Morgunblaðið - 25.10.2002, Síða 22

VIÐSKIPTI/ATHAFNALÍF
22 FÖSTUDAGUR 25. OKTÓBER 2002 MORGUNBLAÐIÐ
BRÆÐURNIR Sigfús R. Sigfússon
og Sverrir Sigfússon hafa selt eign-
arhluti sína í Heklu hf., en þeir eiga
66,7% fyrirtækisins á móti Trygg-
ingamiðstöðinni sem á 33,3% í fyrir-
tækinu og mun eiga áfram. Kaupandi
er Tryggvi Jónsson forstjóri Baugs
ásamt hópi fjárfesta. Ætlunin er að
ganga frá endanlegum samningi um
kaupin að lokinni áreiðanleikakönnun
fyrri hluta næsta mánaðar. Í frétta-
tilkynningu vegna kaupanna segir að
Búnaðarbankinn hafi umsjón með
viðskiptunum og fjármögnun vegna
þeirra, en kaupverðið sé trúnaðarmál.
Sigfús R. Sigfússon, forstjóri
Heklu, segir aðdraganda sölunnar
hafa verið skamman. Sverrir bróðir
hans hafi haft áhuga á að selja sinn
hlut í fyrirtækinu, 33,3%, og hafi rætt
um það við viðskiptabanka Heklu,
Búnaðarbankann, að finna kaupanda.
Búnaðarbankinn hafi tekið það að sér
og þar sem bankinn hafi vitað að
Tryggvi Jónsson væri að hætta sem
forstjóri Baugs og hefði áhuga á að
fara sjálfur út í viðskipti, hefði verið
haft samband við hann. Sigfús segir
Tryggva hafa tekið vel í þetta, en að
hann hefði áhuga á að eignast meiri-
hluta í fyrirtækinu. Búnaðarbankinn
hafi þess vegna leitað til Sigfúsar um
það hvort hann væri reiðubúinn til að
selja sinn hlut og í framhaldi af því
hafi verið gert verðmat á fyrirtækinu.
Þegar verðmatið hafi legið fyrir hafi
Tryggvi gert þeim tilboð og samning-
ar hafi tekist.
Sigfús segir að hann hafi ekki ætlað
sér að selja, en erfitt hafi verið að
hafna þessu tilboði. Þeim bræðrum
hafi verið mikið í mun að Hekla lenti í
góðum höndum og að þeir viti að svo
sé fyrst Tryggvi kaupir. Þeir þekki
hann vel enda hafi hann verið endur-
skoðandi fyrirtækisins áður en hann
hafi ráðist til Baugs.
Sigfús segir ákvörðunina um sölu
hafa verið erfiða því miklar tilfinning-
ar tengist Heklu sem alla tíð hafi ver-
ið fjölskyldufyrirtæki. Hann segir
mikið mál að Hekla fái að dafna áfram
og að þeir bræðurnir muni áfram
koma nálægt rekstrinum til að að-
stoða nýja eigendur, að minnsta kosti
fyrst í stað. Hann verði sjálfur starf-
andi stjórnarformaður og Sverrir
muni starfa áfram hjá
fyrirtækinu um sinn.
Sigfús segist aðspurð-
ur enga ákvörðun hafa
tekið um framhald í við-
skiptum eða fjárfesting-
um.
Mikil tímamót
Sverrir Sigfússon
starfandi stjórnarfor-
maður Heklu segir að-
spurður um ástæður
þess að hann ákvað að
selja hlut sinn í fyrir-
tækinu, að þar spili
margt inn í. Hann sé nú
orðinn 63 ára og hafi
starfað hjá fyrirtækinu frá 18 ára
aldri, og raunar lengur ef talin séu
með hlutastörf frá barns aldri. Sam-
anlagður aldur og starfsaldur á næsta
ári sé því orðinn um 110 ár sem sé
meira en almennt gerist.
Þetta sé þó ekki eina ástæðan, enda
hafi tíminn hjá fyrirtækinu verið
mjög ánægjulegur. Annað sem eigi
sinn þátt í þessari ákvörðun nú, sem
ekki sé tekin í neinu fljótræði, sé að
hann hafi viljað hafa
um það að segja hver
tæki við fyrirtækinu.
Hann hafi viljað að
ungir og duglegir menn
tækju við og þegar færi
hafi gefist að selja
manni sem hann treysti
vel fyrir áframhaldandi
rekstri Heklu hafi hann
talið rétta tímann kom-
inn, en að hann hefði að
öðrum kosti verið
reiðubúinn til að bíða
með söluna.
Sverrir segist gera
ráð fyrir að hann verði í
allt að eitt ár enn hjá
fyrirtækinu, þó ekki í fullu starfi allan
tímann, til að leiða nýja menn inn í þá
kunnáttu og þau tengsl sem orðið hafi
til á löngum tíma.
Sverrir segir þetta mikil tímamót
fyrir sig, áður hafi fyrirtækið stjórnað
tíma sínum, en nú geti hann gert það
sjálfur og varið tímanum meira með
fjölskyldunni.
Tryggvi Jónsson segist hafa þekkt
Heklu í mörg ár, en hann sat í ráð-
gjafarráði fyrirtækisins á árunum
1994-1996 og var auk þess endurskoð-
andi þess frá þeim tíma þar til hann
tók til starfa hjá Baugi 1998. „Mér
fannst því þetta tækifæri mjög spenn-
andi og gat ekki látið það framhjá mér
fara,“ segir hann, aðspurður um
ástæður kaupanna.
Baugur ekki meðal fjárfesta
Hann vill ekki gefa upp hvaða fjár-
festar séu í liði með honum, en segir
að það muni væntanlega skýrast að
lokinni áreiðanleikakönnun, þegar
fulltrúar fjárfesta taki sæti í stjórn
Heklu. Þó staðfestir hann að Baugur,
fyrrverandi vinnuveitandi hans, sé
ekki í hópi fjárfesta. „Þessir aðilar eru
alls ótengdir Baugi.“
Tryggvi segir að of snemmt sé að
svara til um fyrirætlanir hans í
rekstri Heklu. „Þarna er mikið af
góðu og hæfu starfsfólki sem ég
hlakka til að vinna með að því mark-
miði að gera fyrirtækið enn sterkara
og öflugra en það er nú,“ segir hann.
Hann segir að bræðurnir Sigfús og
Sverrir verði áfram viðriðnir fyrir-
tækið, Sigfús sem stjórnarformaður
og Sverrir mun enn um sinn starfa
hjá því. „Þeir eru og verða hinir einu
sönnu Heklubræður,“ segir Tryggvi,
„og okkur er mikill fengur í að hafa þá
áfram með okkur.“
Stefnt að því að Hreinn Loftsson
verði formaður stjórnar Baugs á ný
Tryggvi hættir sem forstjóri Baugs
1. nóvember og tekur svo við starfi
forstjóra Heklu eftir áreiðanleika-
könnun. Í fréttatilkynningu frá Baugi
segir að Jón Scheving Thorsteinsson,
framkvæmdastjóri Baugs-ID, muni
gegna starfi forstjóra Baugur Group
fram að næsta hluthafafundi sem
haldinn verði 20. nóvember. „Stjórn
fyrirtækisins stefnir að því að ráða
Jón Ásgeir Jóhannesson sem for-
stjóra í stað Tryggva á hluthafafund-
inum. Jón Ásgeir hefur verið starf-
andi stjórnarformaður félagsins frá
síðasta aðalfundi þess. Þá er það
stefna stærstu hluthafa að Hreinn
Loftsson, hrl., verði kjörinn í stjórn
Baugur Group á þessum fundi og taki
við stjórnarformennskunni af Jóni
Ásgeiri,“ segir í tilkynningunni.
Tryggvi Jónsson kaup-
ir meirihluta Heklu
Sigfús og Sverrir Sigfússynir selja
hluti sína en Tryggingamiðstöðin
heldur þriðjungshlut sínum
Morgunblaðið/Þorkell
Bræðurnir Sverrir og Sigfús Sigfússynir standa hér við málverk af föður
sínum, Sigfúsi Bjarnasyni, stofnanda Heklu.
Tryggvi Jónsson
FYRIRTÆKIÐ Hekla var stofnað
árið 1933. Stofnandi þess var Sig-
fús Bjarnason, faðir Sigfúsar og
Sverris sem nú selja hluti sína,
ásamt fleirum, en árið 1942 eign-
aðist hann allt fyrirtækið og
breytti því í hlutafélag.
Árið 1945 var raftækjaverslun
Heklu stofnuð og rekin sem al-
hliða raftækjaverslun með höf-
uðáherslu á heimilistæki. Tveim-
ur árum síðar fékk Hekla umboð
fyrir Caterpillar þungavélar og
Kenwood heimilistæki og er fyr-
irtækið elsti starfandi umboðs-
aðili Kenwood í Evrópu.
Hekla hóf innflutning Good-
year-hjólbarða árið 1952 og sama
ár tók fyrirtækið að sér umboð
fyrir Volkswagen á Íslandi og
seldi meðal annars hina þekktu
„bjöllu“. Árið 1970 hóf fyrirtækið
innflutning á Audi þegar
Volkswagen og Audi sameinuðust
í Þýskalandi.
Árið 1978 varð Hekla umboðs-
aðili fyrir General Electric, fyrst
heimilistæki en hefur nú einnig
umboð fyrir lækningatæki fyr-
iritækisins.
Innflutningur á Mitsubishi bif-
reiðum hófst ári síðar og sama ár
tók Hekla að sér umboð fyrir
Mitsubishi Heavy Industries og
hafa hverflar og túrbínur frá því
fyrirtæki verið sett í margar
virkjanir hér á landi.
Árið 1980 varð Hekla umboðs-
aðili fyrir Ingersoll Rand frá
Bandaríkjunum og fimm árum
síðar hófst innflutningur á Pana-
sonic símtækjum frá Japan.
Árið 1995 fékk Hekla umboð
fyrir Scania vöruflutninga-
bifreiðir frá Svíþjóð og tveimur
árum síðar hóf fyrirtækið inn-
flutning á Galloper jeppanum frá
Suður-Kóreu. Innflutningi á hon-
um lauk í fyrra.
Árið 1998 hóf Hekla innflutn-
ing á Skoda bifreiðum frá Tékk-
landi, en fyrirtækið Skoda er í
eigu Volswagen.
Fyrir tveimur árum fékk Hekla
umboð fyrir Scana Volda gíra og
skrúfubúnað frá Noregi og í ár
tók Hekla að sér sölu og þjónustu
HIAB krana frá Svíþjóð.
Rekstur Heklu fer fram í þrem-
ur deildum, bifreiðadeild, vinnu-
véla- og sjóvéladeild og heim-
ilistækjadeild, auk þess sem
fyrirtækið er með sölu- og þjón-
ustuumboð víða um land.
Heildareignir Heklu um mitt ár
námu 5,2 milljörðum króna og
eigið fé rúmum 1,1 milljarði
króna og eiginfjárhlutfall var því
22%. Velta fyrirtækisins á fyrri
hluta þessa árs voru rúmir 4
milljarðar króna og rúmlega 74
milljóna króna tap var af rekstr-
inum.
Fjölskyldu-
fyrirtæki
í 60 ár
FYRIRTÆKIÐ The Big Food
Group, sem Baugur-ID hefur keypt
14,99% hlutafjár í, hefur átt í nokkr-
um erfiðleikum að undanförnu.
Gengi hlutabréfa í félaginu hefur
farið lækkandi á árinu, en við frétt-
irnar í gær hækkaði það um tæp
60%. Mesta lækkunin varð seinni
hluta júlímánaðar, eftir afkomuvið-
vörun þar sem fram kom að Iceland
smásölukeðjan næði ekki hagnaðar-
markmiði sínu á fyrri hluta upp-
gjörsársins sem endaði í september.
Gengi samstæðunnar lækkaði við
það um 58%, úr um 100 pensum í 38
pens.
Stofnað árið 1970
Fyrirtækið á upphaf sitt að rekja
til ársins 1970. Þá reiddu tveir
starfsmenn Woolworths’ verslunar-
innar fram 60 pund til að leigja hús-
næði undir verslun með frosinn mat.
Starfsemin þróaðist smám saman.
Framan af var fyrirtækið miðstöð
fyrir verslun með frosin matvæli, en
nú rekur það keðju matvöruverslana
sem sérhæfa sig í frosnum matvæl-
um. Árið 1984 var fyrirtækið sett á
markað og vildu fjárfestar kaupa 113
sinnum meira hlutafé en í boði var.
Erfiðleikar keðjunnar hófust árið
2000, í kjölfar yfirtöku á Booker-
keðjunni. Nokkrum vikum áður en
fyrirtækið gaf út afkomuviðvörun og
hlutabréf í því féllu í verði, seldi
stofnandi og stjórnarformaður fyr-
irtækisins, Malcolm Walker, hlut
sinn fyrir 13,6 milljarða íslenskra
króna. Hann var í kjölfarið sakaður
um innherjaviðskipti.
Verslanir The Big Food Group eru
samtals 936 talsins, í Englandi, Skot-
landi og Írlandi og hjá fyrirtækinu
starfa yfir 30 þúsund manns.
Iceland-verslunarkeðjan er einn
stærsti seljandi frosinna matvara í
Bretlandi og rekur 759 verslanir um
allt land. Viðskiptavinir Iceland fleiri
en fjórar milljónir í hverri viku.
Heildarvelta á síðasta ári var 1.589
milljónir punda, eða sem samsvarar
rúmlega 217 milljörðum íslenskra
króna. Starfsmenn keðjunnar eru
19.884 talsins.
Booker-keðjan er heildsala og
starfar á svokölluðum „cash &
carry“ markaði, en þar versla helst
sjálfstæðir verslunarrekendur og
veitingastaðir. Heildarvelta á síðasta
ári var 3.544 milljónir punda, eða
rúmlega 485 milljarðar króna.
Starfsmenn eru 9.719 talsins.
Woodward-keðjan útvegar hótel-
um, veitingastöðum og fyrirtækjum í
tengdum rekstri frosin matvæli, sem
og kælivörum, frá tíu dreifingarmið-
stöðvum víðsvegar um Bretland.
Heildarvelta síðasta árs var 87 millj-
ónir punda, eða tæpir 12 milljarðar
króna. Starfsmenn eru 745.
32 ára risi á breskum
matvörumarkaði
Hefur átt í rekstrarerfiðleikum að undanförnu
EINKAVÆÐINGARNEFND
hefur fundað með þeim tveimur
hópum fjárfesta sem valdir
voru til frekari viðræðna um
kaup á hlut ríkisins í Búnaðar-
bankanum. Fundað var í gær
og fyrradag með Kaldbaki hf.
annars vegar og S-hópnum svo-
nefnda hins vegar, en á bak við
hann standa Eignarhaldsfélag-
ið Andvaka, Eignarhaldsfélagið
Samvinnutryggingar, Fiskiðj-
an Skagfirðingur hf., Kaup-
félag Skagfirðinga svf., Ker hf.,
Samskip hf. og Samvinnulífeyr-
issjóðurinn. Að sögn Ólafs Dav-
íðssonar, formanns einkavæð-
ingarnefndar, er nú verið að
kynna þessum tveimur hópum
fjárfesta ferlið. Hann segir
næsta skref felast í því að hóp-
arnir fari hvor um sig á kynn-
ingarfundi í Búnaðarbankan-
um. Í kjölfarið þurfi hóparnir
að leggja fram tiltekin gögn og
eftir það verði hægt að taka
ákvarðanir um framhaldið.
Einkavæðing
Búnaðarbankans
Fundað
með fjár-
festum