Morgunblaðið - 18.02.2001, Side 22

LISTIR
22 SUNNUDAGUR 18. FEBRÚAR 2001 MORGUNBLAÐIÐ
Um er að ræða sýningu 188 ljós-
mynda eftir 94 ljósmyndara sem all-
ir eru blökkumenn. Giuliani hefur
einkum sett sig upp á móti ljósmynd
Renèe Cox, sem setur sjálfa sig og
aðra blökkumenn í stöðu Jesú Krists
og lærisveinanna eins og þeir birtast
í frægu málverki Leonardo da Vinci
af síðustu kvöldmáltíðinni. Ljós-
myndin ber heitið „Yo Mama’s Last
Supper“, og stendur Cox þar nakin
fyrir miðju með útrétta handleggi
líkt og Jesús í málverkinu.
Giuliani, sem er rómversk-kaþ-
ólskur, lýsti á fimmtudag áliti sínu á
myndinni, sem hann sagði „viðbjóðs-
lega“, „hneykslanlega“ og „and-kaþ-
DEILUR Rudolphs W. Giuliani,
borgarstjóra New York, og for-
svarsmanna Brooklyn-listasafnsins
hafa blossað upp á ný í tengslum við
ljósmyndasýningu sem safnið stend-
ur fyrir og ber titilinn Tengsl við
ímyndina eða „Committed to the
Image“. Þetta kemur m.a. fram í
The New York Times. Giuliani, sem
reyndi að loka á fjárveitingar til
Brooklyn-safnsins árið 1999 vegna
hinnar umdeildu „Sensation“-sýn-
ingar þess, telur eitt verkið á ljós-
myndasýningunni vera helgibrot og
vill koma á fót nefnd til að gæta að
velsæmi listasafna á vegum borgar-
innar.
ólska“ og greindi frá því að hann
hygðist skipa nefnd til að setja vel-
sæmisreglur sem kæmu í veg fyrir
að listasöfn, rekin með opinberu fé
frá borginni, sýndu verk af þessu
tagi.
Talsmenn listasafnsins hafa svar-
að gagnrýni Giulianis á ljósmynda-
sýninguna á þann veg að eðlilegt sé
að sum listaverk veki sterk við-
brögð, enda hafi listin gegnt því
hlutverki í sögunni að vekja fólk til
umhugsunar. Sjálf segir Cox að
Giuliani verði að eiga þetta við sjálf-
an sig. Þá hefur greinahöfundur í
New York Times sett fram þá
spurningu hvernig standi á því að
hliðstætt listaverk, sem var hluti af
„Sensation“-sýningunni og sýndi
hvíta, berbrjósta konu í hlutverki
Jesú, hafi ekki vakið teljandi deilur.
Miðstöð menningar
Skemmst er að minnast deilumáls
Rudolphs Giuliani og Brooklyn-
safnsins árið 1999, en þá reyndi
borgarstjórinn að loka listasafninu í
kjölfar „Sensation“-sýningarinnar
sem sýndi mynd af Maríu mey sem
unnin var að hluta úr fílssaur. Því
máli lauk með dómi um að borg-
arstjórinn væri með fyrirætlaðri
lokun safnsins að ganga gegn stjórn-
arskrárbundnum lögum um tjáning-
arfrelsi. Nú hefur Giuliani sagt að
hann hugleiði lögsókn gegn Brook-
lyn-safninu vegna ljósmyndasýning-
arinnar og segist hann vongóður um
að finna leið til að vinna málið í
hæstarétti Bandaríkjanna.
Ummæli Giulianis á blaðamanna-
fundi um að setja á fót velsæmis-
nefnd, sem skipuð yrði „heiðvirðu
fólki“, hefur vakið furðu margra
stjórnmálamanna auk þess sem önn-
ur listasöfn í borginni eru uggandi,
en flest eru þau rekin að einhverju
leyti fyrir opinbert fé. Phillippe de
Montebello, stjórnandi Metropolit-
an-listasafnsins í New York, sagði
að skipun slíkrar nefndar yrði hörm-
uð þar sem hún „bryti niður ímynd
New York-borgar sem miðstöðvar
menningar í heiminum“.
Fjölmiðlafár og
menningarpólitík
Fyrrnefndur greinarhöfundur
sem fjallaði um málið í The New
York Times sl. föstudag telur að
sýningin og ljósmynd Cox hafi hér
orðið bitbein menningarpólitískra
átaka þar sem fjölmiðlar leiki stórt
hlutverk. Hann grunar Brooklyn-
safnið um að reyna að ná sér í at-
hygli með sýningunni og bendir á að
ljósmynd Cox af síðustu kvöldmál-
tíðinni hafi verið sýnd áður, m.a. í
Connecticut-fylki og á Ítalíu, án þess
að vekja umtal, né heldur athygli
gagnrýnenda. „Yo Mama’s Last
Supper er ekkert meistaraverk, né
felur það í sér ögrun umfram það
sem gengur og gerist nú á dögum,“
segir greinarhöfundurinn Michael
Kimmelman. Þannig telur hann
menningarpólitísku deilurnar um-
hverfis verkið mun meira áhyggju-
efni en verkið sjálft.
Giuliani fordæmir ljós-
mynd af nöktum kvenjesú
AP
Renée Cox ræðir við fjölmiðla
um mynd sína „Yo Mama’s Last
Supper“ á Brooklyn-listasafninu
í New York.
ÞESSI egypska lágmynd, sem er
frá því á 14. öld f.Kr., fannst á
dögunum af hópi hollenskra forn-
leifafræðinga í Sakkara í ná-
grenni við Kaíró.
Talið er að verkið kunni að
veita nánari upplýsingar um stutt
tímabil í sögu Egypta er eingyð-
istrú var iðkuð á stjórnartíma
Akhenaten.
Myndirnar eru sambland hefð-
bundinna faraómynda og viss
raunsæis sem tíðkaðist á dögum
Akhenaten, en hann afnam fjöl-
gyðistrú forvera sinna og helgaði
sig þess í stað sólarguðinum
Aten.
Lágmynd
finnst við
Sakkara
AP