Morgunblaðið - 13.07.2001, Blaðsíða 11

FRÉTTIR
MORGUNBLAÐIÐ FÖSTUDAGUR 13. JÚLÍ 2001 11
MORGUNBLAÐINU hefur bor-
ist eftirfarandi yfirlýsing frá Páli
Skúlasyni, rektor Háskóla Íslands:
„Vegna umfjöllunar fjölmiðla
um þá ákvörðun Háskóla Íslands
að leggja niður tvö störf háskóla-
kennara vill Páll Skúlason háskóla-
rektor taka fram eftirfarandi:
Skipulagsbreytingar á kennslu
og rannsóknum í slysalækningum
hafa verið til umræðu innan lækna-
deildar Háskóla Íslands um nokk-
urt skeið sem liður í heildarend-
urskoðun á fyrirkomulagi lækna-
náms á Íslandi. Ástæður þess er
einkum að rekja til þróunar innan
læknisfræðinnar á síðustu árum,
sem m.a. hefur leitt til þess að ný
sérgrein, bráðalækningar, hefur
verið tekin upp víða í Evrópu og
Bandaríkjunum.
Fyrir liggur greinargerð um
bráðalæknisfræði sem kennslu- og
fræðigrein við Háskóla Íslands
sem unnin var að beiðni deildarfor-
seta læknadeildar. Þar er gerð til-
laga um að bráðalæknisfræði verði
sjálfstæð kennslu- og fræðigrein.
Tillagan hefur verið í undirbúningi
frá því í haust og kom til umfjöll-
unar í kennsluráði læknadeildar í
maí sl. og til formlegrar afgreiðslu í
deildarráði læknadeildar þann 20.
júní sl. Deildarráð samþykkti til-
löguna og lagði til við háskólarekt-
or að stöður prófessors og dósents
í slysalækningum væru lagðar nið-
ur til að skapa grundvöll fyrir end-
urskipulagningu á þessu sviði, m.a.
með tilkomu bráðalæknisfræði
sem sérgreinar á Landspítala – há-
skólasjúkrahúsi.
Háskólarektor féllst á þessar til-
lögur læknadeildar og ákvað að
leggja niður bæði störfin miðað við
1. júlí sl. Byggðist sú ákvörðun
m.a. á því að háskólaárið hefst 1.
júlí ár hvert og því eðlilegt að miða
við það tímamark. Að sjálfsögðu
greiðir Háskólinn biðlaun í sam-
ræmi við lög og reglur þótt slysa-
lega hafi tekist til með fyrstu
greiðslu.
Háskólarektor harmar þá stefnu
sem umfjöllun um skipulagsbreyt-
ingar á kennslu við læknadeild Há-
skólans hefur tekið. Horft hefur
verið framhjá kjarna málsins, sem
er sá að umræddar ákvarðanir eru
teknar með hagsmuni kennslu og
rannsókna við læknadeild Háskól-
ans að leiðarljósi og á grundvelli
umræðu sem undanfarið hefur far-
ið fram fram innan læknadeildar.
Þess var lengi vænst að sem pró-
fessor við deildina hefði Gunnar
Þór Jónsson forgöngu um þróun á
þessum sviðum og hann hefur átt
þess kost að fylgjast með um-
ræðunni og undirbúningi málsins.
Hafi hann kosið að láta það hjá líða
er það hans eigin ákvörðun.
Í Kastljóssþætti Ríkissjónvarps-
ins í gærkvöldi (11. júlí) komu því
miður fram ósmekkleg og tilhæfu-
laus ummæli um þetta mál. Á þeim
verða hlutaðeigandi að bera
ábyrgð.“
Yfirlýsing frá
rektor Há-
skóla Íslands
KALT hefur verið á Norðaustur-
landi undanfarna daga og kuldinn
hamlað veiðiskap. Úr Hafralónsá í
Þistilfirði eru komnir 20–30 laxar á
land. Þar hefur sést svolítið af fiski
að ganga síðustu daga, að sögn veiði-
manna.
Í Svalbarðsá hafa veiðst 15 til 20
laxar og nýr fiskur að ganga. Þar
veiddist 20 punda lax um daginn,
eins og sagt hefur verið frá í fréttum.
Aðeins hafa veiðst fimm laxar í
Hölkná það sem af er, en sést hafa
göngur undanfarna daga eins og í
hinum fyrrnefndu ám í Þistilfirði.
Mjög góð skot hafa verið í sjó-
bleikjuveiði í Lónsá í Þistilfirði.
Menn hafa verið að fá frá 15 og upp í
25 stykki af 1–3 punda bleikju í ósn-
um. Aflinn hefur fengist á skömmum
tíma, þegar hún hefur gefið sig. Í
Lónsánni er fiskur byrjaður að
ganga ofar í ána.
Kuldi haml-
ar veiði
Kátur veiðimaður hampar 14 punda hæng sem veiddist í Skriðuhyl.
ERU
ÞEIR AÐ
FÁ’ANN?
ARNARVARP er með meira móti á
landinu í ár og útlit er fyrir að held-
ur fleiri arnarpör komi ungum á
legg í sumar en undanfarin ár og
almennt hefur varpið gengið held-
ur betur nú síðustu 3-4 árin en áður
var, samkvæmt upplýsingum frá
Kristni H. Skarphéðinssyni dýra-
vistfræðingi hjá Náttúrufræðistofn-
un.
Að sögn Kristins urpu 37 arnar-
pör á landinu í vor og eru 19 þess-
ara para nú með stálpaða unga í
hreiðri, en fylgst er með varpinu á
vori hverju og varppör talin, og
miðsumars er reynt að athuga hve
mörg þeirra para hafa komið upp
ungum. Kristinn segir að hugs-
anlega eigi sér stað mjög hægfara
fjölgun arnarstofnsins á Íslandi.
„Það hafa fundist heldur fleiri pör
allra síðustu ár en þau 10-15 ár sem
á undan komu, en þá hafði stofninn
staðið í stað í allmörg ár. Núna er
stofninn um 43-44 pör svo erfitt er
að segja hvort um raunverulega
fjölgun sé að ræða,“ segir Kristinn.
Að sögn Kristins fer arnarvarpið
fram á Vesturlandi frá Faxaflóa og
norður á Vestfirði, en langflest
hreiður er að finna á Breiðafirði,
eða um tvo þriðju hluta þeirra.
Morgunblaðið/Guðmundur Guðjónsson
Stálpaður arnarungi í hreiðri við Faxaflóa í fyrrasumar.
Arnarvarp með
meira móti í ár
TÍMASETNING verðmælinga get-
ur skipt máli þegar vísitala neyslu-
verðs er reiknuð út, en hér á landi
eiga verðmælingar sér stað fyrstu
tvo virka daga í hverjum mánuði.
Jökull M. Pétursson starfsmaður í
vísitöludeild Hagstofu Íslands segir
að þar sem verðmælingar eigi sér að-
eins stað tvo daga í hverjum mánuði
geti skipt máli hvaða dag mánaðar-
ins verðhækkanir eða -lækkanir
verða. Tímasetning verðmælinga
geti haft áhrif milli einstakra mán-
aða ársins, eins og mögulegt er að nú
gerist þar sem útsölur hófust margar
hverjar eftir að verðmælingum lauk í
júlímánuði og verður jafnvel að
mestu lokið þegar næstu verðmæl-
ingar eiga sér stað í byrjun ágúst-
mánaðar. Jökull telur þó að þegar til
lengri tíma er litið breyti þetta litlu
þar sem þær tímabundnu verðbreyt-
ingar sem eiga sér stað við útsölur
gangi til baka þegar útsölum lýkur
og þá fari verð aftur í fyrra horf.
Hann bendir ennfremur á að ekki sé
víst að útsöluáhrif vegna tímasetn-
ingar sumarútsalna tapist í mæling-
unum, í janúar hafi menn haft
áhyggjur af þessu, en það hafi reynst
ástæðulaust.
Aðspurður um hvort hugsanlega
sé hægt að hliðra til mælingunni til
að ná sveiflum sem þessum segir
Jökull að reglan sé sú að þegar búið
sé að ákveða hvaða daga skuli miðað
við í verðmælingum sé farsælast að
halda fast við þá. Ef mislangt tímabil
er á milli mælinga verða niðurstöður
mælinga illskiljanlegar og ekki sam-
bærilegar við fyrri tölur. Aftur á
móti sé hægt að auka nákvæmni vísi-
tölunnar með því að fjölga mæling-
um, fjölga verðum sem mæld eru og
gera meiri kröfur um gögn og for-
sendur, og hanna svo mælingar út
frá því. „Allt í allt mælir Hagstofan
13.000 verð í hverjum mánuði svo
hver verðmæling er nokkuð um-
fangsmikil. Við höfum ekki burði til
þess að mæla verð oftar en við gerum
nú, og einnig er vafamál hvort það sé
mikil ástæða til þess, enda fást þá
litlar viðbótarupplýsingar með ærn-
um tilkostnaði “ segir Jökull.
Ólíklegt að breytt húsnæðis-
og brunabótamat valdi
hækkunum á húsnæði nú
Jökull telur ólíklegt að breytingar
á húsnæðis- og brunabótamati valdi
þeirri hækkun á húsnæðisverði sem
fram kemur í nýjustu vísitölumæl-
ingum. Þessar breytingar hafi ekki
verið kynntar fyrr en í lok júní og því
ólíklegt að áhrif vegna þeirra séu
þegar komin fram.
Að sögn Jökuls er í raun ekkert
hægt að fullyrða um hvort breyttar
útlánareglur Íbúðalánasjóðs í maí
hafi haft áhrif í átt til þeirrar verð-
hækkunar á húsnæði sem átt hefur
sér stað nýlega. Ýmsar getgátur séu
uppi um þetta og önnur ástæða sem
nefnd hefur verið fyrir hækkuninni
að undanförnu er sú að markaðurinn
sé að ná jafnvægi og hækkanir á hús-
næðisverði að undanförnu séu því
fremur sveiflur en fastar hækkanir.
Hagstofa Íslands um hækkun vísitölu neysluverðs
Tímasetning verðmæl-
inga getur skipt máli