Alþýðublaðið - 14.09.1990, Blaðsíða 6
6
1
Föstudagur 14. sept. 1990
auðvitað að huga að öðrum verk-
efnum á þessu sviði og er að því
unnið á vegum iðnaðarráðuneyt-
isins og Markaðsskrifstofu þess og
Landsvirkjunar. Og snemmt er að
spá nokkru um niðurstöðurnar en
væntanlega munu afdrif Atlants-
álsverkefnisins hafa þar sín áhrif.
Ég vil líka nefna að ef af bygg-
ingu nýs álvers verður hér á landi,
mun styrking raforkukerfisins
sem henni yrði samfara — meðal
annars með 220 kV flutningslínum
milli Fljótsdals og Akureyrar og
Akureyrar og Hrauneyjarfoss —
auka öryggi í raforkumálum á
Norður- og Austurlandi og bæta
möguleika á uppbyggingu fyrir-
tækja sem nota mikla raforku.
Þetta verður mikils virði í framtíð-
inni.
Framtak einstqkiinga
En orkufrek stóriðja er ekki
allsherjarlausn í atvinnumálum ís-
lendinga. Það þarf að hyggja að
mörgu fleiru. I því sambandi tel ég
farsælast að stjórnvöld einbeiti sér
að því að skapa almenna umgjörð
um atvinnulífið þar sem framtak,
dugnaður og forsjálni einstaklinga
fá notið sín. Þessi umgjörð þarf að
hvetja menn til fjárfestingar í
þjóðhagslega arðbærum atvinnu-
greinum og stuðla að sterkri sam-
keppnisstöðu íslenskra fyrirtækja.
Ég tel einnig eðlilegt að samstarf
við erlenda aðila um uppbyggingu
fyrirtækja í ýmsum atvinnugrein-
um hér á landi verði aukið. Af
þessum ástæðum hef ég meðal
annars beitt mér fyrir umbótum á
fjármagnsmarkaði og auknu
frjálsræði í gjaldeyrismálum og
varðandi fjármagnsflutninga milli
íslands og annarra Ianda. Einmitt
nú um mánaðamótin tók gildi ný
reglugerð um gjaldeyrismál sem
dregur úr þeim óþarfa mun sem
gerður hefur verið á innlendum
og erlendum viðskiptum, og það
sem ekki er síður um vert, jafnar
aðstöðumun sem verið hefur milli
íslenskra fyrirtækja þar sem stór-
fyrirtækin fyrir sunnan hafa löng-
um búið við meira frjálsræði en
önnur fyrirtæki. Viðskiptafrelsi er
nefnilega ekki aðeins hagsmuna-
mál heldur einnig jafnréttismál.
Erlent iðnaðarsamstarf
í þessu sambandi vil ég geta
þess að iðnaðarráðuneytið hefur
tekið þátt í umræðum sem fram
hafa farið á liðnum vikum um sér-
stakar aðgerðir til þess að greiða
fyrir samstarfi innlendra og er-
lendra aðila meðal annars á sviði
iðnaðar ekki síst út um land. Sér-
stakt verkefni af þessu tagi var
rætt á fundi iðnráðgjafa landshlut-
anna, fulltrúa ráðuneytisins,
Byggðastofnunar og fleiri aðila á
Húsavík nú fyrir skemmstu. Ef
slíkt verkefni er nægilega vel skil-
greint má vel ætla að alþjóðlegt
ráðgjafarfyrirtæki, eins og til
dæmis Plant Location Internation-
al sem er hluti af ráðgjafar- og end-
urskoðunarfyrirtækinu Price Wat-
erhouse, geti fundið erlenda aðila
sem áhuga gætu haft og hentuðu
vel til samstarfs um iðnaðarupp-
byggingu hér á landi.
Þá vil ég einnig geta þess, að
meðan á heimsókn varaforseta
framkvæmdastjórnar Evrópu-
bandalagsins, Martins Bange-
manns, stóð um miðjan ágúst síð-
astliðinn, ákváðum við að vinna
að gerð samstarfssamnings milli
íslands og bandalagsins um verk-
efni á sviði iðnaðar- og orkumála.
Slíkur samningur myndi einkum
miða að því að kanna með hvaða
hætti við getum hagnýtt orkulind-
ir okkar til þess að leysa orku- og
umhverfisvandamál í Evrópu og
efla um leið atvinnuvegi Islend-
inga. Sérstaklega verður fjallað
um tvö verkefni, annars vegar út-
flutning á raforku um sæstreng og
hins vegar framleiðslu á vetni með
raforku. Vetnisverkefnið gæti í
framtíðinni gert okkur kleift að
nýta innlenda orkugjafa einnig í
samgöngum og sjávarútvegi. Ráð-
gerður er fundur um þessi efni í
Hamborg í næsta mánuði til að
leggja á ráðin um framhaldið.
Eg vil ennfremur nefna að ný-
leg. /oru stjórnendur þýsku fyrir-
tækiasamsteypunnar Thyssen hér
auðvitað mestu máli en engu að
síður er hægt að spara mikið fé og
fyrirhöfn með nánu samstarfi við
fyrirtæki sem hafa yfir markaðs-
og tækniþekkingu að ráða og
binda slíka aðila af beinni fjárfest-
ingu í íslenskum fyrirtækjum.
Loks vil ég nefna að í samning-
um um nýtt álver hefur verið lögð
sérstök áhersla á það að erlendu
fyrirtækin láti vinna þróunar- og
tækniverkefni hér á landi og stuðli
þar með að aukinni reynslu og
þekkingu Islendinga á því sviði.
Samstarf eða_________________
sundurlyndi__________________
Það er mikið í húfi að sundur-
lyndi í stjórnmálum og rígur milli
landshluta komi ekki í veg fyrir að
við nýtum kosti landsins alls þjóð-
inni til farsældar. Við þurfum að
nýta auðlindir lands og sjávar með
almannaheill fyrir augum en ekki
út frá þröngum byggðasjónarmið-
um. Ég tel til dæmis mikilvægt að
háhitasvæði og jarðlög Norður-
lands verði nú vandlega könnuð
með nýtingu þeirra í huga og mun
leggja til að fé verði til þess veitt á'
fjárlögum. Síðustu atburðir við
Persaflóa hafa minnt okkur ræki-
lega á það hversu mikilvægar
orkulindir Iandsins eru, virkjaðar
sem óvirkjaðar.
Við íslendingar höfum alla
möguleika til þess að njóta lífs-
kjara eins og þau gerast best með
öðrum þjóðum. Til þess að sá ár-
angur náist þarf að vera sátt með
þjóðinni í hinum veigamestu mál-
um. Ég vona að okkur takist að
feta þann veg.
(Greinin er byggd á rœöu sem höfund-
ur hélt nýuerið á Fjóröungsþingi Norð-
lendinga á Sauöárkróki).
á landi. Thyssen-samsteypan er
meðal stærstu málmiðnaðarfyrir-
tækja í heiminum. Forstjórinn og
fylgdarlið hans heimsóttu ýmsa
aðila til að kynnast möguleikum
sem við getum boðið upp á eink-
um með tilliti til álsteypu. Meðal
annars heimsóttu þeir Akureyri.
Samstarf við slíka aðila er einmitt
fýsilegur kostur til að komast inn á
hinn stóra Evrópumarkað.
Frumkvæði i fjarvinnslu
Oft hefur verið á það bent að ný
tækni í boðskiptum og tölvunotk-
un opni nýja möguleika. Bent hef-
ur verið á það að hægt sé að
stunda margs konar tölvuvinnslu
hvar sem er á landinu og erlendis
þekkjum við mörg dæmi þess að
sett séu upp svokölluð fjarvinnslu-
ver eða fjarvinnslustofur í strjál-
býli, þar sem menn vinna við tölv-
ur sínar og geta notið kosta strjál-
býlisins án þess að tapa með öllu
því verkefnavali sem þéttbýlið
hefur upp á að bjóða. Sem dæmi
um verkefni sem unnin eru í slíkri
fjarvinnslu má nefna símaskrár og
margskonar viðskiptaskrár svo og
ýmiss konar tölvuskráning og
gagnavinnsla á vegum hins opin-
bera. Þannig hafa Norðmenn t.d.
sameinað fyrirtækjaskrá sína hjá
stofnun, sem sett hefur verið á fót
í smábæ, þaðan sem hún þjónar
öllu landinu.
Þróunin hefur verið hægari hér
á landi, en nú um nokkura ára
skeið hafa þó áhugamenn unnið
að undirbúningi að stofnun fjar-
vinnslustofa.
Nýlega var fjarvinnslustofan
Orðtak stofnuð á Hvammstanga
og mér er það sérstök ánægja að
skýra frá því að nýlega undirritaði
ég ásamt forráðamönnum fyrir-
tækisins, á skrifstofu fyrirtækisins
á Hvammstanga, samning milli
viðskiptaráðuneytisins og Orðtaks
um tölvuskráningu hlutafélaga-
skrárinnar. Vænti ég þess að þar sé
aðeins um upphafið að meiri verk-
efnum að ræða og er nú t.d. verið
að kanna það hjá stofnunum iðn-
aðarráðuneytisins hvar sé að finna
verkefni af þessu tagi hjá þeim. Ég
hef lagt fyrir allar stofnanir í iðn-
aðar- og viðskiptaráðuneytunum
að leita að slíkum fjarvinnsluverk-
efnum sem leysa má úti um land
og mun gera tillögur um fjárveit-
ingar þeirra vegna á næstu fjárlög-
um.
Varðandi iðnþróun hér á landi
skiptir frumkvæði innlendra aðila
vsk w
VSRÐISAUKASKATTS
TILIBUÐARBYGGJENDA
w irðisaukaskattur af vinnu manna
sem unnin er á byggingarstað íbúðarhús-
næðis er endurgreiddur.
Endurgreiðslan nærtil:
• Vinnu manna við nýbyggingar
íbúðarhúsnæðis.
• Hluta söluverðs verksmiðjufram-
leiddra íbúðarhúsa.
• Vinnu manna við endurbætur eða
viðhald á íbúðarhúsnæði.
Endurgreiðslu fá þeir sem byggja á eigin
kostnað íbúðarhúsnæði sem ætlað er til
sölu eða eigin nota á eigin lóð eða
leigulóð.
Sækja skal um endurgreiðslu á sérstökum
eyðublöðum til skattstjóra í því umdæmi
sem lögheimili umsækjandans er.
Eyðublöðin eru:
• RSK 10.17: Bygging íbúðarhúsnæðis
til sölu eða leigu.
• RSK 10.18: Bygging íbúðarhúsnæðis
til eigin nota.
/»thygli skal vakin á því að um-
sækjandi verður að geta lagt fram umbeð-
in gögn, t.d. sölureikninga þar sem skýrt
kemur fram hver vinnuþátturinn er og að
vinnan sé unnin á byggingarstað.
Uppgjörstímabil vegna nýbyggingar og
verksmiðjuframleiddra íbúðarhúsa er tveir
mánuðir, janúar og febrúar, mars og apríl
o.s.frv. Umsókn skal berast skattstjóra
fyrir 15. dag næsta mánaðar eftir að
uppgjörstímabili lýkur.
Uppgjörstímabil vegna endurbóta eða
viðhalds er aldrei styttra en almanaksár.
Umsókn skal berast skattstjóra eigi síðar
en 15. janúar árið eftir að endurbætur eða
viðhald áttu sér stað.
Nánari upplýsingar veita RSK og skatt-
stjórar um land allt.
UpPIlrðvSu&attS'
veg^a
RSK
RÍKISSKATTSTJÓR!