Morgunblaðið - 23.06.2002, Side 23

MORGUNBLAÐIÐ SUNNUDAGUR 23. JÚNÍ 2002 23
Komdu á Landsmót!
Allir bestu hestarnir á einum sta›
Icelandair töltkeppni • Gæ›ingakeppni • Kapprei›ar • Ræktunarbú • Kynbótas‡ningar
Landsmót hestamanna á Vindheimamelum í Skagafir›i 2. - 7. júl í
2002
Stuðmenn • Papar • KK og Magnús • Karlakórinn Heimir • Álftagerðisbræður • Fjöldasöngur • Leikvöllur • Barnapössun • Næg tjaldstæði
EF MAÐUR vill kynnastannarri þjóð held ég aðþað sé mikilvægt aðreyna að sjá hana meðaugum listamanna henn-
ar sjálfrar,“ segir sendiherra Spán-
ar á Íslandi, Eduardo Garrigues,
sem hefur aðsetur í Ósló þar sem
hann er einnig sendiherra lands
síns í Noregi. Hann er mikill
áhugamaður um menningarlegt
samstarf þjóðanna, tók við embætt-
inu í desember en hefur oft komið
hingað til lands enda hafa umsvif
spænsku utanríkisþjónustunnar
verið óvenju mikil undanfarna
mánuði vegna þess að þeir gegna
forystu í Evrópusambandinu þetta
misserið. Sendiherrann efnir til
móttöku á morgun, mánudag, í Ás-
mundarsafni í tilefni af nafndegi
Jóhanns Karls konungs, 24. júní,
en Spánverjar halda upp á daginn
sem annan af tveimur þjóðhátíð-
ardögum sínum.
„Ég hef mikinn áhuga á menn-
ingarmálum og fannst það geta
verið góð hugmynd að fagna deg-
inum í listasafni hér á Íslandi.
Hinn þjóðhátíðardagurinn er 12.
október, sama dag og Kólumbus
fann Ameríku. En auðvitað veit ég
vel að víkingarnir voru þar á undan
Kólumbusi,“ segir Garrigues og
brosir. „Ég sá athyglisvert leikrit í
gær um líf Guðríðar Þorbjarn-
ardóttur, landnámskonunnar í Am-
eríku. Þar er mikið sagt frá Vín-
landi og sögunni um fund þess.“
Hann segir samskiptin á sviði
menningar milli þjóðanna mjög
góð. „Ég veit að áhuginn á spænsk-
unámi hérlendis fer vaxandi og ég
á gott samstarf við Margréti Jóns-
dóttur prófessor sem stýrir deild
rómanskra tungumála í Háskóla
Íslands. Við vonum að hægt verði
fljótlega að gefa út nýja íslensk-
spænska orðabók, slíkt rit er mik-
ilvægt tæki í tungumálanámi. Við
höfum einnig tekið þátt í Listahátíð
í Reykjavík, þar hafa spænskir
listamenn lagt fram sinn skerf og
við gerum okkur vonir um að hægt
verða að hleypa af stokkunum
spænskri kvikmyndahátíð. Það mál
er enn í bígerð en mér skilst að ef
til vill verði þar m.a. sýndar nýjar
myndir eftir Pedro Almodovar.
Ég er mjög hrifinn af því hvað
menningu er gert hátt undir höfði
hér í Reykjavík og á öllu Íslandi.
Borgin er tiltölulega lítil en hér er
fjöldi góðra safna. Ég skoðaði ný-
lega verk Ásmundar Stefánssonar,
Kjarvals og fleiri málara frá 20.
öld.
Sjálfur hef ég skrifað nokkrar
bækur, meðal annars Babilonia
sem byggist á gamalli goðsögn um
Gilgames, hjá mér heitir hetjan Gil
Gomez. Sameiginlegar goðsagnir
eru mjög spennandi og þess vegna
hef ég mikinn áhuga á Íslendinga-
sögunum ykkar og þeim áhrifum
sem norræn rit hafa haft á evr-
ópskar bókmenntir. Þú getur því
ímyndað þér hvort mér finnist ekki
við hæfi að vera sendiherra á sjálf-
um vettvangi sagnanna! Sumar
þeirra hafa verið þýddar á
spænsku en mikið er enn óunnið í
þeim efnum. Sem stendur er ég að
lesa Sjálfstætt fólk eftir Halldór
Laxness og hún er frábær, sam-
bærileg við Hundrað ára einsemd
Gabriels Garcia Marques, ég efast
ekki um að margir hafi áður tekið
eftir því.“
Garrigues minnist á samskipti á
öðrum sviðum, segist vita að marg-
ir Íslendingar fari í sumarleyfi til
Spánar. „Við seljum ykkur líka vín
og kaupum af ykkur saltfisk. Þetta
eru ágæt skipti, baccalao er ekki
bara vinsæll í Portúgal heldur líka
á Spáni. Þessi viðskipti hafa verið
nokkuð stöðug en ég er viss um að
margt má samt bæta og auka á
þeim vettvangi.“
Fiskimið – og fótboltaraunir
Garrigues er spurður hvort hann
viti að oft sé rætt um að spænskir
togaraeigendur myndu krefjast að-
gangs að íslenskum fiskimiðum ef
Íslendingar reyndu að semja um
aðild að ESB. Hann svarar, eins og
sönnum stjórnarerindreka sæmir,
að víst hafi hann heyrt minnst á
það en vilji ekki tjá sig mikið um
þau mál.
„Stundum er ekki allt sem sýnist
og þið ættuð að hafa í huga að ekki
er víst að þeir sem þið takið mest
eftir núna myndu reynast ykkur
erfiðastir í þessum efnum. Ég skil
vel að þið verðið að verja fiskimiðin
ykkar vegna þess að þau eru ein
helsta auðlind þjóðarinnar en ég
held að alltaf sé hægt að finna
lausnir á öllum málum,“ segir hann
og segist halda að Spánverjar séu
ekki líklegir til að hindra inngöngu
Íslendinga ef þau mál kæmust á
dagskrá.
„Stuðningur við ESB er meiri á
Spáni en víðast hvar í sambandinu
og við myndum aldrei standa í vegi
fyrir inngöngu annarra þjóða.
Kannski er kominn tími til að leita
frumlegra lausna á vandamálunum
sem kunna að fylgja stækkun. En
ég er enginn trúboði í þessum efn-
um, engan á að beita þrýstingi,
hver þjóð verður að finna sína
lausn og þið eruð nú þegar hluti af
samstarfinu í Evrópu með aðild
ykkar að Evrópska efnahagssvæð-
inu.
Ég trúi ekki á fullyrðingar um að
sumir séu úti og aðrir inni, hægt er
að finna millilausn og alltaf verður
að virða vilja almennings í hverju
landi.“
Er rætt var við sendiherrann var
nýlokið leik Spánverja og Suður-
Kóreumanna í Heimsmeist-
arakeppninni í knattspyrnu með
tapi landa hans í vítaspyrnukeppni.
Hann sagðist vissulega hafa orðið
fyrir miklum vonbrigðum og var
ósáttur við að mark hefði verið
dæmt af sínum mönnum. „Full-
komlega löglegt mark. En svona er
þetta víst og við verðum að bera
okkur vel. Okkur gengur örugglega
betur næst,“ segir Eduardo Garr-
igues, sendiherra Spánar á Íslandi.
Gott að
vera á sjálf-
um vettvangi
sagnanna
Sendiherra Spánar í heimsókn á Íslandi, Eduardo
Garrigues, er áhugamaður um aukin menningarleg
tengsl milli þjóðanna og er sjálfur rithöfundur.
Hann segir einnig að það séu góð skipti að selja
okkur vín í staðinn fyrir saltfisk.
Morgunblaðið/Jim Smart
Eduardo Garrigues, sendiherra Spánar: „En auðvitað veit ég vel að víkingarnir voru þar á undan Kólumbusi.“