Alþýðublaðið - 20.01.1995, Síða 1
Kæran vegna viðskipta Hafnarfjarðarbæjar og Hagvirkis- Kletts
Rannveig hæf en
ákvað að víkja sæti
Ríkislögmaður segir Rannveigu
Guðmundsdóttur félagsmálaráð-
herra ekki vanhæfa til að fjalla um
kæru formanns bæjarráðs Hafnar-
Ijarðar og bæjarstjóra vegna Ijár-
málalegra viðskipta bæjarins við
Hagvirki-Klett. Engu að síður hefur
Rannveig ákveðið að óska eftir því
að skipaður verði seturáðherra í mál-
inu svo félagsmálaráðuneytið verði
hafið yfir vangaveltur um hlut-
drægni, yfirhylmingu eða ómálefna-
leg sjónarmið,
í umræddri kæru var þess krafist
að félagsmálaráðherra víki sæti í
málinu þar sem kæruefni málsins lúti
að ákvörðunum sem meirihluti bæj-
arstjómar kjörtímabilið 1990 til
1994 beri ábyrgð á, en þá hafi Al-
þýðuflokkurinn farið með meiri-
hlutavald í bæjarstjóminni, lengst af
undir stjórn Guðmundar Ama Stef-
ánssonar varaformanns Alþýðu-
flokksins og fyrrverandi félagsmála-
ráðherra. Af hálfu kærenda var talið
að Rannveig Guðmundsdóttir, fé-
lagsmálaráðherra og samþingsmað-
ur Guðmundar Arna Stefánsson-
ar, væri vanhæf til meðferðar máls-
ins samkvæmt ákvæðum stjóm-
sýslulaga.
I tilefni af kröfunni um að ráð-
herra víki sæti ákvað félagsmálaráð-
herra að leita álits ríkislögmanns.
Hann var spurður hvort ráðherra
væri vanhæf til að ijalla um kæmna
vegna þess að félagsmálaráðherra er
flokkssystir þeirra aðila sem sátu í
meirihluta bæjarstjómar og vegna
þess að ráðherra er samþingsmaður
Guðmundar Arna Stefánssonar.
I niðurstöðu ríkislögmanns segir
meðal annars: „... er það álit emb-
ættisins, að ráðherra sé ekki sjálf-
krafa vanhæf á grundvelli 6. tl. 1.
mgr. 3. gr. stjómsýslulaga til að
tjalla um framangreinda kæm við
það að vera flokkssystir þeirra aðila
er sátu í meirihluta í bæjarstjóm
Hafnarfjarðar eftir sveitarstjómar-
kosningamar 1990 til jafnlengdar
1994 eða við það að vera samþing-
maður bæjarfulltrúa og bæjarstjóra í
Hafnarfirði á umræddum tíma.“
í frétt ffá félagsmálaráðuneytinu
segir að í hönd fari alþingiskosning-
ar og verulegar líkur séu á að Rann-
veig Guðmundsdóttir og Guðmund-
ur Ami Stefánsson muni bæði eiga
sæti á framboðslista flokksins í
Reykjaneskjördæmi. Sú staða sé
þess eðlis að tortryggni kynni að
skapast um að Rannveig eigi ein-
staklega hagsmuni af úrlausn um-
ræddrar kæm þar sem niðurstaða
kæmmálsins gæti hugsanlega haft
áhrif á framtíð ráðherrans sem
stjómmálamanns. Félagsmálaráðu-
neytið verði að vera hafið yfir vanga-
veltur um hlutdrægni, yfirhylmingu
eða ómálefnaleg sjónannið. Á
gmndvelli þess hafi félagsmálaráð-
herra tekið þá ákvörðun að óska eftir
því við forsætisráðherra að skipaður
verði seturáðherra til að úrskurða í
þessu kærumáli.
Prófkjör Alþýðuflokksins í Reykjanesi fer fram nú um helgina. Rannveig Guð-
mundsdóttir og Guðmundur Árni Stefánsson takast á um efsta sætið og er tvísýnt
um úrslit. Alþýðublaðið heyrði hljóðið í tveimur stuðningsmönnum þeirra í gær
Bjartsýnn á sig-
ur Rannveigar
- segir Halldór Sigurbjörnssonrstuðnings-
maður Rannveigar Guðmundsdóttur.
Meöbyr með
Guömundi Árna
- segir Tryggvi Harðarson, stuðningsmaður
Guðmundar Árna Stefánssonar.
„Það hefur verið barist
drengilega og heiðarlega.
Við sjáum að þetta er að lyft-
ast hjá okkur en við þurfum
að taka vel á í kjördæminu.
Það er ekki gott að meta stöð-
una á þessari stundu og ég
get því ekki fullyrt að sigur-
inn sé kominn í höfn en mér
líst vel á þetta," sagði Hall-
dór Sigurbjörnsson, stuðn-
ingsmaður Rannveigar
Guðmundsdóttur í próf-
kjöri Alþýðuflokksins á
Reykjanesi.
„Rannveig og Guðmundur
Ámi em sammála um að
keppa að því að ná efsta sæt-
inu og ég óska öðmm ffam-
bjóðendum góðs gengis. Ég
ætla ekki að spá neinu um
ffekari röðun á listann, en líst
vel á alla frambjóðendur.
Þetta verður góður listi og ég
er bjartsýnn á sigur Rann-
veigar í prófkjörinu," sagði
Halldór Sigurbjömsson.
„Það er ljóst að baráttan um
efsta sætið stendur á milli
Rannveigar Guðmundsdótt-
ur og Guðmundar Árna Stef-
ánssonar og það getur orðið
mjótt á munum. Ég tel Petrínu
Baldursdóttur langlíklegasta í
þriðja sæti en það em aðrir
frambjóðendur sem kunna að
banka á,“ sagði Tryggvi Harð-
arson, stuðningsmaður Guð-
mundar Árna í prófkjörinu sem
fram fer í Reykjanesi á morgun
og sunnudag.
„Maður finnur víða meðbyr
með Guðmundi en það er ljóst
að sterk öfl í þjóðfélaginu hafa
unnið gegn honum og gera enn.
Þegar rætt er við hinn almenna
kjósenda er yfirleitt gott hljóð í
þeim í garð Guðmundar og
þeim finnst ómaklega hafi verið
að honum vegið. Ég er nokkuð
bjartsýnn um úrslitin en tel að
þetta verði jöfn barátta,“ sagði
Tryggvi Harðarson.
Öld liðin frá fæðingu
Davíðs Stefánssonar frá Fagraskógi
Ástsælasta skáld
íslands á 20. öld
Alþýðublaðið minnist þess í dag með veglegum hætti að á morg-
un, 21. janúar, eru 100 ár iiðin frá fæðingu Davíðs Stefánssonar,
skálds frá Fagraskógi.
Davíð Stefánsson naut
um sína daga meiri og al-
mennari vinsælda en
nokkurt Ijóðskáld annað,
fyrr og síðar. Hann var í
senn túlkur kynslóðar
sinnar og áhrifavaldur, en
auk þess litrík og umtöluð
ævintýrapersóna.
Alþýðublaðinu í dag er
dreift sérstaklega á Akur-
eyri, bænurn sem fóstraði
Davíð í áratugi. Á morg-
un verður frumsýnd hjá
Leikfélagi Akureyrar
leikgerð unnin úr ljóðum
skáldsins. Þá er afmælis-
ins minnst nteð margvís-
legum öðrum hætti.
Bergljót Arnalds í hlutverki
sínu í sýningu Leikfélags
Akureyrar, Á svörtum fjödr-
um, sem frumsýnd verður á
morgun á afmæli skáldsins.
Alþýðuflokkurinn á Norðurlandi eystra
Anna Karólína fer í 2. sætið
„Konur vilja yfirhöfuð taka þann-
ig á málum, að þær geti skilað þeim
vel af sér; verða vita nákvæmlega
hvoit þær geti staðið sig,“ segir
Anna Karólína Vilhjálmsdóttir í
viðtali við Alþýðublaðið í dag. Lík-
legt þykir að hún skipi annað sæti á
framboðslista Alþýðuflokksins á
Norðurlandi eystra til alþingiskosn-
inga. I viðtalinu ber margt á góma,
einsog uppvaxtarárin á Húsavík og
endurkontuna mörgum árum
seinna: „Á þeim tíma létég til dæm-
is gamlan draum rætast og fór að
læra á harmónikku; ég er jafnaðar-
maðurinn sem spilaði með Harm-
ónikkufélagi Þingeyinga ... Ég
keypti mér síðan hlut í trillu, tók
pungaprófið og stundaði sjóinn þrjú
sumur frá Húsavík." Sjá blaðsíðu 15.
Ávarp Vigdísar Finnbogadóttur, forseta íslands, vegna
landssöfnunarinnar Samhugur í verki til styrktar íbúum Súðavíkur
Góðir Islendingar.
A þungbærum stundum þjöppum við okkur saman
heilsteypt þjóð við andstreymi í landi, þar sem nátt-
úruöflin hafa birst okkur grimm og óvægin. Harmar
hafa sótt okkur heim og við finnum það glöggt sem
endranær, þegar að okkur er höggvið, hve nákomin
við erum hvert öðru. Átakanlegur rnissir og harmur
eins verður missir og harmur þjóðarinnar allrar.
Hvarvetna á Islandi dvelur hugur manna þessar
stundir hjá þeim sem orðið hafa fyrir miklum raun-
um. Samhyggð okkar er einlæg og sterk og öll vild-
um við eiga ráð til að létta þeim þungar sorgarbyrðar.
Við stöndum máttvana andspænis því sem orðið er
og ekkert fær breytt. En tíminn nemur ekki staðar,
heldur er sá einn kostur að halda áfram og leita allra
leiða til að milda áföllin og vemda þá sem fyrir reið-
arslagi hafa orðið. Okkur gefst nú öllum færi á að
rétta þeim hjálparhönd og votta þeim samkennd okk-
ar í landssöfnun sem ber einkunnarorðið „Samhugur
í verki“. Stuðningur okkar og einhugur getur á þann
veg veitt þeim, sem að hefur verið vegið, styrk til að
ganga til móts við komandi tíma.
Með djúpa hryggð í hjarta bið ég guð að blessa og
styrkja þá sem hafa þolað sáran missi ástvina og ís-
lendinga alla.