Morgunblaðið - 24.04.2002, Qupperneq 6

Ólafur Ragnar Grímsson, forseti Íslands, og Dorritt Moussaieff, unnusta hans, skoða sig um í Vetrarhöllinni í
Pétursborg. Þau standa hér við annað af tveimur málverkum eftir Ítalann Leonardo da Vinci sem þar eru.
Morgunblaðið/Skapti Hallgrímsson
OPINBER heimsókn Ólafs Ragnars
Grímssonar til Rússlands snerist
eingöngu um menningu og listir í
gær. Forsetinn er staddur í Péturs-
borg, þar sem opnuð var sýning um
ævi og störf Halldórs Laxness í
gærmorgun, daginn sem Nób-
elsskáldið hefði orðið 100 ára, og
tíminn eftir hádegi fór allur í að
skoða Vetrarhöllina, þar sem er að
finna eitthvert ótrúlegast listasafn
í heiminum og Sumarhöll Katrínar
miklu fyrir utan borgina, þar sem
einnig er mikið af listaverkum til
sýnis. Halldór Ásgrímsson utanrík-
isráðherra ræddi í gær við fulltrúa
rússneskra fyrirtækja, m.a. aðila í
áliðnaði, sem hafa áhuga á að fjár-
festa á Íslandi.
Í Vetrarhöllinni á bökkum árinn-
ar Neva er gríðarlegt safn lista-
verka og sagan segir að það taki
nokkur ár að ganga um safnið ef
stoppa ætti um það bil hálfa mínútu
við hvert listaverk. Þarna er m.a.
að finna tvö málverk eftir Leon-
ardo da Vinci, 25 myndir málaðar
af Rembrandt, – og raunar stærsta
safn verka hollenskra málara fyrir
utan Holland: höggmynd eftir
Michelangelo, nokkur málverk eft-
ir Van Gogh, Cézanne og fleiri
meistara.
Í Sumarhöll Katrínar miklu er
einnig mikið safn listaverka, en
ekki síður gefur þar að líta þann
gífurlega íburð sem einkenndi líf
heldra fólks á þessum árum.
Í gærkvöldi var síðan heimsótt
ein þeirra halla sem Yusupov-
fjölskyldan hélt til á sínum tíma, en
Rasputin var einmitt myrtur í höll-
inni sem íslenski hópurinn skoðaði í
gær. Þar var svo boðið upp á sýn-
ishorn rússneskra lista í einkaleik-
húsi fjölskyldunnar; ballett, óp-
erusöng og balalaika-spil sem vakti
mikla hrifningu gestanna.
Halldór Ásgímsson utanrík-
isráðherra eyddi deginum í gær í
fundarhöld með ýmsum aðilum í
Pétursborg. „Við hittum, í fyrsta
lagi, menn frá Russal sem hafa
áhuga á að reisa súrálsverkmiðju
fyrir norðan sem rætt var um við
iðnaðarráðuneytið á sínum tíma.
Þeir endurtóku þann áhuga sinn í
dag og hafa líka áhuga á að koma
að álveri á Austurlandi og vilja í
reynd byrja með sem minnstan
áfanga til að geta hafið fjárfest-
ingu sem fyrst. Þeim finnst bygg-
ing Kárahnjúkavirkjunar taka of
langan tíma. Þeir hefðu viljað byrja
með 120 þúsunda tonna áfanga og
við munum koma þessu á framfæri
við iðnaðarráðuneytið og nefndina
sem sérstaklega var skipuð til að
fjalla um þessi mál,“ sagði Halldór.
Halldór sagði að Rússunum væri
fullljóst að fulltrúar Alcoa hefðu
verið á Íslandi. „Við skýrðum út að
mikilvægt væri fyrir okkur að það
gæti orðið sem fyrst af þessum
framkvæmdum og að tímaáætlunin
sem við höfðum samið um við
Norsk Hydro hefði raskast. Um
þetta er í sjálfu sér ekki annað að
segja nú en þetta verður að metast
af nefndinni sem skipuð var til að
fjalla um þessi mál.“
Hafa áhuga á frekara
samstarfi við Íslendinga
Halldór og embættismenn úr ut-
anríkisráðuneyti áttu, í öðru lagi,
fund með efnahagsmálaráðuneyt-
inu í Pétursborg um hugsanlegan
samstarfsvettvang. „Þar kom skýrt
fram að konsúlar okkar hér njóta
mikils trausts, þeir Björgólfur
Thor Björgólfsson og Magnús Þor-
steinsson, og ekki síst vegna þess
er áhugi fyrir því að vinna frekar
með íslenskum aðilum. Björgúlfur
og Magnús hafa verið að huga að
tækifærum hér ásamt sendiráðinu í
Moskvu og í því sambandi hefur
einkum verið talað um fiskvinnslu,
lyfjaiðnað, upplýsingaiðnað og
jafnvel mjólkuriðnað og kjúklinga-
iðnað ásamt ferðaþjónustu en við
ákváðum að setja upp ráðstefnu
milli Íslands og Pétursborgar, ann-
aðhvort hér eða heima, þar sem
farið yrði betur yfir þessi tæki-
færi.“
Halldór sagði vitaskuld ekki ljóst
hvort eitthvað yrði af þeim við-
skiptahugmyndum sem ræddar
voru. „Það er eins og gengur með
allt; ekki er hægt að segja á þessu
stigi hvort af einhverju verður en
hér eru ýmis tækifæri og ef okkur
tekst að ljúka við tvískött-
unarsamninginn við Rússa og
samning um vernd fjárfestinga, og
þær tollalækkanir, sérstaklega á
sjávarafurðum sem tengjast aðild
þeirra að Alþjóðaviðskiptastofn-
uninni, WTO. Vonast er til að þeir
geti orðið aðilar að WTO á næsta
ári, 2003, og við höfum stutt það.
Pútín [forseti Rússlands] leggur
áherslu á að Rússland verði full-
gildur aðili að alþjóðlegum við-
skiptum, hér er verið að einkavæða
mörg fyrirtæki til að koma á sam-
keppni og við að stórauka sam-
vinnu við ESB, og það er ljóst að
samvinna Íslands og Rússlands í
framtíðinni byggist á því að við
séum aðilar að öllum mörkuðum,
ekki síst Evrópusamstarfinu,“
sagði Halldór Ásgrímsson utanrík-
isráðherra við Morgunblaðið.
Forseti Íslands og fylgdarlið skoðuðu Vetrarhöllina í Pétursborg
Utanríkis-
ráðherra
ræddi við
fjárfesta í
áliðnaði
Pétursborg. Morgunblaðið.
FRÉTTIR
6 MIÐVIKUDAGUR 24. APRÍL 2002 MORGUNBLAÐIÐ
JÓN Kristjánsson heilbrigðisráð-
herra segist sammála því sem kemur
fram í stjórnsýsluendurskoðun Rík-
isendurskoðunar, að skilgreina þurfi
betur hlutverk sjúkraþjálfunar í
heilbrigðiskerfinu svo að slíkt hlut-
verk haldist í hendur við opinber
markmið í heilbrigðismálum. Heil-
brigðisráðherra segir að í ráðuneyt-
inu sé unnið að þessum málum af
fullum krafti og muni reglugerð, sem
sett verður í kjölfar laga um breyt-
ingu á lögum um almannatryggingar
sem liggur fyrir Alþingi, endur-
spegla þá afstöðu, ef frumvarpið
verður samþykkt.
„Ég er sammála því að það [hlut-
verkið] þurfi að vera sem best skil-
greint, en ég er almennt þeirrar
skoðunar að hlutverk sjúkraþjálfun-
ar sé mjög mikið í heilbrigðiskerfinu
og fari vaxandi,“ segir Jón.
Umrædd lagabreyting miðar að
því að fella út ákvæði 33. gr. al-
mannatryggingalaga þess efnis að
veita skuli styrki til sjúkraþjálfunar
vegna afleiðinga alvarlegra sjúk-
dóma eða slysa en í reglugerðinni
verður kveðið á um hvaða tilfelli
skuli endurgreidd.
Sjúkraþjálfarar á ríkis-
stofnunum greiði leigu
Í skýrslu Ríkisendurskoðunar er
vakin athygli á því að sjúkraþjálfar-
ar á stofnunum ríkisins greiði mun
lægra hlutfall af rekstrarkostnaði
fyrir aðstöðu sína en sjálfstætt starf-
andi sjúkraþjálfarar. Eru dæmi um
að sjúkraþjálfarar á vegum ríkisins
greiði ekkert fyrir aðstöðuna. Þrátt
fyrir þetta sé greiðsla Trygginga-
stofnunar til þeirra sem þessa að-
stöðu hafa sú sama og til þeirra sem
reka sjálfir sínar eigin sjúkraþjálf-
unarstofur. „Sjálfstætt starfandi
sjúkraþjálfarar kærðu þetta til sam-
keppnisstofnunar sem taldi ekki
ástæðu til aðgerða út frá samkeppn-
issjónarmiðum,“ segir Jón. „Hins
vegar er ég þeirrar skoðunar að
meginreglan eigi að vera sú að menn
greiði leigu,“ segir Jón og segir það
vera stefnu ráðuneytisins hvað þetta
varðar en segir aðspurður að þessi
afstaða verði ekki bundin í umrædda
reglugerð.
Skilgreina þarf betur
hlutverk sjúkraþjálfunar
Jón Kristjánsson heilbrigðisráðherra
um skýrslu Ríkisendurskoðunar
SIGLINGASTOFNUN Ís-
lands er að taka í notkun nýtt
tölvukerfi fyrir skipaskrá og
lögskráningu sjómanna og
verður af þeim sökum lokað
fyrir breytingar þar að lútandi í
tölvukerfinu frá kvöldinu í
kvöld og fram til mánudagsins
29. apríl þegar nýtt tölvukerfi
leysir þau eldri af hólmi.
„Útgerðaraðilar sem þurfa
að lögskrá eða fá útgefin skips-
skjöl eru vinsamlegast beðnir
um að gera það miðvikudaginn
24. apríl eða mánudaginn 29.
apríl. Ef nauðsynlegt reynist að
lögskrá eða fá útgefin skips-
skjöl föstudaginn 26. apríl eru
menn beðnir um að hafa sam-
band við Siglingastofnun Ís-
lands sem gera mun nauðsyn-
legar ráðstafanir. Allar nánari
upplýsingar eru veittar hjá
Siglingastofnun Íslands í síma
560 0000,“ segir í tilkynningu
frá Siglingastofnun.
Nýtt tölvu-
kerfi fyrir
skipaskrá
og lög-
skráningu
ÖSSUR Skarphéðinsson, formaður
Samfylkingarinnar, segist enn vera
þeirrar skoðunar að uppbygging
lyfjaþróunarfyrirtækis á Íslandi sé
mjög áhugaverð, þótt vissulega sé
mikil áhætta í því fólgin að veita 20
milljarða króna ríkisábyrgð til handa
Íslenskri erfðagreiningu. Össur segir
skoðanir innan síns flokks vera skipt-
ar til frumvarps um ríkisábyrgðina
og að við fyrirhugaða atkvæða-
greiðslu á Alþingi í dag muni hann
sitja hjá. Ekki sé tekin flokksleg af-
staða til málsins en Samfylkingin
muni þó ekki beita málþófi til að
koma í veg fyrir að frumvarpið verði
afgreitt á síðasta degi þingsins.
Össur hefur ásamt Jóhönnu Sig-
urðardóttur, samflokkskonu sinni í
minnihluta efnahags- og viðskipta-
nefndar Alþingis, skilað séráliti þar
sem fram kemur ákveðin gagnrýni á
ríkisábyrgðina. Við aðra umræðu á
Alþingi í gær um ríkisábyrgðarfrum-
varpið mælti Jóhanna fyrir nefndar-
áliti þeirra Össurar og sagðist hún
ætla að greiða atkvæði gegn frum-
varpinu.
Í Morgunblaðinu 10. apríl sl. var
haft eftir Össuri að hann legðist ekki
gegn málinu og ætlaði að styðja að Ís-
lensk erfðagreining fengi ríkis-
ábyrgðina þó að því fylgdi ákveðin
áhætta. Við fyrstu umræðu um frum-
varp fjármálaráðherra um ríkis-
ábyrgðina sagði Össur meðal annars:
„Auðvitað er það svo að þetta mál
þarf að skoða vel og brjóta til mergj-
ar en ég vil segja það alveg skýrt að á
þessu stigi er málið þannig vaxið að
Samfylkingin mun ekki bregða fæti
fyrir afgreiðslu þess.“
Áhættumat liggur ekki fyrir
Spurður hvort afstaða hans til
málsins hefði breyst á undanförnum
dögum sagði Össur við Morgunblaðið
í gær svo ekki vera í grundvallarat-
riðum.
„Þetta mál hefur orðið því um-
deildara í okkar hópi sem menn hafa
skoðað það betur. Fá mál hafa menn
brotið til mergjar eins og þetta. Til að
hægt sé að taka áhættu verða menn
að vita í hverju hún felst, hversu mikil
hún er og hafa mat á áhættunni. Ég
hef mikla trú á Íslenskri erfðagrein-
ingu og mikla trú á þessari nýju
tækni. En ég er samferða þeim fé-
lögum mínum sem ætla að sitja hjá
við afgreiðslu þessa máls, vegna þess
grundvallaratriðis að áhættumat
liggur ekki fyrir. Verkefnið er sann-
arlega spennandi, menn vilja taka
áhættu til að byggja upp stóriðju á
sviði þekkingariðnaðar en það er
mjög erfitt ef menn vita ekki hver
áhættan er,“ sagði Össur.
Össur Skarphéðinsson um frumvarp
um ríkisábyrgð til handa ÍE
Ætlar að sitja
hjá við at-
kvæðagreiðslu
VEGAGERÐIN hefur ákveðið að
gera tilraun með veitingu viður-
kenningar fyrir gerð vegamann-
virkja, landmótun og frágang.
Fram kemur í nýju tölublaði
Vegamála að til álita komi fullgerð
umferðarmannvirki og landmót-
unarverkefni sem lokið hafi verið
á árabilinu 1999–2001, en tilgang-
urinn sé að efla vitund um útlit og
frágang mannvirkja meðal starfs-
manna og verktaka Vegagerðar-
innar og stuðla að umræðu þar
um. Staðið verður þannig að til-
nefningum að hver umhverfis-
nefnd tilnefnir 2–5 mannvirki úr
sínu umdæmi og skal rökstyðja
tilnefninguna.
Viðurkenning fyr-
ir vegamannvirki