, enda hef
ég gaman af eldhugum eins
og Högna." sagði tónlistar-
stjórinn.
Guðmundur sagði að í
starfi sínu kæmu ýmiskonar
óskir um sérþætti — jafnvel
sérstaka þætti fyrir túbur,
kontrafagott og fleiri hljóð-
færi. Harmonikkan væri eina
hljóðfærið sem hefði lengi
haft þætti helgaða einu hljóð-
færi.
Stefnir í haustkosningar?
Alþýðuflokkurinn
verður nú þegar að hefja
undirbúning kosninga.
Að áliti undirritaðs
bendir margt til þess að
við stefnum í haustkosn-
ingar. Hvar stendur Al-
þýðuflokkurinn mál-
efnalega og áróðurslega
ef sú verður raunin? Eru
flokksmenn reiðubúnir í
kosningar?
Málefnalega stendur Al-
þýðuflokkurinn sterkt en
því miður vita það alltof fá-
ir. Þátttaka flokksins í ríkis-
stjórn hefur skilað, svo
dæmi sé tekið, betra skatta-
og húsnæðiskerfi, en ein-
mitt þessi kerfi snerta hagi
þorra landsmanna. En veit
þorri landsmanna það? Og
það sem alvarlegra er; vita
allir alþýðuflokksmenn
það?
1 Samband ungra jafnaðar-
manna hélt 39. þing sitt í
síðasta mánuði. Þingið var
fjölmennt og skilaði góðu
starfi. Ungir jafnaðarmenn
samþykktu róttækar tillög-
ur í flestum málaflokkum
sem hafa það að höfuð-
markmiði að byggja hér
upp öflugt velferðar-
kerfi almennings. Þess-
um tillögum þarf að fylgja
eftir inn á flokksþing Al-
þýðuflokksins og inn á
borð þingflokksins, þannig
að þær megi komast í fram-
kvæmd.
Veturinn sem er fram-
undan á eftir að verða
viðburðaríkur í íslenskum
stjórnmálum. Jafnaðar-
menn mega ekki láta sitt
eftir liggja í þeirri atburða-
rás heldur verða þeir að
hefja undirbúning að
þróttmiklu pólitísku
starfi — því öflugt starf er
forsenda sigurs.
Verkalýðs- og stjórn-
málanefnd SUJ vill ekki
láta sitt eftir liggja og byrjar
starf sitt með opnum fundi
nk. þriðjudag. Fundarefnið
er þátttaka Alþýðu-
flokksins í ríkisstjórn sl.
3 ár og stjórnmála-
ástandið almennt. Mark-
mið fundarins er einfalt.
Gerum upp sl. 3 ár — met-
um hvaða árangri við höf-
um náð í ríkisstjórn og
komum því rækilega til
skila til okkar félaga. Jafn-
framt verðum við að meta
stjórnmálaástandið í dag
og hefjum undirbúning
kosningastarfs ef við teljum
stefna í haustkosningar.
Vörum okkur á tvíátta
framsóknarmönnum í rík-
isstjórn!
Að lokum hvet ég alla
áhugasama jafnaðarmenn
(á öllum aldri) að mæta á
fundinn og sýna samstöðu.
Gullkorn dagsins: Enginn
er flokkur án fólks!
Með flokkskveðju.
Jón Baldur Lorange,
form. Verkalýðs- og
stjórnmálanefndar SUJ.