Morgunblaðið - 14.05.2002, Page 42

UMRÆÐAN
42 ÞRIÐJUDAGUR 14. MAÍ 2002 MORGUNBLAÐIÐ
SÚ UNDARLEGA
staða er komin upp í
kosningabaráttunni í
Reykjavík að fram-
bjóðendur D- og R-
lista takast á um hvort
það sé eftirsóknarvert
að borgarbúum fjölgi.
Við sjálfstæðismenn
teljum svo vera og
bendum á ýmsar stað-
reyndir máli okkar til
stuðnings. Við viljum
að allir þeir sem kjósa
að búa í Reykjavík eigi
þess kost og teljum að
til að svo geti orðið
þurfi að stórauka fram-
boð á lóðum í Reykja-
vík og bæta aðstæður og þjónustu
þeirra sem hér búa.
Metnaðarleysi og
skammsýni
Ingibjörg Sólrun Gísladóttir og fé-
lagar hennar í R-listanum gefa lítið
fyrir það markmið sjálfstæðismanna
að fjölga íbúum í Reykjavík. Í því
sambandi nefna frambjóðendur R-
listans að höfuðborgarsvæðið sé eitt
atvinnusvæði og þeir gleðjist jafnt
yfir því hvort fólk flytur til Reykja-
víkur eða í önnur sveitarfélög á höf-
uðborgarsvæðinu. Þessi afstaða ber
ekki aðeins vott um lítinn metnað
fyrir hönd borgarinnar, heldur einn-
ig mikla skammsýni af
hálfu núverandi meiri-
hluta. Það hlýtur að
vera markmið Reykja-
víkur að þeir sem hér
vilja búa eigi þess kost
og að Reykjavík verði
fyrsti kostur sem
flestra sem eru að velja
sér framtíðarstað til
búsetu.
Hver íbúi
skiptir máli
Í dag búa í Reykja-
vík rúmlega 112.000
íbúar. Frá því R-listinn
tók við hefur íbúum að-
eins fjölgað um 10% á meðan íbúum
á höfuðborgarsvæðinu fjölgaði að
meðaltali um rúmlega 15%. Í Kópa-
vogi er fjölgunin á þessu sama tíma
rúmlega 40%. Ef Reykjavík hefði
haldið í við þá þróun sem verið hefur
á höfuðborgarsvæðinu og íbúum
hefði fjölgað um 15% má ætla að nú
byggju í Reykjavík um 117.000
manns. Samkvæmt árbók sveitarfé-
laga 2001 eru skatttekjur á hvern
íbúa í borginni um 195.000 kr., sem
þýðir að Reykjavík verður af minnst
1.000 milljónum á hverju ári vegna
lóðaskortsstefnu og aðgerðarleysis
R-listans.
Gerum góða borg enn betri
Eins og áður segir vilja sjálfstæð-
ismenn tryggja að allir þeir sem
kjósa að búa í Reykjavík eigi þess
kost. Þetta verður best gert með því
að tryggja að nægar lóðir séu ávallt
til ráðstöfunar á viðráðanlegu verði,
en ekki á uppsprengdu uppboðsverði
R-listans, og Reykvíkingum sé
tryggð þjónustu sem stenst saman-
burð við það besta sem þekkist. Það
hefur ekki tekist í Reykjavík á und-
anförnum átta árum og þess vegna
er Reykjavík ekki lengur í fyrsta
sæti. Breytum þessu og setjum
Reykjavík í fyrsta sæti undir forystu
Björns Bjarnasonar.
Eru íbúar eftirsóknarverðir?
Hanna Birna
Kristjánsdóttir
Reykjavík
Ætla má að borgin
verði af minnst 1.000
milljónum á hverju ári,
segir Hanna Birna
Kristjánsdóttir, vegna
stefnu R-listans.
Höfundur er stjórnmálafræðingur
og skipar 4. sætið á lista Sjálfstæð-
isflokksins fyrir borgarstjórn-
arkosningar.
Reykjavíkurlistinn
hefur stórbrotin áform í
skólamálum. Ætlunin
er að bjóða öllum fimm
ára börnum leikskóla-
vist hálfan daginn án
endurgjalds. Þar með
hefjist undirbúningur
að grunnskólanámi sem
geti orðið fyrsta skrefið
til þess að hraða skóla-
göngu og fækka náms-
árum til stúdentsprófs.
Reykjavíkurlistinn vill
að þetta skref verði tek-
ið að fullu á næsta kjör-
tímabili.
Nú þegar eru níu af
hverjum tíu fimm ára börnum í leik-
skóla. Margar gildar ástæður geta
verið fyrir því að lítill hluti barna á
þessum aldri sæki ekki leikskóla. Ein
kann að vera gjaldið. Nú viljum við á
Reykjavíkurlistanum tryggja að öll
fimm ára börn fái jöfn tækifæri til að
undirbúa sig fyrir grunnskólagöngu,
án tillits til efnahags eða félagslegrar
stöðu. Gjaldið verður fellt niður hálf-
an daginn. Þetta kostar vissulega fé,
ef til vill 150 milljónir á ári. En þetta
sýnir áherslu okkar á menntun og
jöfnuð.
Nám í leik
Við erum sammála því að heppileg-
ast sé að börn á þessum aldri læri í
leik. Leikskólinn er fyrsta þrepið í
menntakerfinu. Á þetta hefur verið
lögð áhersla við uppbyggingu síðari
ára. Leikskólinn í Reykjavík er róm-
aður meðal foreldra og aðstandenda
barna. Gæði leikskólastarfsins skila
sér í mannvænlegum börnum. Áhugi
stjórnenda borgarinnar
á þessum málaflokki
hefur skilað ígildi einna
jarðganga í fjárfesting-
um (100 leikskóladeild-
um). En mikilvægara er
að þetta skólastarf hef-
ur á sér mjög gott orð.
Leikskólarnir eru dæmi
um skynsamlega rekna
og vel þokkaða opin-
bera þjónustu sem
gegnir mikilvægu sam-
félagslegu hlutverki.
Hugtakið ,,dagvist“,
sem notað var áður,
lýsti þeirri hugmynd að
um væri að ræða
geymslustað fyrir börn svo foreldrar
gætu farið út að vinna. Í dag tölum við
um menntastofnanir. LeikSKÓLA.
Borga foreldrum
fyrir að vera heima?
Eftirtektarvert er að stefna Sjálf-
stæðisflokksins í tvennum síðustu
kosningum hefur verið jörðuð. Flokk-
urinn vildi borga foreldri nokkur þús-
und krónur á mánuði fyrir að vera
heima með barninu, í stað þess að
byggja upp leikskólana. Sem betur
fer náði sú stefna ekki fram að ganga.
Þá værum við ekki að tala um það í
dag að bjóða öllum fimm ára börnum
að hefja undirbúning grunnskóla-
náms. Stórhugur og metnaður á
þessu sviði hefur sigrað stefnu Sjálf-
stæðisflokksins. Sá flokkur boðar nú
,,tilraun“ með nám fimm ára barna.
Munurinn á hugmyndum og
áherslum stóru framboðanna í
Reykjavík er eftirtektarverður. Enn
og aftur er Reykjavíkurlistinn for-
ystuafl. Þetta afl hefur sannað með
verkum sínum að þau hreinlega
breyta ásýnd samfélagsins. Fyrir að-
eins átta árum bauðst heilsdagsvist
eins og það var kallað, aðeins náms-
mönnum og einstæðum foreldrum. Í
dag opnum við menntastofnanir fyrir
börnin. Þessi breyting er gagnger.
Svo mjög að jafnvel Sjálfstæðisflokk-
urinn játar sig sigraðan, vill afmá
fyrri stefnu sína og segist geta betur.
Trúlegt?
Stórbrotin
áform
Stefán Jón Hafstein
Reykjavík
Leikskólarnir eru
dæmi, segir Stefán
Jón Hafstein, um
skynsamlega rekna
og vel þokkaða opinbera
þjónustu.
Höfundur skipar 3. sæti
Reykjavíkurlistans.
SAMFYLKINGIN í
Árborg ætlar að móta
samræmda fjölskyldu-
stefnu sem höfð verði til
hliðsjónar við allar ákvarð-
anir í sveitarfélaginu, með
fjölskylduvænt samfélag
að markmiði. Við leggjum
áherslu á að samþætta
fjölskyldu- og atvinnulíf og
til þess er fjölskyldumið-
stöð kjörin vettvangur.
Fjölskyldan er hornsteinn
samfélagsins og er öryggi
og velferð hennar eitt af
meginverkefnum Sam-
fylkingarinnar. Taka verð-
ur mið af þörfum allra íbúa
sveitarfélagsins og bæjaryfirvöldum
ber að tryggja öllum lífsgæði á
grundvelli samhjálp-
ar og sameiginlegrar
velferðar.
Eldumst með
reisn
Til að bæta og efla
þjónustuna ætlum
við að byggja upp
fjölskyldumiðstöð
sem samræmir alla
velferðarþjónustu í
Árborg. Þannig er
auðvelt að hafa yfir-
sýn yfir alla þjónustu
sem veitt er. Þá er
fjölskyldumiðstöð
góð aðferð til að
finna út hvar pottur er brotinn í sam-
félagsþjónustunni. Auk þess fylgir
fjölskyldumiðstöð mikil hagræðing í
allri þjónustu við íbúa sveitarfé-
lagsins.
Það er mikilvægt að bæta verulega
þjónustu við ört stækkandi hóp eldri
borgara, þannig að þeir sem hafa lok-
ið dagsverki sínu geti notið efri ár-
anna með reisn. Því setur Samfylk-
ingin fram metnaðarfulla áætlun í
málefnum aldraðra og ætlar að fjölga
möguleikum til hvíldarinnlagnar,
fjölga þjónustuíbúðum og hjúkrunar-
rúmum og koma á fót akstursþjón-
ustu fyrir eldri borgara. Þá þarf að
fara í það af krafti gagnvart heil-
brigðisyfirvöldum og framkvæmda-
valdinu að drífa áfram uppbyggingu
hjúkrunardeildar. Það eru víða verk-
efni fyrir nýtt afl með nýja sýn á hlut-
ina. Samfylkingin hefur sett þá sýn
fram og mun láta verkin tala.
Fjölskyldumiðstöð í Árborg
Þórunn Elva
Bjarkadóttir
Árborg
Til að bæta og efla þjón-
ustuna, segir Þórunn
Elva Bjarkadóttir, ætl-
um við að byggja upp
fjölskyldumiðstöð sem
samræmir alla velferð-
arþjónustuna.
Höfundur er frambjóðandi
Samfylkingarinnar í Árborg.