Morgunblaðið - 29.06.2003, Síða 4

4 B SUNNUDAGUR 29. JÚNÍ 2003 MORGUNBLAÐIÐ
METZ í Austurstrætimarkaði sérákveðna sérstöðumeðal veitingahúsaí miðbænum allt
frá fyrsta degi er veitingastað-
urinn var opnaður í byrjun maí. Sú
sérstaða felst í því að álagning á
léttvíni nemur einungis þúsund
krónum á flösku óháð því hvað
vínið kostar en flest veitingahús
miða við prósentureglu og tvöfalda
eða jafnvel þrefalda því verð víns-
ins. Flaska af mjög góðu og vönd-
uðu víni kostar því svipað og jafn-
vel minna á Metz en ódýrustu vín
á flestum öðrum veitingastöðum.
Dýrasta rauðvínið er á fjögur þús-
und krónur! Þá er jafnframt hægt
að fá mörg vín seld í glasavís en
ekki einungis eitt óskilgreint „vín
hússins“.
Með þessu er greinilega verið að
stíla inn á þann hóp neytenda sem
vill gjarnan geta farið út á veit-
ingahús, sest þar niður og fengið
sér mat og drykk, eða þá jafnvel
einungis vínglas, án þess að það
komi ótæpilega við pyngjuna.
Uppbygging matseðils er jafn-
framt þannig að hann býður ekki
endilega upp á klassíska þriggja
rétta samsetningu, forrétt, aðal-
rétt og eftirrétt, heldur einnig að
menn fái sér einungis smárétt,
pasta, hamborgara eða þá þrí-
réttað séu menn þannig stemmdir.
Við byrjuðum á léttreyktum
kjúklingalundum með satay-sósu
(1.000 krónur) og hráskinku með
geitaosti, salati og melónusósu.
Kjúklingurinn kom á grill-
pinnum og var mildur á bragðið,
rétt eins og satay-sósan. Það er
kannski ofsagt að segja að hún
hafi verið bragðdauf en vissulega
hefði mátt vera meira hnetubragð
af henni. Salatið með var hins veg-
ar gott og sömuleiðis fylgdi steikt
paprika á diskinum.
Hráskinkan var forvitnilegt af-
brigði af hinni sígildu samsetningu
skinku og melónum. Þetta var
vönduð skinka, væntanlega ítölsk,
og hafði verið vafin utan um bita
af geitaosti fyrir steikingu. Smell-
passaði við sæta og góða mel-
ónusósuna og áþekkt salat og birt-
ist með kjúklingalundunum. Báðir
réttirnir einfaldir í útfærslu en
sérstaklega sá síðarnefndi sýndi
góða takta.
Grilluð New York Strip-steik
með kartöflu og piparostakremi
var einfaldlega pottþétt steik.
Strip-steikin er vissulega engin
lund eða T-bein en kjötið var gott
og verðið ennþá betra eða 2.900
krónur. Nautakjötið var mjög vel
útilátið á diskinum og sósan þykk
og góð, vissulega ekkert megr-
unarfæði, ekki verið að spara ost-
inn og rjómann þarna. Bökuð kart-
afla með var eins og þær gerast
bestar og ekki spillti fyrir að hún
var fyllt með ljúffengri sósu úr
sýrðum rjóma þar sem estragon
réð ferðinni í bragðinu. Með þessu
stökkar belg- og strengjabaunir.
Steikin féll hins vegar í skugg-
ann af pizzunni (1.600 krónur).
Hún var einfaldlega frábær. Pizza
í ítölskum stíl þar sem alls konar
góðgæti er hlaðið ofan á pizzuna
eftir að hún er bökuð en ekki ein-
ungis áður. Tómatar, klettasalat
og hráskinka í miklu magni! Það
hefði þó aðeins mátt fara spar-
legar með þurra kryddið og ekki
hefði spillt að fá nokkra dropa af
hágæða ólífuolíu út á hana. Engu
að síður var hún etin upp til
agna.
Heit súkkulaðikaka var
dökk og stökk og bráðið
súkkulaðið rann út þegar í
hana var skorið. Með henni ágæt-
ur ís og nokkur jarðarber. Í sjálfu
sér ekki meira um það að segja,
súkkulaðikökur standa alltaf fyrir
sínu ef menn nota gott hráefni og
vanda sig við baksturinn. Sú var
raunin hér.
Metz gefur sig ekki út fyrir að
vera veitingahús í dýrasta flokki
heldur meira nútímalegt bistro.
Það eru ekki dúkar á borðum en
borðbúnaður er vandaður og glös-
in kristall frá Riedel, sem mörg
mun dýrari hús mættu taka sér til
fyrirmyndar. Maturinn og vínið er
í lágum verðflokki en það er ekk-
ert billegt við staðinn, matinn, vín-
ið eða þjónustuna. Maður fær mik-
ið fyrir peninginn.
Veit ingahús
S t e i n g r í m u r S i g u r g e i r s s o n
Morgunblaðið/Jim Smart

Austurstræti 9. Pöntunarsími:
5613000. Vefsíða: www.metz.is
Andrúmsloft: Staður þar sem
fólk kemur inn jafnt til að fá sér glas
af góðu víni eða til að borða. Nú-
tímaleg hönnun og um helgar
breytist staðurinn í bar eða
skemmtistað þegar líða tekur á
kvöldið.
Verð:
Forréttir: 950-1.050 kr.
Smáréttir: 900-1.100
Pasta og pizza: 1.600-1.700
Grill: 2.400-2.900
Eftirréttir: 800-950
Smáfólkið: 700-950
Þjónusta: Alla jafna fín og fag-
mannleg.
Mælt með: Pizzunni, hiklaust.
Vínlisti: Gott úrval, vel valið og
frábær verð. Fínt úrval af góðum
vínum í glösum, t.d. Pol Roger
kampavín, Cloudy Bay hvítvín, Alle-
grini Palazzo della Torre rauðvín og
Isole e Olena vinsanto sætvín.
Metz
Ódýrt og gott
ÞAÐ ER ekki á hverjum degi sem eitt af vinsælli veit-
ingahúsum landsins opnar útibú þar sem hægt er að
panta og sækja marga af þeim réttum sem notið hafa
hvað mestra vinsælda í gegnum árin. Það gerðist hins
vegar á dögunum þegar Austurlandahraðlestin, sem er
útibú frá Austur-Indíafjelaginu, opnaði á Hverfisgötu
64a.
Segja má að Austurlandahraðlestin sé framhald af
þeirri þróun sem átt hefur sér stað hjá Austur-Indía-
fjelaginu síðastliðna mánuði. Matargerðin þar hefur
verið að þróast, taka breytingum í átt að nútímalegum
straumum í indverskri matargerð og að sama skapi
hverfa frá hinni „etnísku“ blöndu sem hefur verið að
finna á matseðlinum.
Með tilkomu Austurlandahraðlestarinnar hverfa
margir hinna sígildu rétta Austur-Indíafjelagsins af
matseðli og verða nú einungis fáanlegir á Austurland-
ahraðlestinni. Má nefna sem dæmi Tandoori-
kjúklinginn, hinn vinsæla kjúklingarétt „65“, Tikka
Masala og Vindaloo-kjúklinginn.
Sú stefna hefur verið tekin að opna ekki ódýran há-
degisstað þar sem réttirnir bíða tilbúnir í borði heldur
viðhalda sömu gæðum og eru hjá Austur-Indíafjelag-
inu. Hinn indverski Lakhsman Rao, sem verið hefur yf-
ir eldhúsinu hjá Austur-Indiafjelaginu allt frá árinu
1995, ræður nú ríkjum í eldhúsi Austurlanda-
hraðlestarinnar og eru allir réttir eldaðir eftir pöntun.
Vel hefur tekist til þótt ég mæli með því að menn
flýti sér heim með réttina þannig að hægt sé að snæða
þá sjóðandi heita beint úr tandoori-ofninum. „Kjúk-
lingur 65“ hefur lengi verið í miklu uppáhaldi hjá mér
og ekki var hægt að sjá að hann hefði tekið neinum
breytingum frekar en Tandoori-kjúklingurinn. Þá má
mæla með Kheema Mattar Masala ef menn eru mikið
fyrir bragðmiklar kássur, þessi er úr lambahakki með
baunum. Ég var hins vegar ekki sérlega hrifinn af
linsubaunaréttinum Madras Sambar.
Á Austurlandahraðlestinni er einnig hægt að fá ný-
bakað Naan-brauð, svalandi Raitha-sósu og saffran-
krydduð Pulao-hrísgrjón. Lambafyllingin í Sam-
ósunum hefði mátt vera ögn bragðmeiri en
djúpsteiktu Pakodas-laukstrimlarnir voru góðir með
mildri kryddjurtasósu.
Hægt er að borða á staðnum í litlum en vel útfærð-
um matsalnum jafnt sem taka með sér réttina heim og
er Austurlandahraðlestin opin frá kl. 16-22 alla daga.
Austurlandahraðlestin, Hverfisgötu 64 a.
Sími 5526007. Heimasíða: www.hradlestin.is
Austurlandahraðlestin
Sælkeri á sunnudegi
Steingrímur Sigurgeirsson