Alþýðublaðið - 20.10.1990, Blaðsíða 2

2
Laugardagur 20. október 1990
Verðum við algjör
C-þjóð?
Verslunarráðið stendur öðru
hverju fyrir fróðlegum morgun-
verðarfundum þar sem vanda-
mál líðandi stundar eru tekin
föstum tökum af hæfum og glað-
beittum morgunhönum við-
skiptalífsins. A miðvikudaginn
kemur er spurningin þessi: Verö-
um viö C-þjóö í lífskjörum um
aldamótin? Framsögumenn
verða Vilhjálmur Egilsson, fram-
kvæmdastjóri Verslunarráðsins,
AriSkúlason, hagfræðingur ASÍ,
og Ómar Þ. Ragnarsson, frétta-
maður.
Jón Óskar sýnir
á ísafírði
Listamaðurinn Jón Óskar sýnir
frá og með laugardeginum í
Slunkaríki á ísafirði. Hann er
fæddur 1954 í Reykjavík og
stundaði nám í myndlist þar og í
New York. Jón Óskar hefur hald-
ið einkasýningar og tekið þátt í
fjölda samsýninga víða um lönd.
A ísafirði mun hann sýna 30
smámyndir unnar á pappír með
blandaðri tækni. Sýningin stend-
ur til 11. nóvember og er opin
fimmtudaga til sunnudaga frá kl.
16-18.
Krossgátudrottning
Á tímum þegar alls konar drottn-
ingar eru kjörnar er það ekkert
út í hött að kjósa „Krossgátu-
drottningu". Það gerði Kross-
gátublaðið nýlega, og fyrir val-
inu varð ung og falleg stúlka,
Sólveig Hrafnsdóttir, Veghúsa-
stíg 9 í Reykjavík. Krossgátu-
lausnir eru gífurlega vinsælar
hér á landi sem annars staðar í
heiminum.
Amnestyvika
Sérstök Amnestyvika stendur
nú yfir um heim allan. Á íslandi
taka fjölmargir einstaklingar
þátt í því að knýja á yfirvöld að
virða almenn mannréttindi, en í
fjölmörgum löndum eru ein-
staklingar beittir harðræði og
sitja í fangelsum fyrir litlar eða
engar sakir.
■■■■■■■ FRÉTTASKÝRING ■■■■■■■■■■■■■■■■■■■
Af framboðs-
málum krata
Þingflokkur Alþýðuflokksins eins og hann leit út eftir síðustu alþingiskosningar. Hverjir skipa hann að afloknum
næstu kosningum er óvíst og eins hversu stór hann verður.
Stiórnmálaflokkarnir
•r nú i óða önn að und-
irbúa framboðsmál sin.
Einu flokkamir sem vit-
að er að verði með
prófkjör eru Alþýðu-
flokkur og Sjálfstœðis-
flokkur. Alþýðuflokkur-
inn hefur þegar ákveðið
að vera með epin práf-
kjör i nokkrum kjör-
dœmum. Aðeins á Vest-
fjörðum hafa alþýðu-
flokksmenn tekið þá
ákvörðun að vera ekki
með prófkjör.
TRYGGVI HARÐARSON SKRIFAR
Ráðherrarnir_______________
i Reykjavik________________
Þingmenn Alþýðuflokksins í
Reykjavík eru jafnframt ráðherrar
allir þrír, Jón Baldvin Hannibals-
son, Jóhanna Sigurðardóttir og
Jón Sigurðsson. Þau hafa ekki
sýnt á sér neitt fararsnið úr ís-
lenskri pólitík. Engu að síður þykir
það óheppilegt að allir ráðherrar
flokksins komi úr sama kjördæmi.
Því hafa ýmsir velt því fyrir sér
hvort annar Jónanna kunnið að
fara í framboð í öðru kjördæmi.
Báðir hafa þeir verið orðaðir við
Vestfirði en þar situr Sighvatur
Björgvinsson fastur fyrir.
Það er ljóst að enginn þing-
mannanna þriggja í Reykjavík er
spenntur fyrir þriðja sæti Á-listans
í næstu kosningum. Eins og staðan
er nú er þó talið líklegast að Jón
Sigurðsson kunni að reyna fyrir
sér í Reykjaneskjördæmi.
Þau þrju eru talin að öðru jöfnu
sjálfkjörin í þrjú fyrstu sæti Á-list-
ans í Reykjavík en skoðanir eru
nokkuð misjafnar hvernig þau
kynnu að raðast í sæti yrði efnt til
opins prófkjörs.
Aðrir líklegir eða hugsanlegir
frambjóðendur hafa verið nefndir
en ljóst er að ef einhver núverandi
þingmanna fer eitthvert annað
verður sætið sem losnar mjög eft-
irsóknarvert enda mjög líklegt
þingsæti. Ekki er talið loku fyrir
það skotið að Árni Gunnarsson,
nú þingmaður Norðlendinga,
kunni að gefa kost á sér en hefur
lýst því yfir að hann fari ekki í
framboð fyrir norðan.
Þá hafa komið upp nöfn eins og
Össur Skarphéðinsson, fyrrum Al-
þýðubandalagsmaður, Ragnheið-
ur Davíðsdóttir, Ellert B. Schram
ritstjóri og Guðmundur Einarsson,
aðstoðarmaður iðnaðarráðherra.
Ekki hefur verið tekin ákvörðun
um hvernig verður staðið að upp-
röðun á lista Alþýðuflokksins í
Reykjavík.
BoráWa i___________________
Reykjaneskjördeeini
Kratar í Reykjaneskjördæmi
hafa þegar ákveðið að halda opið
prófkjör. Stefnir þar í baráttu um
fyrstu sætin. Þingmenn kjördæm-
isins, Karl Steinar Guðnason og
Rannveig Guðmundsdóttir, hafa
lýst því yfir að þau gefi kost á sér
áfram. Þá hefur Guðmundur Árni
Stefánsson, bæjarstjóri í Hafnar-
firði, lýst því yfir að hann gefi kost
á sér og stefni á fyrsta sætið. Karl
Steinar gerir það sama svo búast
má við miklu fjöri í prófkjörsbar-
áttunni.
Þá hefur heyrst að Jón Sigurðs-
son iðnaðarráðherra kunni að
hella sér í slaginn í Reykjanesi.
' Fari svo má búast við hörku próf-
kjörsslag sem mun vekja mikla at-
hygli. Vitað er að Karl Steinar á sér
mikið og öruggt fylgi á Suðurnesj-
um og Guðmundur Árni í Hafnar-
firði. Erfiðara er að átta sig á fylgi
Jóns Sigurðssonar í kjördæminu
en hann mun eflaust víða höggva
niður ekki síst í ljósi þess að vænt-
anlegu álver hefur verið valin
staður í kjördæminu.
Kratar í Reykjaneskjördæmi
telja sig eiga góða von í þremur
þingmönnum í næstu kosningum.
Því ætti að vera rúm fyrir þau Karl
Steinar, Rannveigu og Guðmund
Árna gangi það eftir. Þau verða að
teljast líklegustu sigurvegarar í
prófkjörinu eins og staðan er í
dag. Gefi Jón Sigurðsson hins veg-
ar kost á sér er hætt við að það af
þeim fjórum sem lenti í fjórða sæt-
inu yndi því illa.
Ingi H. Guðjónsson hefur ákveð-
ið að gefa kost á sér í prófkjörið en
hann er varaformaður SUJ. Þá
hafa verið nefnd til sögunnar nöfn
Önnu Margrétar Guðmundsdótt-
ur, bæjarfulltrúa í Keflavík, Ernu
Fríðu Berg úr Hafnarfirði og Petr-
ínu Baldursdóttur í Grindavík.
Slagur um annaö urtið
á Vesturiandi________________
Almennt er talið að Eiður
Guðnason eigi víst fyrsta sætið á
Vesturlandi. Akveðið hefur verið
að halda prófkjör en ekki hefur
verið gegnið frá því hvaða reglur
skulu gilda. Það gæti orðið tals-
verður ágreiningur um það í kjör-
dæmisráðinu hversu opið það
skuli verða.
Sveinn Hálfdanarson í Borgar-
nesi mun sækjast eftir að halda
sínu öðru sæti á listanum en Gísli
Einarsson bæjarfulltrúi mun
sækja á það einnig og Sveinn Elín-
bergsson, bæjarfulltrúi í Ólafsvík.
Slagurinn mun því væntanlega
standa um hver þeirra þriggja
hreppi annað sætið.
Radað upp á__________________
Vestfjörðuiw_________________
Kjördæmisráð Alþýðuflokksins
á Vestfjörðum hefur tekið þá
ákvörðun að viðhafa ekki próf-
kjör. Þar hefur verið geysihörð
barátta milli Karvels Pálmasonar
og Sighvats Björgvinssonar um
fyrsta sætið fyrir undanfarnar
kosningar. Karvel hefur hins vegar
ákveðið að gefa ekki kost á sér
áfram og því talið að Sighvatur
eigi fyrsta sætið víst.
Aðrir líklegir frambjóðendur í
efstu sæti listans eru Pétur Sig-
urðsson, forseti Alþýðusambands
Vestfjarða, Kristján Jónsson, fyrr-
um forseti bæjarstjórnar á Isafirði,
Ragnheiður Björk Guðmundsdótt-
ir frá Súgandafirði og Bjarni P.
Magnússon, sveitarstjóri í Reyk-
hólahreppi og fyrrum borgarfull-
trúi í Reykjavík.
Jón Sæmundur gefur
áfram kost á sér i NI.V.
Jón Sæmundur Sigurjónsson
þingmaður krata fyrir Norður-
landskjördæmi vestra hyggst
halda sínu efsta sæti á lista Al-
þýðuflokksins. Óvíst er hvort Birg-
ir Dýrfjörð sem skipaði annað sæti
listans síðast hyggi á framboð nú.
Jón Sæmundur er almennt talinn
nokkuð öruggur með að halda
sínu sæti.
Það eru helst sveitarstjórnar-
menn sem eru taldir líklegir til að
skipa önnur efstu sæti A-listans í
Norðurl.vestra. Þar hafa verið
nefndir til sögunnar Kristján Möll-
er, Siglufirði, Björn Sigurbjörns-
son, Sauðárkróki, og Þorvaldur
Skaptason, Skagaströnd. Þá þykir
Helga Hannesdóttir Sauðárkróki.
líkleg í framboð en hún skipað'
sæti listans við síðustu alþingis-
kosningar.
Slagur um I. sætiö___________
i Ml.eystrq__________________
Arni Gunnarsson þingmaður frá
Norðurlandskjördæmi-eystra hef-
ur lýst því yfir að hann gefi ekki
kost á sér þar áfram. Því munu ef-
laust ýmsir sækjast eftir sæti
Árna. Sigbjörn Gunnarsson og
Hreinn Pálsson hafa þegar lýst því
yfir að þeir sækist eftir fyrsta sæt-
inu en þar hefur verið tekin
ákvörðun um prófkjör.
Þá hefur Jakob Frímann Magn-
ússon, Stuðmaður, einnig verið
orðaður við framboð í þessu kjör-
dæmi og Þröstur Ólafsson, fram-
kvæmdastjóri Miklagarðs hf. en
hann hefur sagt því starfi sínu
lausu. Það má því búast við miklu
fjöri í framboðmálum Alþýðu-
flokksins í Norðurlandskjördæmi
eystra.
Óvist um Austurland
Ovíst er hvernig framboðsmál-
um verður háttað í Austurlands-
kjördæmi eða hverjir verða þar í
framboði. Ljóst er að Guðmundur
Einarsson sækist ekki eftir að vera
þar í framboði aftur þrátt fyrir að
hann vantaði aðeins sjö atkvæði
til viðbótar í síðustu alþingiskosn-
ingum til að ná kjöri.
Ymsir hafa verið nefndir sem
líklegir kandídatar. Má þar nefna
Hermann Níelsson, íþróttakenn-
ara að Eiðum, Magnús Guðmunds-
son, bæjarfulltrúa Seyðisfirði, og
Gunnlaug Stefánsson, prest í Hey-
dölum, en hann hefur áður setið á
þingi sem þingmaður Reykjanes-
kjördæmis. Þá vilja ýmsir Aust-
fjarðarkratar freista þess að fá
Svanfríði Jónasdóttur, nú vara-
þingmann Steingríms J. Sigfússon-
ar, varaformanns Alþýðubanda-
lagsins, í framboð fyrir Alþýðu-
flokkinn á Austurlandi.
Suðuriandið —_______________
meginlwndið eg Eyjar
Ekkert hefur verið ákveðið um
framboðsmál Alþýðuflokksins í
Suðurlandskjördæmi. Magnús H.
Magnússon, fyrrum ráðherra og
þingmaður, skipaði efsta sæti
A-listans við síðustu kosningar og
Elín Alma Arthúrsdóttir annað
sætið. Ekki er búist við að þau gefi
kost á sér áfram. Þau eru bæði úr
Vestmannaeyjum en nokkur rígur
er milli lands og Eyja í framboðs-
málum og á það við um fleiri
flokka en Alþýðuflokkinn.
Nú þykir Guðmundur Þ. B. Ólafs-
son líklegasti kandídatinn úr Eyj-
um. Þá hefur Árni Gunnarsson
þingmaður gefið undir fótinn með
að hann kunni að gefa kost á sér í
Suðurlandskjördæmi. Aðrir líkleg-
ir til að skipa efstu sæti A-listans á
Suðurlandi eru Þorlákur Helgason
blaðamaður og Baldur Óskarsson,
viðskiptafræðingur og fyrrum
„Möðruvellingur".
Væntanlega mun línurnar skýr-
ast innan tíðar en þegar hafa verið
ákveðin prófkjör á vegum Alþýðu-
flokksins í Norðurlandskjördæmi
eystra, Vesturlands- og Reykjanes-
kjördæmi í næsta mánuði.