Morgunblaðið - 18.08.2003, Page 6

FRÉTTIR
6 MÁNUDAGUR 18. ÁGÚST 2003 MORGUNBLAÐIÐ
STÆRSTA RAFTÆKJAVERSLUN LANDSINS!
VELDU
LÆGSTA VERÐIÐ!
VELDU EXPERT!
„FJÖLMIÐLUN og stjórnmál nú-
tímans eru hörð og óvægin. Menn
eru dæmdir í umræðunni löngu
áður en mál þeirra fá eðlilega um-
fjöllun stofnana samfélagsins.
Bæði fjölmiðlar og stjórn-
málamenn verða að gæta hófs í
ummælum sínum um álitaefni og
viðkvæm mál. Við getum öll tekið
okkur á í þeim efnum.
Vissulega er gagnrýni nauðsyn-
leg, en erum við ekki stundum
fullfljót á okkur að dæma aðra?“
sagði Halldór Ásgrímsson utanrík-
isráðherra í ræðu sem hann hélt á
Hólahátíð í gær.
Hátíðin hófst með guðsþjónustu
í Hóladómkirkju þar sem Jón Að-
alsteinn Baldvinsson vígslubiskup
prédikaði og að messu lokinni
voru veittar kaffiveitingar í boði
Hólanefndar. Á sjálfri hátíðar-
samkomunni flutti Halldór Ás-
grímsson hátíðarræðu, Þorsteinn
frá Hamri flutti ljóð og Skúli
Skúlason skólameistari flutti
ávarp. Á milli þessara atriða var
flutt tónlist í umsjá Eyþórs Inga
Jónssonar, Kammerkór Akureyr-
arkirkju söng og einsöngvarar
voru Þórhildur Örvarsdóttir og
Sigrún Arngrímsdóttir.
Halldór vék að því í upphafi
ræðu sinnar á Hólum í gær, að nú
værum við stödd á þeim stað sem
tengir í ríkari mæli saman menn-
ingarsögu og sjálfstæðisbaráttu
þjóðarinnar en flestir aðrir.
Halldór fjallaði um mikilvægi
menntunar og hvernig Íslendingar
hafa orðið þess áskynja á undan-
förnum árum hversu stóran sess
menntun og vísindi skipa í sam-
félaginu. „Uppbygging háskóla á
Akureyri hefur hleypt nýju lífi í
mannlíf við Eyjafjörð. Í Borgar-
firði á sér stað mikil uppbygging í
tveimur háskólaþorpum, svo ekki
sé minnst á það góða starf sem
fram fer í margvíslegum háskólum
í höfuðborginni og annars staðar,
meðal annars fyrir tilstilli nútíma-
tækni sem gerir fjarnám mögulegt
um land allt. Hólastaður hefur
ekki setið eftir í þessum efnum og
mér finnst mikið til koma um þá
uppbyggingu sem á sér hér stað
og er framundan,“ sagði Halldór.
Framfarir þjóðarinnar
með ólíkindum
Halldór talaði um að á þeim
tæpu þremur áratugum sem liðnir
eru frá því að hann tók sæti á Al-
þingi Íslendinga hefði íslenskri
þjóð fleytt svo fram, að kraftaverk
mætti teljast. „Þessar framfarir
verða enn ótrúlegri séu þær settar
á lengri tímakvarða og skoðaðar í
samhengi. Á hundrað árum hefur
þjóðin unnið sig upp úr örbirgð til
ríkidæmis með dugnaði og hörku,
þrátt fyrir ægikraft náttúruafl-
anna; þrátt fyrir áföll og hamfarir,
þrátt fyrir allt að því ómögulegar
aðstæður á stundum,“ sagði Hall-
dór og ræddi í framhaldi af því
um alþjóðavæðinguna og að Ís-
lendingar ættu þar fullt erindi
eins og hverjir aðrir. „Víða er
hlustað á rödd okkar af virðingu
og athygli. Sömu virðingu eigum
við vitaskuld að sýna öðrum þjóð-
um, því allir hafa eitthvað merki-
legt fram að færa og við verðum
aldrei of góð eða of merkileg til að
læra af öðrum,“ sagði Halldór.
Halldór sagði að Íslendingar
mættu ekki miklast yfir þeim góða
árangri sem náðst hefur, heldur
þyrftum við að rækta áfram það
góða og bæta okkur. Hann talaði
einnig til fjölmiðla þar sem hann
bað menn að gæta hófs í umfjöllun
um álitaefni og viðkvæm mál.
„Fréttamat og aldarháttur nú-
tímans, bæði í innlendu og erlendu
samhengi, virðist óðum þróast í þá
átt að hörmungar og ógæfa séu
betra og meira fréttaefni en vel-
gengni og framfarir. Andstaða við
mál þykir merkilegri en stuðn-
ingur. Fjölmiðlun og stjórnmál nú-
tímans eru hörð og óvægin. Menn
eru dæmdir í umræðunni löngu
áður en mál þeirra fá eðlilega um-
fjöllun stofnana samfélagsins.
Bæði fjölmiðlar og stjórn-
málamenn verða að gæta hófs í
ummælum sínum um álitaefni og
viðkvæm mál. Við getum öll tekið
okkur á í þeim efnum.
Vissulega er gagnrýni nauðsyn-
leg, en erum við ekki stundum
fullfljót á okkur að dæma aðra?“
sagði Halldór í ávarpi sínu.
Halldór Ásgrímsson utanríkisráðherra flutti ávarp á Hólahátíð
Fjölmiðlar og
stjórnmála-
menn of fljótir
að dæma
Morgunblaðið/Ásgrímur Örn
Halldór Ásgrímsson utanríkisráðherra flutti hátíðarræðu á Hólahátíð í ár.
MUN friðsamari bragur var á
menningarnótt í ár heldur en í fyrra
þótt þátttakendafjöldinn hafi að lík-
indum verið meiri nú. Geir Jón Þór-
isson, yfirlögregluþjónn í Reykjavík,
telur að um eitt hundrað þúsund
manns hafi verið í bænum þegar
mest var. Þrátt fyrir fjölmennið
gekk allt að óskum og segir Geir
Jón að viðmót mótsgesta hafi verið
ljúfara nú en fyrir ári. Þá var tölu-
vert um slagsmál og ölvun áberandi.
Nú segir lögreglan hins vegar að
ekki hafi verið mikið meira að gera
hjá sér heldur en á venjulegum
laugardegi. Fangageymslur voru þó
fullar eftir nóttina en það er ekki
óvenjulegt ástand eftir fjölmenna
helgi í miðborg Reykjavíkur.
„Það gekk ljómandi vel. Það verð-
ur ekki annað sagt,“ segir Geir Jón.
Hann segir að fyrst eftir kvöld-
mat á laugardag hafi verið fremur
fámennt í bænum en straumurinn
hafi þyngst smám saman allt að
flugeldasýningunni sem var kl. 23.
Veður lagaðist mikið eftir því sem
leið á kvöldið og telur Geir Jón það
hafa ráðið miklu um hve mikið fjöl-
menni ákvað að taka þátt í menning-
arnótt í ár.
Hann segir að umferð hafi gengið
mjög vel. Ein ástæðan sé sú að fólk
hafi ekki flýtt sér mjög úr borginni
eftir flugeldasýninguna svo umferð-
in var jafnari en verið hefur.
Aðspurður segir Geir Jón að náið
samráð lögreglu og skipuleggjenda
hafi ráðið miklu um hve vel tókst til
með menningarnótt í ár. Þá segir
hann það hafa hjálpað hve snemma
dagskránni lauk. „Samstillt átak
lögreglu, borgar og þeirra sem að
þessu komu. Menn voru með mark-
vissa upplýsingagjöf til almenn-
ings,“ segir hann.
Geir Jón segist telja að almenn-
ingur hafi verið meðvitaður um
vandræðin sem urðu í fyrra og að
allir hafi lagst á eitt til þess að
menningarnótt í ár tækist betur.
„Ég vil að það komi skýrt fram að
þetta góða samstarf sem varð meðal
þeirra aðila sem að þessu komu, ör-
yggismálum, skipulagningu og dag-
skrá, hafi skilað mjög góðum ár-
angri. Lögreglan er mjög ánægð
með það samstarf,“ segir Geir Jón.
Menningarnótt í Reykjavík gekk vel fyrir sig í ár
Ljúfara yfirbragð á há-
tíðinni í ár en í fyrra
Morgunblaðið/Júlíus
Tíu bílar lentu í árekstri á Miklubraut um miðjan dag í gær. Nokkurt tjón
varð á bílum og talsverðar umferðartafir, en mikil umferð var niður í bæ.
VEGNA mikils álags á farsíma-
kerfi Símans GSM og Og Voda-
fone reyndist notendum erfitt að
ná sambandi við endurvarps-
stöðvar á menningarnótt. Bæði
félögin höfðu gert þónokkrar ráð-
stafanir til þess að draga úr
vandamálinu. Færanleg endur-
varpsstöð Símans GSM var stað-
sett á Arnarhóli, við Seðlabank-
ann og Og Vodafone þrefaldaði
rásafjölda fyrir sína notendur.
Fjölgun rása var áþekk hjá Sím-
anum.
„Við næstum því þrefölduðum
kerfið hjá okkur,“ segir Heiðrún
Jónsdóttir, upplýsingafulltrúi
Landssímans. „Þetta er sambæri-
leg stækkun og í fyrra og við lend-
um í því sama og í fyrra, og áttum
von á, að frávísanir áttu sér stað
eftir að dagskrá lauk. Þetta stóð í
hálftíma eða þrjú kortér,“ segir
hún. Orsökin er sú að þegar fleiri
notendur senda beiðni um afnot á
farsímarás heldur en mögulegt er
þá þarf gjarnan að gera nokkrar
tilraunir til þess að ná sambandi.
Að sögn lögreglu voru um eitt
hundrað þúsund manns í mið-
bænum. Að sögn Heiðrúnar mátti
gera ráð fyrir að margir tækju
upp símann þegar dagskrá lyki og
olli það aukaálagi sem símkerfið
réð ekki við.
Pétur Pétursson, forstöðumað-
ur upplýsinga- og kynningarmála
hjá Og Vodafone, segir að enn sé
ekki búið að sameina kerfi Tals og
Íslandssíma á höfuðborgarsvæð-
inu og því hafi verið fjölgað um
tvo senda fyrir hvort kerfið um
sig og afkastageta annarra senda
aukin. „Það var í raun og veru
gert ráð fyrir þreföldun sums
staðar og margföldun annars
staðar,“ segir Pétur. „Ástandið
var þannig að á milli ellefu og tvö
var töluvert um frávísanir á öðru
kerfinu.“ Hann segir að álag á
kerfið hafi þrefaldast miðað við
venjulegan föstudag en á sumum
svæðum, sérstaklega við mið-
bakkann, hafi álagið verið tífalt á
við það sem venja er til.
Mikið álag á farsíma-
kerfum á menningarnótt
„…eða
allar rásir
uppteknar“
ÞAÐ eru ekki allir sem hafa þann
líkamlega styrk sem þarf til að geta
hlaupið í Reykjavíkurmaraþoni.
Það þarf hins vegar ekki endilega
að verða til þess að menn taki ekki
þátt ef vilji og andlegur styrkur er
fyrir hendi. Jón Sigurðsson frá Út-
hlíð í Biskupstungum lét hvorki
fötlun né rigningu aftra sér frá því
að taka þátt í maraþoninu, en Jón
var á árum áður góður langhlaup-
ari. Strætóbílstjórinn beið þol-
inmóður eftir því að Jón viki úr
vegi.
Morgunblaðið/SEL
Lét ekki fötlunina stöðva sig