Morgunblaðið - 15.11.2001, Page 6

6 C FIMMTUDAGUR 15. NÓVEMBER 2001 MORGUNBLAÐIÐ










































































































NVIÐSKIPTI ALÞJÓÐLEGI bankinn UBS varð
til við samruna tveggja stærstu bank-
anna í Sviss, Union Bank of Switzer-
land og Swiss Bank Corporation, árið
1998. Báðir bankarnir byggja á göml-
um merg en Union bankinn var stofn-
aður árið 1860 og Swiss Bank árið
1872.
Að sögn Moniku Dunant, yfir-
manns fjölmiðlasviðs UBS í Sviss, eru
starfsmenn bankans um 71 þúsund
talsins víðsvegar um heiminn
Innan UBS samstæðunnar eru
mörg dótturfélög, m.a. UBS Switzer-
land, sem er einkabanki og sá stærsti
í heimi. Að sögn Moniku er bankinn
ólíkur mörgum öðrum bönkum þar
sem hann býður viðskiptavinum sín-
um ekki einungis upp á eigin afurðir
heldur miðlar einnig frá fleiri fjár-
málastofnunum. Meðal annars til
þess að geta þjónað sem flestum en
mjög stór hluti viðskiptavina hans
eru milljarðamæringar. UBS Asset
Management, sem er einn angi UBS,
er níunda stærsta sjóðafyrirtæki í
heimi og það næststærsta í Evrópu
með um 160 ólíka sjóði sem eru skráð-
ir í Lúxemborg, Sviss eða Cayman-
eyjum.
Að sögn Ignatius Bundi, starfs-
manns UBS Asset Management, þá
missti félagið marga viðskiptavini á
árunum 1999 og 2000 þar sem fjár-
festingarstefna félagsins þótti of
íhaldssöm. „Margir okkar viðskipta-
vina voru að sjá aðra bjóða upp á um
30% ávöxtun á meðan við gátum ekki
boðið betur en 15%. En nú eru þessir
aðilar að koma aftur til okkar.
Brenndir af fenginni reynslu af
áhættusömum fjárfestingum þar sem
allir ætluðu sér að verða milljóna-
mæringar á einni nóttu. Við hjá UBS
þökkum hins vegar okkar sæla fyrir
að hafa ekki breytt um fjárfesting-
arstefnu, það er hlutfallinu á milli
skuldabréfa og hlutabréfa í eigna-
safni sjóðanna.“
UBS Warburg er fjárfestingar-
banki. Innan UBS Warburg er einnig
bandaríska fjármálafyrirtækið
PaineWebber sem sameinaðist UBS í
nóvember á síðasta ári.
Frá Akureyri í evrópskan bankaheim
Einn af starfsmönnum UBS Asset
Management er Íslendingurinn Ari
Björnsson. Hann er fæddur á Íslandi
en flutti til Lúxemborgar þegar hann
var sjö ára en faðir hans er flugmaður
hjá Cargolux. Ari var í barnaskóla í
Lúxemborg en líkt og börn margra
Íslendinga í Lúxemborg fór hann til
Íslands í skóla á gagnfræðastigi. Þeg-
ar Ari var 14 ára flutti hann til Ak-
ureyrar þar sem hann bjó hjá móð-
urbróður sínum og fjölskyldu í
nokkur ár. Hann lauk grunnskóla-
námi á Akureyri og stúdentsprófi frá
Verkmenntaskólanum þar í bæ. Að
því loknu flutti Ari til Þýskalands þar
sem hann hóf hagfræðinám, en
breytti svo stefnu sinni og fluttist til
Bretlands þar sem hann nam við-
skiptafræði við Humberside Univers-
ity í Hull. Eftir það starfaði hann í
nokkur ár í bankageiranum í Lúxem-
borg, sem segja má að sé Mekka evr-
ópskra bankamanna en um 220 bank-
ar eru með starfsemi í borginni.
„Ég vann fyrst hjá þýskum bönk-
um í Lúxemborg og það var mjög
lærdómsríkt og meira en nóg að gera.
Þjóðverjar voru á þessum tíma ný-
búnir að breyta skattalögunum og
mikið fjármagn sem leitaði úr landi.“
Eftir það vann Ari um tíma hjá
bandarískri fjármálastofnun í Lúx-
emborg en flutti síðan til Þýskalands
þar sem hann vann við uppbyggingu
á dreifingu fjárfestingarsjóða innan
þýska bankakerfisins. „Þetta var
mjög krefjandi starf enda í fyrsta
skiptið sem slíkt var reynt þar í landi.
Fyrir rúmu ári var mér boðið starf
hér í Zürich hjá UBS við að byggja
upp sjóðadreifingarkerfið í Norður-
Evrópu. Ég ákvað að slá til enda var
uppbyggingin í Þýskalandi langt
komin og ró að myndast á því sviði.
Þetta var líka mjög spennandi tæki-
færi og fyrsta útrás UBS með sína
sjóði til landa eins og Hollands, Belg-
íu, Norðurlandanna og Eystrasalts-
ríkjanna. Ég get síðan ekki neitað því
að staðsetningin kitlaði þar sem ég er
forfallinn skíðamaður og nota hvert
tækifæri hér í Zürich til þess að skella
mér á skíði.“
Danska skattalöggjöfin
andsnúin útlendum sjóðum
Ari segir að UBS hafi þegar skráð
sjóði í Svíþjóð og er nú unnið að
skráningu á Íslandi, í Finnlandi og
Noregi. Ekki verður herjað á Dan-
mörku strax þar sem þær reglur sem
gilda þar í landi um fjárfestingar í er-
lendum sjóðum eru mjög andsnúnar
erlendum fjármálafyrirtækjum.
„Samkvæmt þeim þarf fólk að greiða
hærri skatta af beinni eign í erlend-
um sjóðum en innlendum. Hið sama
gildir í Belgíu. Þetta er í raun mis-
munun og ótrúlegt að hún skuli líðast
í Evrópusambandsríkjum.
UBS er í samstarfi við Fjárvernd
Verðbréfun á Íslandi og verða 15
sjóðir UBS skráðir hér til að byrja
með.
Að sögn Ara komu fulltrúar UBS
til Íslands í apríl sl. til viðræðna við ís-
lensk fjármálafyrirtæki um samstarf.
Upp úr því var ákveðið að ganga til
samninga við Fjárvernd en unnið var
að stofnun þess á þeim tíma. „Þeir
bjóða upp á einkabankaþjónustu líkt
og við gerum og stefna fyrirtækisins
fellur mjög vel að okkar.“
Auðvelt fyrir UBS að
hafa áhrif á krónuna
Ari segir að UBS muni ekki vera með
starfsstöð á Íslandi heldur hefur
Fjárvernd aðgang að þjónustu UBS
og annast vörslu fyrir félagið á Ís-
landi. Í upphafi verður boðið upp á 15
sjóði eins og áður var sagt en Fjár-
vernd getur nýtt þessa sjóði inn í þau
söfn sem þeir bjóða viðskiptavinum
sínum upp á.“
Aðspurður segir Ari að ekki hafi
verið tekin nein ákvörðun enn um að
fjárfesta á Íslandi enda væru ekki
mörg fyrirtæki á Íslandi af þeirri
stærðargráðu sem hentaði fjárfest-
ingarstefnu UBS. Hins vegar ef litið
er á íslenska fjárfestingarmöguleika
eru sum íslensk skuldabréf góð fjár-
festing þar sem þau eru gengistryggð
og með háum vöxtum. Síðan er þetta
alltaf spurning um áhrif á jafnlítinn
gjaldmiðil eins og krónuna. Banki
eins og UBS gæti haft veruleg áhrif á
gengi hennar ef um mikið innstreymi
eða útstreymi fjármagns væri að
ræða,“ segir Ari.
Svissneskir
sjóðir á Íslandi
Svissneski bankinn UBS er einn sá stærsti í
heimi. Meðal annars er hann stærsti einka-
banki í heimi. Guðrún Hálfdánardóttir kynnti sér
starfsemi bankans og ræddi við Ara Björnsson
sem hefur umsjón með uppbyggingu sjóða
UBS í Norður-Evrópu.
Morgunblaðið/Gúna
Ari Björnsson: Ég get ekki neitað því að staðsetningin kitlaði þar sem ég er forfall-
inn skíðamaður og nota hvert tækifæri hér í Zürich til þess að skella mér á skíði.
guna@mbl.is
W
W
W
.P
U
B
L
IC
IS
.D
K