Morgunblaðið - 14.05.2002, Qupperneq 14

HÖFUÐBORGARSVÆÐIÐ
14 ÞRIÐJUDAGUR 14. MAÍ 2002 MORGUNBLAÐIÐ
VANDAMÁL hafa komið upp
með frárennsli frá salernum í
um 25% húsa í Molduhrauni í
Garðabæ og virðist pottur
víða brotinn í frárennsliskerfi
svæðisins. Þetta kemur fram í
nýrri skýrslu verkfræðistof-
unnar Línuhönnunar.
Úttektin var gerð að beiðni
bæjarverkfræðingsins í
Garðabæ en með henni átti að
kanna ástand rotþróakerfis,
olíu- og sandgildrukerfis og
regnvatnskerfis í Moldu-
hrauni sem er almennt iðn-
aðar- og þjónustusvæði. Kem-
ur fram í skýrslunni að farið
hafi verið í 28 fyrirtæki í 20
húsum og rætt við húseigend-
ur eða rekstraraðila.
Niðurstöður könnunarinn-
ar urðu þær að af 20 húsum
var ekkert athugavert með
frárennsli í átta sem eru um
40%. Í fimm húsum eða 25%
höfðu komið upp einhvers-
konar vandamál með frá-
rennsli frá salernum. „Þetta
lýsti sér með því að það
hækkaði í salernisskálum
vegna tregðu í frárennsli. Í
tveimur tilfellum hafði flætt
upp úr rotþróm,“ segir í
skýrslunni. Þá segir að í einu
húsi hafi það komið fyrir að
ekki rann niður úr gólfniður-
föllum innandyra.
40% regnvatnsniður-
falla stífluð
Sé litið til regnvatnsniður-
falla utandyra þá hafði það
komið fyrir í 8 húsum eða
40% tilfella að niðurföllin
stífluðust. „Þetta veldur því
að á plönum myndast jafnvel
mjög stórar tjarnir sem valda
vandræðum og orsaka hættu
fyrir umferð,“ segir í skýrsl-
unni. Þá er það tilgreint að í
þremur húsum eða 15% til-
fella hafði komið upp tregða í
púkki fyrir fyrir bakrennslis-
vatn hitaveitu og virtist það
vera vandamál í einu húsi í
dag. Ástand niðurfalla í götu-
kanti Suðurhrauns og hluta
Miðhrauns var einnig kannað
og reyndust um 28% þeirra
eða 7 af 25 vera stífluð.
Í skýrslunni eru tilgreindar
þrjár ástæður sem eru taldar
helstar fyrir tregðu í frá-
rennsli frá salernum. Eru þar
nefndir aðskotahlutir og
óhreinindi frá byggingartíma,
að útloftun á rotþró sé ekki
nægjanleg og að vatnsstaða í
rotþró sé of há eða að vatn
standi í lagnakerfi.
Í niðurlagi skýrslunnar
segir að þar sem vandamál er
með rotþrær í hverfinu skapi
það viðkomandi fyrirtækjum
rekstrarvanda og setji þeim
ákveðnar skorður. Segir að
eðlilegt sé að eigendur þeirra
kerfa, þar sem komið hafa
upp vandamál, kanni á fagleg-
an hátt ástand sinna eigna en
rotþrær, sand- og olíuskiljur
auk lagnakerfa eru í eigu hús-
eigenda. Tæming rotþróa er
hins vegar á höndum Garða-
bæjar. Er í skýrslunni talið
rétt að Garðabær fari nánar
yfir forsendur þær sem liggja
að baki rotþróarvæðingu
hverfisins og kanni í því sam-
bandi stöðu grunnvatnsmála
sérstaklega.
Tengjast skolplagnakerfi
Hafnarfjarðar
Að sögn Guðfinnu B. Krist-
jánsdóttur, upplýsingastjóra
Garðabæjar, hefur bæjarráð
tekið vel í þá hugmynd bæj-
arverkfræðings að byggingu
dælustöðvar fyrir hverfið
verði flýtt og það tengt skolp-
lagnakerfinu í Hafnarfirði.
Segir hún það í samræmi við
samning sem bæjarfélögin
gerðu sín á milli þegar þau
höfðu makaskipti á lands-
svæðum árið 1992. Þá hafi
Garðabær fengið Moldu-
hraunið en Hafnarfjörður
fengið hluta af Setbergsland-
inu í staðinn.
Verði ráðist í þessar að-
gerðir verða rotþrærnar
teknar úr notkun að sögn
Guðfinnu og á vandamálið
hvað þær varðar að verða úr
sögunni þar með. Hins vegar
fer regnvatnið ennþá sömu
leið og til að koma í veg fyrir
vandamál því tengt segir hún
þurfa að gera grjótsvelgi
kring um niðurföllin og losa
um hraunklöppina til að
greiða fyrir regnvatninu. Það
hafi verið gert á nokkrum
stöðum með góðum árangri
en þessar framkvæmdir séu á
ábyrgð lóðarhafa.
Ekki liggur fyrir kostnað-
aráætlun vegna fram-
kvæmdanna en á fundi bæj-
arráðs í síðustu viku var
bæjarverkfæðingi falið að
gera drög að bréfi til húseig-
enda í Molduhrauni þar sem
hugsanlegar lausnir á frá-
rennslismálum í hverfinu
verða kynntar. Það bréf á að
sögn Guðfinnu eftir að fara
fyrir bæjarráð áður en það
verður sent húseigendum.
Tregða í frárennsli
í Molduhrauni
Í athugun að flýta byggingu dælustöðvar
samkvæmt upplýsingum bæjarins









 




 ! " #

  





!
Garðabær
ÞAÐ vantaði ekki nákvæmn-
ina hjá löggunum sem tóku
út hjólhesta og annan hjól-
reiðaútbúnað krakkanna í
Grafarvogi síðastliðinn laug-
ardag en þá var hjóladagur
fjölskyldunnar haldinn með
pomp og prakt í hverfinu.
Alda Baldvinsdóttir lög-
regluþjónn skoðaði meðal
annars hjól og hjálm Hrafn-
hildar Snæbjörnsdóttur og
hjálpaði til við að stilla allar
reimar þannig að sem best
færi.
Að skoðun lokinni var hjól-
að eftir göngu- og hjólastígum
í Grafarvoginum og á enda-
stöðinni neðan við byggðina í
Staðahverfi gæddu hjóla-
garparnir sér á grilluðum
pulsum og öðru góðgæti. Þá
voru leikir í boði fyrir alla
fjölskylduna og hjólaþrauta-
brautir sem hægt var að
spreyta sig á. Það var Gufu-
nesbær í samstarfi við Mið-
garð sem stóð fyrir deginum.
Morgunblaðið/Kristinn
Hjól og hjálmar skoðaðir
Grafarvogur
STEFNT er að því að gera
gönguleið yfir Baugshlíð
gegnt Lágafellsskóla í sumar
en útlit er fyrir að umferð um
götuna aukist verulega í haust
þegar hún tengist Vestur-
landsveginum. Bæjarverk-
fræðingur á von á því að upp-
hækkuðum gangbrautum
verði komið fyrir á tveimur
stöðum yfir götuna.
Að sögn Tryggva Jónsson-
ar bæjarverkfræðings er ekki
mikil umferð um götuna í dag
en það muni breytast í haust.
Í minnisblaði hans til bæjar-
ráðs segir að Baugshlíðin
verði ein af meginumferðar-
æðum Mosfellsbæjar þegar
hún tengist Vesturlandsveg-
inum. Geri spár ráð fyrir að
umferðin þar verði 3.000 bílar
á sólarhring á þessu ári en á
árinu 2020 verði hún orðin 9 –
10 þúsund bílar á sólarhring.
Að sögn Tryggva þarf stór
hluti barna í Lágafellsskóla að
fara yfir Baugshlíðina og
gönguleiðirnar séu liður í að
auka öryggi þeirra. Í minnis-
blaðinu segir að þrír mögu-
leikar séu mögulegir. Hægt sé
að koma fyrir gönguleið með
gangbrautum og hraðahindr-
unum en einnig komi undir-
göng eða göngubrú til greina.
Undirgöng eða göngubrú
varla á dagskrá nú
Vinnustofan Þverá hefur
gert úttekt á möguleikum
varðandi gangbrautir og gert
að tillögu að komið verði fyrir
upphækkuðum gangbrautum
með miðeyju á tveimur stöð-
um yfir götuna. Áætlaður
kostnaður við slíka fram-
kvæmd er 1,2 milljónir króna
á hvora gangbraut eða 2,4
milljónir alls og segir Tryggvi
nærri láta að það rúmist innan
þess fjármagns sem áætlað sé
til framkvæmdanna í ár.
Hann segist ekki eiga von á að
ráðist verði í dýrari aðgerðir
að sinni en í minnisblaði hans
segir að áætlaður kostnaður
við undirgöng sé 29 milljónir
og kostnaður við göngubrú sé
50 til 55 milljónir. „Ef niður-
staðan verður að fara í dýrari
lausnir þá dugir sumarið ekki
til að framkvæma slíkt. Þann-
ig að það væri þá eitthvað sem
menn væru að horfa á til
lengri tíma,“ segir hann.
Að sögn Tryggva verður
haldinn kynningarfundur með
íbúunum í nágrenni götunnar
á fimmtudag kl. 20:30 í Lága-
fellsskóla þar sem ýmsir
möguleikar í þessu sambandi
verða kynntir.
Vesturlandsvegurinn tengist Baugshlíð í haust
Aukin umferð kallar
á gangbrautir
Mosfellsbær
MIKIÐ fjör var í Árbæj-
arkirkju að morgni síðastlið-
ins sunnudags, en þar var
haldin Fylkis-fjölskyldu-
messa. Segja má að eina
„venjulega“ atriði mess-
unnar hafi verið þegar lítilli
stúlku, Guðlaugu Birtu, var
gefið nafn en að öðru leyti
var um óhefðbundna sam-
komu að ræða. Barnakór
Seltjarnarnesskirkju kom
t.a.m. í heimsókn og söng,
bæði einn og með barnakór
Árbæjarkirkju, leikhópurinn
Perlan kom fram, mikið var
sungið og fimleikastúlkur úr
Fylki sýndu listir sínar. Eins
og sjá má gengu þær óvenju-
lega inn kirkjugólfið, upp að
altarinu ef svo má segja, að
þessu sinni…
Gengið
upp að
altarinu!
Morgunblaðið/Skapti Hallgrímsson
Árbær KLAMBRAR er nafnið á
nýjum leikskóla sem opn-
aður var við Háteigsveg 33
í Reykjavík síðastliðinn
föstudag. Það var Ingibjörg
Sólrún Gísladóttir borg-
arstjóri sem opnaði leik-
skólann.
Að sögn Steinunnar
Hjartardóttur, þjón-
ustustjóra Leikskóla
Reykjavíkur, er leikskólinn
nefndur eftir sveitabæ sem
var í nágrenni skólans. Í
leikskólanum er gert ráð
fyrir fjórum deildum þar
sem verður rými fyrir 88
börn og munu fyrstu börnin
koma í skólann í dag. Sagði
Steinunn að búist væri við
því að skólinn verði fullset-
inn eftir um tvo mánuði.
Leikskólastjóri er Ingibjörg
Kristleifsdóttir.
Klambrar eru byggðir í
samvinnu við Bygginga-
félag námsmanna og er hús-
næði skólans á neðri hæð
fjölbýlishúss en í því eru 13
leiguíbúðir í eigu félagsins
sem voru teknar í notkun í
janúar síðastliðnum.
Framkvæmdir við húsið
hófust í september árið
2000 og er arkitekt þess
Björn H. Jóhannesson.
Landslagsarkitekt er Yngvi
Þór Loftsson.
Leikskóli í sama húsi
og námsmannaíbúðir
Morgunblaðið/Kristinn
Hlíðahverfi