Morgunblaðið - 24.04.2002, Qupperneq 60

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MIÐVIKUDAGUR 24. APRÍL 2002 VERÐ Í LAUSASÖLU 190 KR. MEÐ VSK.
AÐGERÐAÁÆTLUN milli Fjárfestingarstof-
unnar og Alcoa, stærsta álfyrirtækis heims, var
undirrituð 19. apríl síðastliðinn að lokinni heim-
sókn fulltrúa fyrirtækisins hingað til lands til að
kynna sér hugmyndir um byggingu álvers á Reyð-
arfirði. Í áætluninni heitir Alcoa því að hafa lokið
fyrstu hagkvæmniathugun eigi síðar en 24. maí
nk. og verði niðurstaðan jákvæð muni viljayfirlýs-
ing verða undirrituð um frekari viðræður milli Al-
coa, íslenskra stjórnvalda og Landsvirkjunar. Páll
Magnússon, stjórnarformaður Fjárfestingarstofu,
segir að tímasetningar í plagginu sýni vilja manna
til þess að halda þær tímaáætlanir sem gerðar hafi
verið í Noral-verkefninu.
Áætlunin, sem Morgunblaðið hefur afrit af kall-
ast á ensku „Joint Action Plan“, er undirrituð af
tveimur fulltrúum Fjárfestingarstofunnar, þeim
Páli Magnússyni, stjórnarformanni og aðstoðar-
manni iðnaðarráðherra, og Jóhanni Má Maríus-
syni, stjórnarmanni og aðstoðarforstjóra Lands-
virkjunar, og tveimur háttsettum stjórnendum
Alcoa, þeim Alan C. Renken og Bernt Reitan. Í að-
gerðaáætluninni kemur m.a. fram að Alcoa hafi
áhuga á að auka möguleika sína á frumvinnslu áls,
auk þess sem fyrirtækið hafi trú á að sambland
vatnsorkuvers á borð við Kárahnjúkavirkjun og
álvers eins og fyrirhugað sé á Reyðarfirði gæti
verið áhugavert. Meðal þess sem segir í áætlun-
inni, í lauslegri þýðingu, er að Fjárfestingarstof-
an, ásamt eigendum hennar, og Alcoa hafi byrjað
könnunarviðræður um þann möguleika að Alcoa
fjárfesti í álveri á Íslandi. Aðilar muni meta kosti
verkefnisins og aðra tengda þætti til að koma ál-
verinu af stað. Aðilarnir ætla einnig að meta
möguleika og leiðir til að taka yfir þá vinnu sem
þegar hefur farið fram um uppbyggingu stóriðju á
Austurlandi og taka upp viðræður við Landsvirkj-
un um afhendingu orku til álvers eigi síðar en árið
2006, jafnvel fyrr. Í áætluninni er einnig talað um
að fara að vinna að uppkasti viljayfirlýsingar, sem
yrði tilbúin ef hagkvæmniathugun Alcoa leiðir til
frekari áhuga fyrirtækisins.
Fjárfestingarstofan lofar því einnig, samkvæmt
áætluninni, að eiga ekki sambærilegar viðræður
við önnur álfyrirtæki á meðan Alcoa vinnur að
sinni hagkvæmniathugun, nema þá með samþykki
Alcoa. Undir lok aðgerðaáætlunarinnar kemur
fram að verði viljayfirlýsing undirrituð í framhald-
inu þá sé gildistími hennar sjö vikur. Að þeim tíma
loknum muni samningsaðilar hittast eftir að hafa
lagt verkefnið fyrir stjórnir fyrirtækjanna.
Engin fyrirheit um niðurstöðu
Páll Magnússon sagði að það hefði verið sameig-
inlegt mat þessara aðila að rétt væri að setja sér
þessa aðgerðaráætlun um það hvernig staðið yrði
að þessari vinnu næstu vikurnar. Það væri áhugi
beggja aðila fyrir því að vinna hratt að málinu, en
auðvitað væru ekki í þessu falin nein fyrirheit um
niðurstöðuna. „Þetta staðfestir auðvitað það að
þeir ætla sér að skoða málið og gera það hratt og
fara í rauninni ofan í alla þætti þess,“ sagði Páll.
Hann sagði aðspurður að óhætt væri að segja að
þessar viðræður hefðu gengið vel og ekki hefði
verið hægt að vænta miklu meira af þessum fyrstu
viðræðum. „Þessar tímasetningar sem eru í plagg-
inu sýna vilja manna til þess að halda þær tíma-
áætlanir sem settar hafa verið í Noral-verkefn-
inu,“ sagði Páll ennfremur.
Aðgerðaáætlun milli Alcoa og Fjárfestingarstofunnar undirrituð
Hagkvæmniathugun á
að vera lokið í maílok
EFNT var til hátíðahalda víða um
land í gær í tilefni af því að öld var
liðin frá fæðingu Halldórs Laxness,
hinn 23. apríl árið 1902. Rithöf-
undasambandið efndi m.a. til Lax-
ness-boðhlaups frá fæðingarstað
Halldórs á Laugavegi 32 að Gljúfra-
steini. Um þrjátíu rithöfundar af
eldri og yngri kynslóð tóku þátt í
hlaupinu. Hér má sjá vaskan hópinn
renna í hlað í Mosfellsdalnum. Höf-
undarnir voru vel búnir í rigning-
unni, ekki síst Sjón, sem hljóp í
skjóli frakka og sixpensara.
Morgunblaðið/Golli
Boðhlaup
að Gljúfra-
steini

Aldarafmæli/30–31
FORSTJÓRI Skráningarstofunnar
hf. telur að um 10–20.000 bílar séu
óskoðaðir á Íslandi á hverjum tíma.
Hlutfall óskoðaðra bíla í umferðinni
á Íslandi er samkvæmt því 6–13%.
Skráningarstofan hf. heldur bif-
reiðaskrá þar sem m.a. sést hvaða
bílar hafa verið skoðaðir. Í hverjum
mánuði er útbúinn svonefndur
„skróplisti“ þar sem fram kemur
hvaða bílar hafa ekki mætt til skoð-
unar á tilskildum tíma og er sá listi
sendur viðeigandi lögregluembætt-
um og til skoðunarstöðva.
Karl Ragnars, forstjóri Skráning-
arstofunnar, telur að á hverjum tíma
séu um 10–20.000 óskoðaðir bílar í
umferð. Alls eru bifreiðar um
150.000 á Íslandi þannig að hlutfall
óskoðaðra bíla er um 6–13%. Hann
segir að bílaeigendur trassi það
stundum í marga mánuði að koma
með bílana í skoðun. „Það er gjarnan
þannig að bílarnir sem eru í versta
ástandinu koma síðast í skoðun,“
segir Karl. Hann telur ástandið hér á
landi verra en í nágrannalöndunum.
Eftirlitið með því að bílar séu
skoðaðir sé ekki öflugt, og því sé í
raun og veru lítil hætta á sektum þó
fólk færi ekki bíla sína til skoðunar.
Eftirlit með því að bílar séu færðir
til skoðunar er ekki í höndum Skrán-
ingarstofu heldur lögregluembætta
um allt land. Þorgrímur Guðmunds-
son, aðalvarðstjóri umferðardeildar
lögreglunnar í Reykjavík, segir að
eftirlitinu sé sinnt samhliða öðrum
verkefnum lögreglu. „Það gengur
misvel að hafa uppi á þessum bílum
og það eru án efa fjölmargir sem eru
óskoðaðir. En það eru líka fjölmargir
sem eru boðaðir í skoðun,“ segir
hann. Spurður hvort eftirlitið þyrfti
að vera öflugra sagði hann óhætt að
segja það, alltaf mætti gera betur.
Stundum gæfist lítill tími til þess
vegna annarra verkefna.
10–20.000 óskoðaðar
bifreiðar í umferðinni
STÆRRI hluti sjúklinga sem
liggja á Landspítala þarf á
meiri umönnun að halda nú en á
sama tíma í fyrra. Að meðaltali
hefur svokallaður bráðleiki á
spítalanum hækkað um 2,2%.
Landspítalinn styðst við alþjóð-
legt sjúklingaflokkunarkerfi
sem hann hefur yfir að ráða.
Byggt er á svörum sem gefin
eru daglega, en kerfið raðar
síðan hverjum sjúklingi í einn
af sex flokkum. Sem dæmi er
umönnunarþörf sjúklinga í
flokki I innan við 4 klst. á sólar-
hring, í flokki III er umönnun-
arþörfin 7–10 klst. á sólarhring
en í flokki VI yfir 20 klst.
Legutími styttist
Kerfið umreiknar niðurstöð-
urnar í stuðul sem kallaður er
bráðleiki. Þessi stuðull hefur
hækkað jafnt og þétt á síðustu
árum í takt við styttri meðal-
legutíma og flóknari meðferð-
arúrræði á spítalanum. Þegar
dreifing sjúklinga í flokka I–VI
er skoðuð kemur í ljós hlutfalls-
leg fækkun sjúklinga í flokki I
en fjölgun í öllum öðrum flokk-
um. Að meðaltali hækkar bráð-
leikinn á spítalanum á fyrsta
ársfjórðungi um 2,2% miðað við
sama tíma í fyrra.
Legudögum á sólarhrings-
deildum fækkaði einnig áfram,
um 7,8% á fyrsta ársfjórðungi,
en á dagdeildum stóðu þeir í
stað.
Sjúklingar
þurfa meiri
umönnun
en áður
ÁRSFUNDUR Lífeyrissjóðsins Ein-
ingar felldi í gær tillögur Óttars
Yngvasonar sjóðfélaga um breyting-
ar á samþykktum sjóðsins. Alls lagði
Óttar fimm tillögur fyrir fundinn sem
miðuðu að því að stjórn sjóðsins yrði
hjá eigendum hans en ekki í höndum
Kaupþings sem er rekstraraðili hans,
enda væru ýmis atriði í samþykktum
sjóðsins ekki í samræmi við megin-
reglur laga um lífeyrissjóði. Kosið var
um breytingartillögurnar með skrif-
legri kosningu á fundinum í gær og
voru þær allar felldar með miklum
meirihluta atkvæða.
Engu breytt
hjá Einingu

Allar tillögur / 20