Morgunblaðið - 28.03.2002, Blaðsíða 42

FRÉTTIR
42 FIMMTUDAGUR 28. MARS 2002 MORGUNBLAÐIÐ
Auglýsing um sveinspróf
í matvælagreinum
Sveinspróf verða haldin í bakaraiðn, framreiðslu, kjötiðn
og matreiðslu 21.-24. maí 2002
í Hótel - og matvælaskólanum
í Kópavogi.
Umsóknarfrestur er til 1. maí nk.
Ekki verður tekið við umsóknum eftir þann tíma.
Upplýsingar um umsóknir eru veittar hjá
Fræðsluráði hótel- og matvælagreina,
Stórhöfða 31, 110 Reykjavík.
Sími 580 5254.
Fax 580 5255.
Hægt er að nálgast umsóknareyðublöð hjá
Fræðsluráðinu, Hótel- og matvælaskólanum í Kópavogi
og á heimasíðu Fræðsluráðs http://www.fhm.is
Með umsókn skal fylgja afrit af námssamningi og
brautskráningarskírteini eða námsferilsblað
iðnmenntaskóla.
Fræðsluráð hótel-
og matvælagreina.
PÁLL Agnar Þórarinsson hefur
tekið forystuna í áskorendaflokki á
Skákþingi Íslands eftir sigur gegn
Sigurbirni Björnssyni í fimmtu um-
ferð. Páll Agnar er með 4 vinninga. Í
opnum flokki eru þeir Kristján
Hreinsson og Björn Kafka efstir
með 4½ vinning. Staða efstu manna í
áskorendaflokki er þessi:
1. Páll Agnar Þórarinsson 4 v.
2.–4. Sigurbjörn J. Björnsson,
Sævar Bjarnason, Snorri G. Bergs-
son 3½ v.
5.–10. Róbert Harðarson, Davíð
Kjartansson, Ingvar Þór Jóhannes-
son, Sigurður Páll Steindórsson, Jón
Árni Halldórsson, Einar Kr. Einars-
son 3 v.
11.–12. Sigurður G. Daníelsson,
Birgir Berndsen 2½ v.
o.s.frv. Tuttugu skákmenn tefla í
áskorendaflokki. Eins og sjá má er
baráttan um efsta sætið hörð, línur
eiga ekki eftir að skýrarst fyrr en í
lokaumferðunum.
Í opnum flokki er staðan þessi:
1.–2. Kristján Hreinsson, Björn
Kafka 4½ v.
3. Anna Björg Þorgrímsdóttir 4 v.
4.–5. Viðar Másson, Aron Ingi Sig-
urðsson 3½ v.
6.–9. Arnljótur Sigurðsson, Karl
Steingrímsson, Sindri Guðjónsson,
Aðalsteinn Thorarensen 3 v.
10.–11. Stefán Daníel Jónsson,
Hjalti Andrason 2½ v.
o.s.frv. Alls tefla 22 skákmenn í
opnum flokki.
Tefldar eru 9 umferðir í áskor-
enda- og opnum flokki. Sjötta um-
ferð var tefld í gærkvöldi, en loka-
umferðirnar verða tefldar 27.–29.
mars og hefjast klukkan 14. Teflt er í
húsnæði Taflfélag Reykjavíkur,
Faxafeni 12. Áhorfendur eru vel-
komnir.
Spennandi lokaumferðir
á Melody Amber-mótinu
Þegar tvær umferðir eru eftir á
Melody Amber-skákmótinu eiga sex
af tólf keppendum enn möguleika á
að hreppa efsta sætið. Það er því
ljóst, að lokaumferðirnar verða
spennandi. Shirov stendur best að
vígi með 12 vinninga og hefur hálfum
vinningi meira en næstu fjórir kepp-
endur. Sérstaka athygli vekur að
Braingames-heimsmeistarinn
Kramnik er í áttunda sæti af 12
keppendum með 9 vinninga. Röð
keppenda: 1. Shirov 12 v., 2.–5. Bar-
eev, Ivanchuk Leko, Morozevich
11½ v., 6. Gelfand 11 v., 7. Topalov
9½ v., 8. Kramnik 9 v., 9. Piket 7 v.,
10. Almasi 6 v., 11. Ljubojevic 4 v.,
12. Van Wely 3½ v. Melody Amber-
mótið er einstakt að því leyti, að í
hverri umferð eru tefldar tvær skák-
ir, atskák og blindskák.
Gulko grátt leikinn
af tölvunum
Stórmeistarinn Boris Gulko, tvö-
faldur Bandaríkjameistari og skák-
meistari Sovétríkjanna 1975 atti
kappi við fjögur skákforrit í keppni
sem lauk nú í vikunni. Gulko tefldi
tvær skákir gegn hverju forriti, en
andstæðingarnir voru skákforritin
Junior, Shredder, Fritz og Hiarcs.
Gulko tapaði einvíginu 3–5. Sérstaka
athygli vakti tap Gulko gegn
Shredder í fjórðu skákinni þar sem
óverjandi mát blasti við Gulko eftir
25 leiki í kjölfar glæsilegrar sóknar
Shredder. Gulko náði reyndar að
koma fram hefndum í áttundu og síð-
ustu skákinni þegar hann sigraði
Shredder í 56 leikjum. Það var eina
sigurskák Gulko í keppninni. Um-
hugsunartíminn var 60 mínútur, en
10 sekúndur bættust við eftir hvern
leik.
Mig hættir hjá Kasparov
Kasparov hefur verið sterkasti
skákmaður heims í langan tíma, en
hefur ekki gengið eins vel utan skák-
borðsins. Vefsetur hans hefur nú
verið starfrækt um nokkurra ára
skeið. Fyrst var það rekið af löndum
Kasparovs og þótti aldrei glæsilegt,
en þó var það rekið af einlægni og
áhuga þeirra sem að því stóðu. Kasp-
arov þótt vegur þess ekki nógu mikill
og greip því til þess ráðs að fá til liðs
við sig starfsmenn undir forystu
Michael Greengard, sem reyndar er
þekktari undir nafninu Mig. Mig
varð fyrst þekktur sem pistlahöfund-
ur hjá Mark Crowther í The Week in
Chess.
Rekstur síðunnar var fluttur til
Ísrael. Á tímabili var heimasíða
Kasparovs mikið sótt af skákmönn-
um, en upp á síðkastið hafa gæðin
minnkað og áhugi skákmanna einnig
í kjölfarið. Nú hefur Mig verið sagt
upp störfum og því óljóst hvað verð-
ur um vefinn í framhaldinu, en hann
hefur ávallt verið fjárhagslegur
baggi á Kasparov.
Tveir Íslendingar á unglinga-
meistaramóti Noregs
Tveir af okkar efnilegustu skák-
mönnum, Dagur Arngrímsson og
Guðmundur Kjartansson taka þátt í
unglingameistaramóti Noregs í skák
sem haldið er í Ósló. Báðir hafa stað-
ið sig vel. Dagur Arngrímsson hefur
hlotið 4 vinninga í 6 skákum og er í
6.–12. sæti, hálfum vinningi á eftir
þeim fimm skákmönnum sem efstir
eru. Guðmundur Kjartansson er í
13.–18. sæti með 3½ vinning. Tefldar
verða sjö umferðir.
Íslandsmót grunnskólasveita –
stúlknaflokkur
Íslandsmót grunnskólasveita,
stúlknaflokkur, verður haldinn
sunnudaginn 7. apríl nk. í húsakynn-
um Skáksambands Íslands í Faxa-
feni 12, Reykjavík. Hver skóli má
senda margar sveitir. Sveitirnar
verða skipaðar fjórum keppendum
(auk varamanna). Mótið hefst kl. 13
og tefldar verða 7 umferðir, 2 x 15
mín. eftir Monrad-kerfi.
Skráning fer fram á skrifstofu
Skáksambands Íslands, sími 568
9141 kl. 10–13 virka daga, og með
tölvupósti: siks@simnet.is.
Íslandsmót
grunnskólasveita
Íslandsmót grunnskólasveita í
skák 2002 fer fram dagana 12.–14.
apríl n.k. í húsnæði Taflfélags
Reykjavíkur, Faxafeni 12, Reykja-
vík. Sigurvegari í þessari keppni
mun öðlast rétt til að tefla í Norð-
urlandamóti grunnskólasveita, sem
haldið verður í Finnlandi í haust.
Skáksamband Íslands mun veita
aðstoð við skipulagningu vegna
Norðurlandamótsins og greiða fyrir
einn fararstjóra, en fjármögnun er
að öðru leyti á ábyrgð viðkomandi
skóla. Nánari upplýsingar er hægt
að fá á skrifstofu Skáksambands Ís-
lands alla virka daga kl. 10–13 í síma
568 9141. Skráning fer fram í sama
síma og með tölvupósti: siks@sim-
net.is.
Íslandsmót stúlkna 2002
– einstaklingskeppni
Íslandsmót stúlkna (grunnskóla-
mót) fyrir árið 2002 verður haldið
sunnudaginn 20. apríl nk. í húsnæði
Skáksambands Íslands, Faxafeni 12,
Reykjavík. Mótið hefst kl. 13 og
verða tefldar 10 mínútna skákir.
Keppt verður í tveimur aldursflokk-
um, 12 ára og eldri og 11 ára og
yngri. Veitt verða verðlaun fyrir 3
efstu sætin í hvorum flokki.
Skráning fer fram hjá Skáksam-
bandi Íslands í síma 568 9141 og með
tölvupósti: siks@simnet.is.
Páll Agnar efstur í
áskorendaflokki
SKÁK
Taflfélag Reykjavíkur
SKÁKÞING ÍSLANDS
23.–31. mars 2002
Daði Örn Jónsson
SJÁLFBOÐALIÐASAMTÖK um
náttúruvernd efna til páskagöngu
laugardaginn 30. mars. Lagt verður
af stað frá strætisvagnaskýlinu í
Mjódd kl. 11. Gangan tekur 3–4 tíma
og eru allir velkomnir.
Páskaganga
FYRIRLESTUR verður á vegum
Félags þjóðfræðinga á Íslandi mið-
vikudaginn 3. apríl kl. 17.30 í stofu
101 í Lögbergi. Fyrirlesturinn held-
ur Emily Lyle frá Edinborgarhá-
skóla. Í fyrirlestrinum segir hún frá
hugmyndum sínum um forn tíma-
kerfi og árshátíðir. Emily Lyle hefur
kennt þjóðfræði við Edinborgarhá-
skóla síðan 1970. Hún er sérfræð-
ingur um skoskar ballöður og einn
tveggja ritstjóra Greig-Duncan Folk
Song Collection á Skotlandi. Hún er
einnig ritstjóri tímaritsins Cosmos,
segir í fréttatilkynningu.
Fyrirlestur
um forn tíma-
kerfi og
árshátíðir
NÁMSKEIÐ um samskipti við fjöl-
miðla verður haldið hjá Endur-
menntun Háskóla Íslands, Dunhaga
7, mánudaginn 11. og þriðjudaginn
12. apríl kl. 16-20.
Námskeiðið er ætlað öllum sem
þurfa að eiga samskipti við fólk hjá
fjölmiðlum og koma efni á framfæri
til umfjöllunar.
Farið verður yfir starfshætti á
fjölmiðlum, fjölmiðlatengsl og
grundvallaratriði við smíði fréttatil-
kynninga og skipulag á blaða-
mannafundum.
Einnig um framkomu í sjónvarpi
og hvernig undirbúa skal viðtöl í
ljósvakamiðlum, dagblöðum og
tímaritum. Umræður og verklegar
æfingar verða fyrir framan sjón-
varpsvél.
Kennari verður Sigrún Stefáns-
dóttir, forstöðumaður upplýsinga-
skrifstofu Norðurlandaráðs og Nor-
rænu ráðherranefndarinnar.
Verð er kr. 17.900. Frekari upp-
lýsingar eru á vefsetrinu www.end-
urmenntun.is. Skráning hjá Endur-
menntun HÍ í síma eða á netfangi:
endurmenntun@hi.is, segir í frétta-
tilkynningu.
Námskeið um sam-
skipti við fjölmiðla
KEPPNI framhaldsskólanemenda í
eðlisfræði lauk í 19. sinn um síðustu
helgi. Í forkeppninni 19. febrúar
kepptu samtals 135 nemendur í 10
skólum um allt land. 14 nemendur
voru svo boðaðir í úrslitakeppni í
Háskóla Íslands 16. og 17. mars.
Fimm þessara keppenda munu
keppa fyrir hönd Íslands á Ólymp-
íuleikunum í eðlisfræði sem fram
fara í Indónesíu 19.-30. júlí.
Eðlisfræðifélag Íslands og Félag
raungreinakennara standa að
Landskeppni í eðlisfræði sem fram
fer árlega til að efla raungreina-
áhuga framhaldsskólanemenda.
Félagar í Stigli, félagi eðlis- og
stærðfræðinema við Háskóla Ís-
lands, sem margir hafa keppt fyrir
Íslands hönd á Ólympíuleikunum í
eðlisfræði, sömdu verkefnin og fóru
yfir úrlausnirnar.
Tíu framhaldsskólar óskuðu að
fá að taka þátt og skiluðu þeir sam-
tals 135 úrlausnum. Að teknu tilliti
til árangurs í forkeppninni og ald-
urs keppenda voru 14 nemendur
boðaðir í úrslitakeppnina sem fram
fór í tveimur hlutum. Félagar í
Stigli sömdu fræðilega hlutann þar
sem glímt var við að setja upp jöfn-
ur í 6 dæmum úr aflfræði og rafseg-
ulfræði. Ari Ólafsson dósent og
nokkrir nemendur hans sömdu tvö
verkleg verkefni sem fjölluðu um
kastlengd kúlu og breytilega spólu.
Yngsti keppandinn í úr-
slitakeppninni kom frá Mennta-
skólanum í Hamrahlíð, Wing Wa
Yu, 17 ára nemandi í IB-námi (Int-
ernational Bachalaurum) og hefur
hann aðeins stundað nám á fram-
haldsskólastigi í þrjár annir. Af
keppendunum 14 í úrslitakeppninni
voru aðeins tvær stúlkur og er það
svipað og áður hefur verið og sama
hlutfall og raunin er á Ólympíu-
leikunum í eðlisfræði. Nemend-
urnir fjórir frá Menntaskólanum á
Akureyri stóðu sig frábærlega því
þeir náðu tveimur efstu sætunum í
úrslitakeppninni og komust allir í 5
manna lið Íslendinga til 33.
Ólympíuleikanna í eðlisfræði sem
haldnir verða í Bali í Indónesíu síð-
ari hluta júlímánaðar. Þeir munu
njóta þjálfunar í Háskóla Íslands
um fjögurra vikna skeið fyrir
keppnina. Það er Morgunblaðið
sem veitir bóka- og peningaverð-
laun fyrir góðan árangur í Lands-
keppni í eðlisfræði en mennta-
málaráðuneytið greiðir farar-
kostnað til Ólympíuleikanna.
19. landskeppnin í eðlisfræði
Menntaskólinn á Ak-
ureyri í efstu sætum
Í úrslitakeppninni tóku þátt sex nemendur frá Menntaskólanum í
Reykjavík, fjórir nemendur frá Menntaskólanum á Akureyri, tveir nem-
endur frá Menntaskólanum við Hamrahlíð og tveir nemendur frá Versl-
unarskóla Íslands. Þeir fengu allir bókagjöf fyrir góðan árangur í for-
keppninni en að auki fengu 5 efstu í úrslitakeppninni peningaverðlaun.