Morgunblaðið - 22.12.2002, Blaðsíða 51

BRÉF TIL BLAÐSINS
MORGUNBLAÐIÐ SUNNUDAGUR 22. DESEMBER 2002 51
20% Afsláttur af
öllum herraskóm
og dömustígvélum
Gle›ileg
Fram a› jólum bjó›um vi›
20% afslátt af öllum herraskóm
og dömustígvélum.
jól
Opi› í dag 10-22 og
fiorláksmessu 9-23
Snorrabraut 38, sími 562 4362
Kápur stuttar og síðar
Fullt af tilboðum
Ullarjakkar frá kr. 7.900
Mokkakápur frá kr. 9.990
Yfirstærðir
Komið og
skoðið úrvalið
FLEST allt í dag virðist byggjast
á því að vera „inn“ og til þess þarf
ákveðið útlit. Það þekkja allir
stöðluðu Barbí-
og Ken-ímyndina
sem gerði Jónínu
Benediktsdóttur
brjálaða, og kom
hún með þessa
frægu setningu:
,,Drepum Barbí.“
Til eru fjöl-
mörg dæmi þess
að fólk fyllist
minnimáttar-
kennd vegna þess að það er ekki í
útliti eins og grindhoraðar tísku-
fyrirsætur eða kynæsandi popp-
stjörnur. Mjög skýr skil eru á milli
þess hvað telst fallegt og hvað
ljótt. Samkvæmt þessum óskráðu
lögum getur fita aldrei verið annað
en lýti, nef má ekki vera of stórt og
kvenleggir ekki of loðnir. Fólk sem
er á einhvern hátt öðru vísi í útliti
er jafnvel lagt í einelti, til dæmis í
skólum, eða haft útundan því útlit
þess er ekki talið ásættanlegt. Það
er ekki að furða að slíkt gerist
enda eru börn heilaþvegin með öll-
um myndböndunum á Popp-tíví þar
sem fyrirmyndirnar líta út eins og
fyrirsætur, til dæmis Jennifer Lop-
ez, Christina Aguilera, Atomic
Kitten og Ricky Martin. Þetta er
allt fólk sem, líkt og hundruð ann-
arra, hefur reynt að koma sér á
framfæri í krafti hæfileika sinna og
var svo lánsamt að vera valið úr
hópnum. Eða voru þau kannski val-
in vegna þess hversu sæt þau eru á
sviði? Þau eru klædd í tískuföt,
máluð, hárið litað og lagað þangað
til lítið er eftir af hinni uppruna-
legu manneskju heldur er í staðinn
komin óraunveruleg fígúra sem
sköpuð er af markaðnum. En hvað
svo þegar fegurð þeirra tekur að
fölna? Þá er þetta fólk búið að
vera, öðrum fegurri er falið hlut-
verk þess og hringrásin heldur
áfram.
Staðreyndin er sú að farið er að
líta á ytra útlit sem einn af helstu
kostum fólks. En útlitið skiptir
ekki mestu máli heldur hin innri
manneskja. Þetta gæti virst gömul
tugga en samt stendur hún enn
fyrir sínu. Margsinnis hef ég orðið
vitni að því að fólk, sem er almennt
talið mjög fallegt, verður ófrítt í
einni svipan þegar það sýnir sinn
spillta innri mann. Svo hef ég
kynnst fólki sem er talið vera mjög
ófrítt en eftir kynni við það þá
byrjar þetta fólk að fríkka vegna
þeirrar innri manneskju sem það
hefur að geyma og persónuleika.
Því tel ég það fáránlegt að dæma
fólk eftir ytra útliti.
Í ljósi þess að senn koma jólin
langar mig til að brýna fyrir fólki
að einblína á hinn innri mann í stað
hins ytri og gleðjast á jólunum,
jafnvel þótt ekki takist að komast í
kjólinn fyrir jólin.
DANÍEL HALLDÓR
GUÐMUNDSSON,
prentsmiður,
Austurbergi 30.
Ertu falleg/ur?
Frá Daníel Halldóri
Guðmundssyni:
Daníel Halldór
Guðmundsson
ÞAR sem eitthvað hefur verið rætt
um tölvupóst Ástþórs Magnússonar
undanfarið og verið er að rannsaka
starfsemi Friðar 2000 og búið að
nefna Ástþór „þjóðarfífl“ er þá ekki
orðið tímabært að fá að sjá þennan
stórmerkilega rammasamning við
NATO og alla þá samninga sem
kunna að tengjast honum frá A til Ö,
þannig að við getum betur gert okk-
ur grein fyrir því hver sé „þjóðarfífl“
okkar Íslendinga og hver ekki? Hef-
ur ríkisstjórnin eitthvað að fela í
þessu sambandi? Hvers vegna er
leyfilegt að handtaka menn með öll-
um tiltækum ráðum og lítillækka þá,
án þess að báðar hliðar málsins séu
kannaðar áður? Hvers konar ríkis-
lögreglustjóra höfum við yfir höfði
okkar hér á landi? Hafa þeir Davíð
Oddsson forsætisráðherra og Hall-
dór Ásgrímsson utanríkisráðherra
einhverja fjarstýringu á allt lög-
regluliðið sem þeir geta beitt á emb-
ættið aftur og aftur undantekning-
arlaust?
Auðvitað stóð aldrei til að yfir-
heyra eða rannsaka hvað þeir Davíð
og Halldór hafa verið að bralla, en
orð Halldórs eru ekki trúverðug, að
ekki standi til að flytja hergögn eða
hermenn með farþegaflugvélum
Flugleiða og Atlanta. Hvers vegna
gerðu þessir menn ekki frekar samn-
ing við UNICEF hjá Sameinu þjóð-
unum eða Rauða krossinum um
flutninga með farþegaflugvélum
Flugleiða og Atlanta fyrir 300 millj-
ónir en við NATO? Ekki eru þeir hjá
NATO þekktir fyrir að flytja hjálp-
argögn, lyf og mat með farþegaflug-
vélum. Það ætti vera sjálfsagður og
fullur réttur okkar Íslendinga og
einnig þeirra sem ferðast með far-
þegaflugvélum að fá að vita hvað
flugvélarnar eru með um borð ef um
óæskilegan farangur er að ræða svo
og allt það sem varðar þessa um-
deildu samninga við NATO.
Handtaka Ástþórs Magnússonar
er afstaðin og þó að þessi meirihátt-
ar rannsókn lögreglunnar sé langt á
veg komin ætti að vera óhætt að sjá
þennan umdeilda rammasamning við
NATO sem þeir Davíð og Halldór
eru svo stoltir og ánægðir með að
hafa undirritað án þess að hafa rætt
um hann áður opinberlega við fjöl-
miðla, hvað þá í utanríkisnefnd.
Þessir ráðherrar okkar hafa með
þessum hætti bæði sniðgengið og
brotið lög. Lagalega og réttilega seg-
ir að bera eigi undir utanríkisnefnd
áður en lengra er gengið.
Hvað hafa þeir verið að gera og
semja um bak við tjöldin með öllum
þessum dularfullu ferðalögum er-
lendis á kostnað ríkisins? Eru til ein-
hverjir fleiri hernaðarsamningar
sem almenningur veit ekkert um
sem þessir ráðherrar hafa undirrit-
að?
Hver er ástæðan fyrir því að farið
er á bakvið utanríkisnefnd og alla al-
menna skynsemi, átti virkilega að
halda öllu þessu leyndu fyrir okkur
og leyfa fólki að ferðast með þessum
flugvélum án þess að vita hvaða til
stæði? Ætla síðan þessir valdamiklu
ráðherrar að segja okkur að þetta sé
allt saman löglegt eða hvað?
Nú er best fyrir mig að hætta að
skrifa því annars á ég von á að verða
tekinn og settur inn á Litla-Hraun
eða þá að herra Davíð komi hér inn á
heimilið til mín og lemji mig í haus-
inn með nýju bókinni sinni.
ÞORSTEINN SCH.
THORSTEINSSON,
Hrísrima 2, 112 Reykjavík.
Íslenska þjóðin
á rétt á svörum
Frá Þorsteini Sch. Thorsteinsson: