Morgunblaðið - 15.11.2001, Blaðsíða 7

MORGUNBLAÐIÐ FIMMTUDAGUR 15. NÓVEMBER 2001 C 7










































































































NVIÐSKIPTI Skiptu út gamla
prentaranum fyrir nýjan
Það er staðreynd að engin keðja er sterkari en veikasti
hlekkurinn. Ef prentarinn þinn er veikasti hlekkurinn þá
hefur það áhrif á alla starfsemi fyrir tækisins. Opin
kerfi vilja gjarnan hjálpa þér að styrkja keðjuna með
því að bjóða þér hágæða HP geislaprentara sem
hentar fullkomlega þínu vinnuumhverfi. Við hjá Opnum
kerfum erum ekki tilfinningalaus og vitum að það er alltaf
sárt að missa gamlan félaga bótalaust. Því viljum við
bæta þér missinn og láta gamla prentarann ganga
upp í nýjan. Eina krafan sem við gerum er að gamli
prentarinn þinn, sama á hvaða aldri hann er, þyngd, eða
tegund, geti prentað út eina síðu. Þú verður einnig að vera
viljugur að fórna gamla prentaranum þínum fyrir nýjan
HP geislaprentara svarthvítan eða í lit. Á endanum
snýst allt um að vera með sterkustu keðjuna.
Dæmi um útskiptimöguleika:
• Upplausn 1200x1200 dpi m.v. hámarksgæði
• 16 MB RAM stækkanlegt í 256 MB RAM
• 24 bls. á mínútu
• 150.000 bls. mánaðarnotkun
• hp jetdirect innbyggt netkort
• 3 bakkar fyrir 1.100 bls. – mest 1.600 bls.
• fáanlegur í 4 útfærslum
Tilboðsverð kr.
232.000,- m. vsk.*
Verð m.v. útskiptingu 206.000,- m.vsk.
Hp LaserJet 4100tn
• hágæðaupplausn 600*600 dpi með
ImageRet 2400 upplausnarauka
• 16 bls. á mínútu í sv/hv. og 6 bls. í lit
• 128 MB RAM stækkanlegt í 192 MB
• sjálfvirk tvíhliðaprentun
• hp jetdirect innbyggt netkort
• 3 bakkar fyrir 900 bls.
• fáanlegur í 4 útfærslum
Tilboðsverð kr.
467.700,- m. vsk.*
Verð m.v. útskiptingu 386.000,- m.vsk.
Hp Color
LaserJet 4550dn
Ef þú kaupir HP LaserJet 4550dn
og skilar inn geislaprentara færð
þú 81.700 kr. fyrir hann m.vsk.**
Ef þú kaupir HP LaserJet 4100tn
og skilar inn geislaprentara færð þú
26.000 kr. fyrir hann m.vsk.**
Útskipti-tilboð gildir einnig fyrir aðra HP prentara eins og HP LaserJet 2200,
4100, 5000, 8150 og 9000 línuna. Ásamt HP Color LaserJet 4550 og 8550.
Allir HP prentarar geta prentað
út tákn fyrir evru-myntina.
* Verð miðast við gengi USD 07.11.01 (106,4) og er breytilegt.
** Uppítökuverð miðast við gengi DKK 07.11.01 (12,8) og er breytilegt. Hægt er
að skila inn bæði gömlum geisla- og bleksprautuprenturum, vörumerki skiptir ekki máli.
Söluaðilar:
Höfuðborgarsvæðið: AcoTæknival, EJS, HT&T, Opin kerfi
Landsbyggðin: Samhæfni, Snerpa, TRS, Tölvun, Tölvuþjónusta Austurlands, Tölvuþjónustan á Akranesi
N Á N A R I U P P L Ý S I N G A R Á W W W. O K . I S
Í ÞESSUM mánuði eru fimm ár
frá því Verðbréfastofan hf. var stofn-
uð og hefur Jafet S. Ólafsson stýrt fé-
laginu frá stofnun þess. „Ég hafði
unnið lengi í Iðnaðarbankanum og
síðar í Íslandsbanka, og svo í tvö ár á
Stöð 2. Ég hafði alltaf mikinn áhuga á
verðbréfamarkaðnum og skynjaði að
breytingar væru í nánd og að pláss
væri á markaðnum fyrir sjálfstætt og
óháð verðbréfafyrirtæki, sem ekki
stundaði útlánastarfsemi, væri lítið
eða ekkert í stöðutöku og væri ekki í
rekstri sjóða,“ segir Jafet um aðdrag-
anda stofnunar Verðbréfastofunnar.
Hann bætir því við að vegna þessa
geti Verðbréfastofan til dæmis selt í
sjóðum allra íslensku verðbréfafyrir-
tækjanna og bankanna.
Sjóðirnir sem Verðbréfastofan ein-
beitir sér að því að selja eru þó sjóðir
fyrirtækisins Carnegie, sem er með
stærstu verðbréfafyrirtækjum Norð-
urlanda og hefur starfsmenn í höf-
uðborgum allra þeirra nema Íslands,
en Verðbréfastofan er „augu og eyru
Carnegie á Íslandi“ eins og Jafet
orðar það, því fyrir utan að selja fjár-
festum sjóði fyrirtækisins bendir
Verðbréfastofan Carnegie á við-
skiptatækifæri hér á landi. Auk þessa
felur samningur Verðbréfastofunnar
og Carnegie í sér að Verðbréfastofan
hefur aðgang að bankaþjónustu
Carnegie í Lúxemborg og jafnframt
að greiningardeild fyrirtækisins, sem
Jafet segir mjög öfluga og þar starfi
90 manns.
„Við ákváðum í upphafi að hafa
eignarhald að Verðbréfastofunni
mjög dreift og að henni komu um 50
hluthafar þar sem allir áttu innan við
10% hlut, þannig að enginn gæti talist
hafa afgerandi áhrif á fyrirtækið. Við
fengum til liðs við okkur ágætis fjár-
festa og fyrirtæki sem hluthafa og
þeir hafa flestir beint viðskiptum sín-
um til fyrirtækisins og með það byrj-
uðum við hér þrjú í nóvember fyrir
fimm árum. Fljótlega bættust fleiri
við með góða reynslu af verðbréfa-
markaðnum og nú eru hér 13 starfs-
menn og við teljum það vera hæfilega
stærð af verðbréfafyrirtæki eins og
við viljum sjá það líta út. Við höfum í
sjálfu sér ekki metnað til að vera mik-
ið stærri en leggjum þess í stað
áherslu á að þjóna þeim viðskiptavin-
um vel sem við höfum,“ segir Jafet.
Spurður um sameiningarviðræður
við MP-verðbréf sem fram fóru í
sumar segir Jafet að þeim hafi lokið
þannig að ekki hafi orðið af samein-
ingu eftir að kannað hafi verið til hlít-
ar hvaða hagræðing kynni að felast í
henni. „Það má segja að vantað hafi
neistann til að af sameiningu þessara
fyrirtækja gæti orðið þó að með sam-
einingunni hefði getað náðst viss hag-
ræðing á sumum sviðum og ákveðin
sóknartækifæri hafi verið á öðrum,
því fyrirtækin eru nokkuð ólík að
uppbyggingu. En við eigum mjög
gott samstarf við MP-verðbréf í dag,“
segir Jafet og bætir því við að Verð-
bréfastofan og MP-verðbréf hafi ver-
ið einu óháðu verðbréfafyrirtækin á
landinu en nýlega hafi fyrirtækið
Fjárvernd bæst í hópinn.
Lána ekki en miðla lánum
Verðbréfastofan er verðbréfafyrir-
tæki en á fjármálamarkaðnum eru
starfandi fleiri tegundir af fjármála-
fyrirtækjum, svo sem fjárfestingar-
bankar. Jafet segir muninn á þessu
tvennu vera fólginn í því að fjárfest-
ingarbankar þurfi að hafa um fimm-
falt það eigið fé sem verðbréfafyrir-
tæki þurfi að hafa og Verðbréfa-
stofan, með rúmlega tvö hundruð
milljónir króna í eigin fé, sé aðeins
með rúmlega helming þess eigin fjár
sem þurfi til að stunda fjárfesting-
arbankastarfsemi. Þar að auki stundi
fjárfestingarbankar útlánastarfsemi
og henni fylgi útlánaáhætta sem
krefjist annars konar samsetningar
af starfsfólki. „Viðskiptabankarnir og
sparisjóðirnir sinna þessu hlutverki
ágætlega,“ segir Jafet, „og við sjáum
enga ástæðu til að fikra okkur inn á
þann markað. Við höfum alltaf þann
kost ef viðskiptamenn okkar leita eft-
ir lánum að hafa milligöngu um þau,
annaðhvort hjá innlendum eða er-
lendum lánastofnunum, og þetta höf-
um við gert.“
Jafet segir stjórn Verðbréfastof-
unnar hafa fjallað um það hvort
ástæða sé til að víkka út starfsemina,
til að mynda með rekstri eigin sjóða,
en hafi ævinlega komist að þeirri nið-
urstöðu að heppilegra sé að halda fyr-
irtækinu áfram svipuðu og það sé nú.
Ein skýringin sé sú að með því að
reka eigin sjóði verði ekki hjá því
komist að lenda í einhverri sam-
keppni við viðskiptavini sína. Stjórn-
arformaður frá upphafi hefur verið
Hilmar B. Baldursson, en auk hans
hafa Gunnar G. Schram og Stefán
Guðmundsson setið í stjórninni frá
byrjun.
Um 70% veltunnar í skuldabréfum
Stærstur hluti starfsemi Verðbréfa-
stofunnar segir Jafet að sé miðlun
verðbréfa, bæði hlutabréfa og
skuldabréfa. Menn haldi oft að þar
sem hlutabréfamarkaðurinn hafi ver-
ið erfiður að undanförnu hljóti að
vera samdráttur hjá þeim sem
stunda verðbréfamiðlun, en þá
gleymi menn skuldabréfamarkaðn-
um. Hann sé minna áberandi en
hlutabréfamarkaðurinn, en engu að
síður miklu stærri og hafi verið ágæt-
ur þó hlutabréfamarkaðurinn hafi
fallið og viðskipti með hlutabréf hafi
dregist saman. Hjá Verðbréfastof-
unni séu um 70% veltunnar í skulda-
bréfum, þar með talið húsbréfum, en
Verðbréfastofan kaupir og selur hús-
bréf og er með ýmiss konar þjónustu
sem tengist húsbréfum. Vegna þessa
háa hlutfalls skuldabréfa í veltu
Verðbréfastofunnar hefur velta fyr-
irtækisins aukist frá því í fyrra.
Þó verðbréfamiðlunin sé helsta
tekjumyndun Verðbréfastofunnar er
hún líka í ýmiss konar sérþjónustu á
borð við verðmat fyrirtækja og að-
stoð við samruna fyrirtækja. Þá segir
Jafet að iðulega sé leitað til fyrirtæk-
isins þegar menn vilji kaupa eða selja
hluti í lokuðum hlutafélögum en vilji
ekki að það fréttist hverjir standi á
bak við þær þreifingar eða tilboð sem
fram komi. Þá geti einmitt komið sér
vel að fyrirtækið sé óháð lánastofn-
unum.
Að lokum er Jafet spurður hverjar
helstu breytingarnar hafi verið á fjár-
málamarkaðnum frá því Verðbréfa-
stofan hóf störf og hvernig hann sjái
næstu ár fyrir sér. Hann segir
stærstu breytingarnar hafa verið
gríðarlegan vöxt í veltu á verðbréfa-
markaðnum, mikinn vöxt hjá Kaup-
þingi og samruna Íslandsbanka og
FBA. Þegar Verðbréfastofan hafi
hafið starfsemi sína hafi 28 fyrirtæki
verið skráð á Verðbréfaþingi, nú séu
þau 73 talsins.
Þær stóru breytingar sem líkleg-
astar séu í nánustu framtíð telur
hann að muni tengjast sparisjóðun-
um og því hvaða leið þeir kjósi að
fara, hvort þeir kjósi að breyta um
rekstrarform og sameinast, annað-
hvort innbyrðis eða einhverjum öðr-
um. Þá segir hann að það myndi setja
svip á fjármálamarkaðinn ef erlendur
banki yrði stór eignaraðili að Lands-
bankanum eða Búnaðarbankanum.
Hann segist hins vegar ekki sjá fyrir
sér að erlendur banki muni stofna
sérstakt útibú hér á landi, en bendir á
að mörg innlend fyrirtæki eigi í bein-
um viðskiptum við banka erlendis og
að hingað komi mjög reglulega er-
lendir bankamenn í leit að viðskipt-
um.
Mikill vöxtur
á markaðnum
Viðtal við Jafet S. Ólafsson, fram-
kvæmdastjóra Verðbréfastofunnar hf.
Morgunblaðið/Ásdís