Morgunblaðið - 23.01.2002, Page 11

FRÉTTIR
MORGUNBLAÐIÐ MIÐVIKUDAGUR 23. JANÚAR 2002 11
Með villisveppum og með skinku og beikoni.
Fyrir voru léttostar með grænmeti, með
sjávarréttum og hreinn léttostur.
Smurostarnir eru þægilegt, bragðgott álegg
og líka spennandi í ofnrétti, súpur og sósur.
Minni fita og færri hitaeiningar!
Tveir léttir!
Nýj
ung
VINSTRIHREYFINGIN – grænt
framboð hefur lagt fram á Alþingi
þingsályktunartillögu um að fram
fari þjóðaratkvæðagreiðsla um
framtíð hálendisins norðan Vatna-
jökuls samhliða sveitarstjórnar-
kosningunum í vor. Fyrsti flutn-
ingsmaður er Kolbrún Halldórs-
dóttir.
Samkvæmt tillögunni eiga kjós-
endur að geta valið milli tveggja
kosta. Annars vegar núverandi
áforma um Kárahnjúkavirkjun með
virkjun Jökulsár á Dal og Jökulsár í
Fljótsdal ásamt tilheyrandi stíflum,
vatnaflutningum, veitum og öðrum
tengdum framkvæmdum. Hins veg-
ar frestun ákvarðana um framtíð-
arnýtingu svæðisins þar til tekin
hafi verið afstaða til verndunar þess
og stofnunar þjóðgarðs með einu
stærsta ósnortna víðerni Evrópu.
Einnig liggi þá fyrir endanleg
rammaáætlun um nýtingu vatnsafls
og jarðvarma með flokkun virkjana-
kosta, stefnumótun um framtíðar-
skipan orkumála og áætlun um
orkunýtingu til lengri tíma. Kolbrún
sagði á blaðamannafundi í gær að
áform um Kárahnjúkavirkjun væru
mestu framkvæmdir sem ráðist
hefði verið í á Íslandi. Hún sagði að
ýmislegt væri enn óljóst í sambandi
við þessar framkvæmdir. Ekki
lægju enn fyrir fullnægjandi upp-
lýsingar um efnahagsleg áhrif virkj-
unarinnar og ekki lægi fyrir ítarleg
úttekt á áhrifum þess að setja upp
þjóðgarð á þessu svæði. Þá ætti eft-
ir að ljúka vinnu við gerð ramma-
áætlunar um nýtingu vatnsafls á Ís-
landi. Þessar framkvæmdir væru
mjög umdeildar og þess vegna væri
rétt að leggja þetta mál í dóm kjós-
enda. Slík atkvæðagreiðsla væri til
þess fallin að auka umræður um
þetta stóra mál og einnig myndi at-
kvæðagreiðslan efla lýðræði í land-
inu.
Steingrímur J. Sigfússon, formað-
ur Vinstrihreyfingarinnar, sagði að
flokkur sinn væri tilbúinn að taka
áhættu sem fylgdi því að leggja
þetta mál undir dóm kjósenda. Ef
meirihluti kjósenda lýsti yfir and-
stöðu við virkjanaáformin liti hann
svo á að í því fælust skilaboð um að
stjórnvöld ættu að leggja þessi
áform algerlega til hliðar. Hann
sagði flokkinn til viðræðu um tíma-
setningu atkvæðagreiðslunnar ef
menn óttuðust að atkvæðagreiðslan
skyggði á sveitarstjórnarkosning-
arnar. Það væri hins vegar hag-
kvæmt að gera þetta á sama tíma.
VG vill þjóðaratkvæði
um Kárahnjúkavirkjun
Morgunblaðið/Árni Sæberg
Kolbrún Halldórsdóttir er fyrsti flutningsmaður tillögunnar. Með henni
á myndinni er Ögmundur Jónasson, formaður þingflokksins, og Stein-
grímur J. Sigfússon, formaður Vinstri-grænna.
DR. INGÓLFUR Jo-
hannessen hefur verið
skipaður lektor í klín-
ískri veirufræði við
læknadeild Edin-
borgarháskóla í Skot-
landi. Edinborg-
arháskóli var
stofnaður 1583 og
læknadeild skólans á
rætur að rekja allt aft-
ur til 16. aldar enda
þótt hún hafi fyrst ver-
ið formlega við-
urkennd innan skólans
árið 1726. Ingólfur var
meðal fjögurra um-
sækjenda sem kepptu
að lokum um stöðuna.
Hann er nú annar tveggja íslenskra
kennara við læknadeild Edinborg-
arháskóla, en dr. Fanney Krist-
mundsdóttir er dósent í líffærafræði
við skólann og einn fjögurra vara-
forseta læknadeildarinnar.
Ingólfur lauk embættisprófi í
læknisfræði frá læknadeild Háskóla
Íslands árið 1992 og fór þegar að
námi loknu til framhaldsnáms við
læknadeild Lundúnaháskóla. Hann
lauk M.Sc.-prófi í sýklafræði frá
London School of Hygiene and
Tropical Medicine árið 1993. Hann
hóf doktorsnám í veirufræði við
sama skóla það haust undir leiðsögn
dr. Dorothy H. Crawford, prófess-
ors í sýklafræði, en doktors-
verkefnið fjallaði um samband
Epstein-Barr-herpesveirunnar og
eitlakrabbameins í
ónæmisbældum sjúk-
lingum. Ingólfur lauk
verkefninu og Ph.D.-
prófi í veirufræði árið
1997. Hann hafði þá
hlotið 5 ára rannsókn-
arstyrk frá bresku
Wellcome-stofnuninni
til framhaldsrann-
sókna á herpesveiru-
tengdu krabbameini
við læknadeild Edin-
borgarháskóla um
haustið sama ár og
hefur Ingólfur starfað
þar síðan.
Auk kennslu og
rannsókna við lækna-
deild Edinborgarháskóla veitir lekt-
orsstaða í klínískri veirufræði rétt-
indi til frekara framhaldsnáms í
greininni við háskólasjúkrahús
Edinborgar, Edinburgh Royal In-
firmary.
Í samtali við Morgunblaðið kvaðst
Ingólfur að vonum ánægður með
stöðuna en sagði að hún væri þó
ekki síst ávísun á þjálfun í jafnvæg-
islist þar sem það mundi sennilega
reyna töluvert á þolrifin að halda
utan um allt sem í starfinu felst. „En
lærifeðurnir í læknadeild háskólans
heima kenndu mér snemma að mað-
ur ætti að jafnaði að velja mestu tor-
færurnar og láta þannig á sig reyna.
Þetta heilræði hefur reynst mér vel
eins og annað veganesti úr Háskóla
Íslands.“
Lektor í veirufræði
við læknadeild
Edinborgarháskóla
Ingólfur
Johannessen
SKÚLI Guðmundsson,
verkfræðingur og fyrr-
verandi forstöðumaður
Framkvæmdasýslu
ríkisins, er látinn, 77
ára að aldri.
Skúli fæddist í
Reykjavík 25. mars
1924. Foreldrar hans
voru Guðmundur
Ágústsson frá Birt-
ingaholti og Ragnheiðir
Sigfúsdóttir Thoraren-
sen.
Skúli lauk stúdents-
prófi frá Menntaskól-
anum í Reykjavík 1943
og prófi í byggingaverkfræði frá
Danmarks Tekniske Höjskole 1950.
Hann vann við ýmis verkfræðistörf,
bæði innan lands og ut-
an, á árunum 1950–
1970, er hann réðst til
Framkvæmdasýslu
ríkisins. Þar starfaði
hann til 1993.
Skúli var lands-
þekktur íþróttamaður
og margfaldur Íslands-
meistari í hástökki.
Var hann m.a. fyrirliði
íslenska frjálsíþrótta-
landsliðsins, sem sigr-
aði Dani og Norðmenn
í Ósló 1951.
Skúli var kvæntur
Aðalbjörgu Björns-
dóttur, M.A. í dönsku, og eignuðust
þau 3 dætur, Ragnheiði, Margréti
Birnu og Erlu Björgu.
Andlát
SKÚLI
GUÐMUNDSSON
VEGAMÁLASTJÓRI segir upp-
lýsingar um sandburð á Öxnadals-
heiði sem gerðar voru að umtals-
efni í blaðinu í gær vegna atviks
þegar ökumaður hafði næstum
misst bíl sinn útaf í hálku þar sl.
laugardag, varla komnar af heima-
síðu Vegagerðarinnar. Þær hljóti
að vera af textavarpi annarra
miðla.
Sigríður Ingvarsdóttir alþingis-
maður gagnrýndi Vegagerðina fyr-
ir upplýsingar sem hún sagði hafa
verið á textavarpi um að Öxnadals-
heiði yrði sandborin og því fær eft-
ir hádegi sl. laugardag. Helgi Hall-
grímsson vegamálastjóri tjáði
Morgunblaðinu að hálka á þjóðveg-
um væri flokkuð í þrjá flokka;
hálkubletti, hálku og flughálku. Á
laugardag hefði Öxnadalsheiði ver-
ið talin hál og við slík skilyrði væri
hluti hennar sandborinn. Borið
væri í brekkurnar austast og vest-
ast í heiðinni, þ.e. Bakkasels-
brekku og brekkuna ofan við
Norðurárdal en þar hafði atvikið
gerst. Sagði hann ógerning að
sandbera allt vegakerfið þótt hálka
væri. Vegamálastjóri sagði hafa
verið sandborið að morgni laugar-
dags og hafa yrði í huga að þótt
borinn væri sandur á hálkukafla
væri það samt sem áður ekki full-
komin trygging á öryggi.
Vegamálastjóri sagði nokkuð
óljóst með hvaða hætti upplýsingar
hefðu borist þingmanninum um
sandburðinn. Þær hefðu þó varla
verið af vef Vegagerðarinnar þar
sem aðeins er tilgreint hvernig
ástand veganna er og hvort verið
sé að opna þá eða ekki. Þurfi veg-
farendur viðbótarupplýsingar sé
mögulegt að ræða við vegaeftirlits-
menn.
Frétt um sandburð á Öxnadalsheiði
Ekki af vef Vega-
gerðarinnar
STARFSMAÐUR verslunarinnar
Nanoq hælbrotnaði á laugardag er
hann féll sex metra úr klifursúlunni
framan við verslunina. Er þetta
fyrsta sinn sem slys verður við klifur í
súlunni frá því verslunin var opnuð
haustið 1999. Vinnueftirlitið var kvatt
á vettvang til að kanna súluna en
gerði engar athugasemdir við aðbún-
að eða frágang.
Að sögn Þorbjörns Stefánssonar,
framkvæmdastjóra Nanoq, mun slys-
ið rakið til þess að vinnureglum, sem
starfsmenn Nanoq eiga að fara eftir
við klifur í súlunni, var ekki hlýtt. Til-
drögin voru þau að starfsmaðurinn
var að fríklifra upp súluna til að koma
fyrir fjallalínu á toppi hennar áður en
Kringlugestir fengju að spreyta sig á
öruggan hátt í ofantryggingu. Starfs-
maðurinn aðgætti hins vegar ekki að
festa línuna með reglulegu millibili til
að tryggja eigið öryggi og lenti því á
gólfinu er hann missti tak.
Vinnuregla starfsmanna er sú að
festa línuna eftir 1,5 metra og síðan
með 1 metra millibili en það var ekki
gert að þessu sinni, að sögn Þor-
björns. Hann segir að hert verði á
vinnureglum starfsmanna við klifur-
súluna og framvegis verði fylgst mjög
náið með því að þeim verði hlýtt.
Starfsmaðurinn er þaulvanur klifr-
ari, bæði í ís og klettum.
Hælbrotnaði í klifur-
slysi við Nanoq